Skip to main content

Қашықтан оқытуды қашан заңдастырамыз?

Оқушылар қашықтан оқуға көшкенімен, заңдық негіздемесі болмай тұр

Фото: kursiv.kz

Білім және ғылым министрі Асхат Аймағамбетов Facebook-тегі онлайн-пікірталас барысында білім беру саласында алдағы уақытта енгізілетін жаңалықтар туралы айтып өтті. 

"Бүгінде 800 мыңға жуық қазақстандық оушы телеарналар арқылы білім алуда. Біз  тәсілде тиімділік екенін көріп отырмыз. Болашақта біміз беру жүйесі, мектепке дейінгі білім беруден бастап, мектеп, колледж және  ЖОО-ға дейін осындай сын-қатерлер дайын болғанын қалаймыз", - деді Аймағамбетов.


Сонымен қатар, ведомство басшысы қашықтықтан оқыту формасын  заңнамада бекіту қажет деп санайды.

"Бұл бағытты қормативтік-құқықтың реттеу қажеттілігі бар. Қазіргі кезде, ашығын айтқанда, барлық деңгейде,нормативтік-құқықтық актілерде, білім туралы заңда қашықтықтан оқыту туралы түсінік мүлдем жоқ. Сондықтан біз тиісті норманы енгізу туралы бастама көтеретін боламыз. Соған сәйкес арнайы платформаларды дайындап, өзге дә мәселелерді шешу қажет", - деп түсіндірді министр.

Сондай-ақ, министрлік баспаларға электрондық оқулықтарды дайындау міндетін жүктеді.

"Мектеп бойынша айтсақ, біз қазір электронды оқулықтарға көп көңіл бөлеміз. Ол тек қарапайым электрондық оқулық болмауы керек. Көпшілік  кітапты электрондық форматқа көшіру - жай ғана  сканерленген көшірме жасау деп түсінеді. Расында біз дәл осы деңгейден аса алмай жатырмыз", - деді БҒМ басшысы.

Сонымен қатар Аймағамбетов осы саладағы жақсы тәжірибені мысалға келтірді.

"Нағыз  электронды оқулық шығарған жақсы мысалдар бар. Бұл біз үшін де сын. Біз баспалардың алдына әр баланы электронды оқулықпен қамтамасыз ету және оның қолжетімді болу міндетін қойып отырмыз",  - деп түйіндеді министр. 

Айта кетейік, 6 сәуірден бастап еліміздегі 3 миллионнан астам мектеп оқушысы қашықтан оқып жүр. Ол мына тетіктер бойынша жүргізіліп жатыр

•    Телеарналар арқылы. «Балапан» және «Еларнада» орыс және қазақ тілінде күніне сегіз сағаттан эфир болады. Әр видео сабақ он минутқа жоспарланып отыр. Бүгінде 500-ге жуық сабақ түсірілді. Жалпы саны - 3360. Бәрі мемлекеттік стандартқа сай. Кейін интернетке жүктеледі. Виртуал сабақта берілген тапсырманы үйде орындай береді. Бұл тетікті көбіне интернеті жоқ оқушылар қолданады.   

• Радио арқылы. «Қазақ радиосына» тиісті аудио сабақтар тапсырылған. Бұл тетік теледидары жоқ отбасылар үшін жасалып отыр. 

• Пошта арқылы. Министрлік «Қазпоштамен» келісімге қол қойған. Еліміз бойынша 1200-ге жуық елді-мекенде мектеп жоқ. Ол жерлерде әрі кетсе 5-7 бала ғана бар. Осыған дейін ол балалар көрші елді-мекенге қатынап оқып жүрген. Міне, осы оқушыларға поштамен кері байланыс орнатуға мүмкіндік бар. 

• Штаттық режимде оқу. 1080 мектепте оқушы саны жүзге жетпейді. Шалғайда орналасқандықтан ол жақта қауіп азырақ. Сондықтан олар осыған кезге дейін қалай оқыса, солай жалғастырады. Дәстүрлі режимде сабақ өткізілетін болса да, бір ауысым емес, екі ауысымда оқитын болады. Әрі санитарлық талаптар сақталуы тиіс.

