nedvijimost-v-krizis.png

55 просмотров

Қазақстандық каскадерлар әлемдік аренаға шықты

Олар Taurus World Stunt Awards жүлдесіне үміткерлер қатарына енді 

Фото:Шәкен Айманов атындағы «Қазақфильм» АҚ Баспасөз қызметі

Қазақстандық каскадерлер Taurus World Stunt Awards жүлдесіне үміткерлер қатарында. Бұл