• Интернет арқылы оқу. Қалада оқитын балалары саны - 2 млн. Аудан орталықтарында 500 мыңдай оқушы бар. Бірақ интернет жылдамдығы мен оған қосылудың оңай емесі ескерілген. Компьютермен қамтамасыз ету де қарастырылып отыр. Қазір мектеп балансындағы 120 мың компьютер уақытша ата-аналарға берілген. 
 

banner_wsj.gif

Карантин жағдайында ҰБТ қалай өтетіні белгілі болды

Тестілеуге қатысуға өтініш қабылдау аяқталды

Фото:kursiv.kz

Биыл тестілеуге қатысу үшін өтініш қабылдау 20 сәуір мен 10 мамыр аралығында онлайн жүргізіліп, Алматы қаласы бойынша 190 мемлекеттік және 49 жеке оқу ордасының білім бәйгесіне қатысатыны анықталған. 

    Алматы қалалық білім басқармасының басшысы Ләззат Жылқыбаеваның айтуынша, 9047 түлектің 8575-і онлайн түрде, ал 472-сі дәстүрлі форматта өтініш білдірген. Ал ҰБТ санитарлық талаптарды сақтай отыра бұрынғыдай өткізілмек. Білім шарасын өткізетін 8 орын анықталған. Олар: 

.    Әл-Фараби атындағы Қазақ Ұлттық университеті; 
2.    Абай атындағы Қазақ педагогикалық университеті; 
3.    Қазақ ұлттық аграрлық университеті; 
4.    «Нархоз» университеті; 
5.    Халықаралық білім беру корпорациясы; 
6.    Халықаралық бизнес университеті; 
7.    Қазақ ұлттық қыздар педагогикалық университеті; 
8.    Алматы технологиялық университеті. 

«ҰБТ өткізілетін барлық орындарда дезинфекциялаушы туннелдер орналастырылады, ал түлектер жеке қорғаныс құралдарымен қамтамасыз етіледі. Осы жылы 9299 талапкер мектеп бітірсе, олардың 545-і – «Алтын белгі» иегерлері. Биыл 9 және 11 сыныптар үшін қорытынды аттестация болмайды, аттестат оқу жылында қойылған жылдық бағалауға сүйене отырып беріледі. 3-4 маусым күндері мектептерде 11 сынып оқушыларына аттестат тапсыру рәсімі өтеді. Ол шара алдын ала белгіленген кесте бойынша түлектердің жаппай жиылуын болдырмау арқылы өткізіледі» дейді Ләззат Жылқыбаева. 

   Қалалық білім басқармасының ақпараты бойынша, төмендегідей ережелер мен шаралар бекітілген: 

•    Білім мекемелерінде оқу жылы 25 мамырда аяқталады; 
•    9-11 сыныптар үшін қорытынды емтихан өткізілмейді; 
•    Негізгі орта және жалпы орта білімнің аяқталуын аттестаттау ағымдағы бағалау негізінде жүзеге асады; 
•    Орта білім беретін мекеме басшыларының электронды журналдағы бағаны түзеуіне тыйым салынады; 
•    1-10 сыныптар үшін салтанатты жиындар қашықтық форматында өткізіледі; 
•    11 сыныптарға аттестат табыстау рәсімі 3-4 маусым күндері санитарлық-эпидемиологиялық талаптарды қатаң сақтай отыра өткізіледі. 

Шаһарда салтанатты жиындар өткізу бойынша мынадай талаптар қойылған: 

•    Бітіруші сыныптар үшін салтанатты жиындарды өткізу бір-бірінен алыс тұру және қатысушылар үшін 2 метрден кем емес әлеуметтік қашықтықты сақтау арқылы жүзеге асырылады; 
•    Аттестат тапсыру тек сынып бойынша жүзеге асып, оқушы, ата-ана, педагогикалық ұжымның шектеулі өкілдерін қоса есептегенде 60 адам кіргізіледі. 
•    Бір сынып пен басқа сыныптың арасындағы аттестап тапсыру уақыты 1 сағаттан кем болмауы тиіс; 
•    Салтанатты жиынға үлкен буын өкілдері – ата мен әжелердің келмеуіне кеңес беру; 
•    Мектеп әкімшілігі ата-аналар комитеті, сынып және педагогикалық ұжыммен түсіндіру жұмыстарын жүргізуі тиіс.
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_kaz.png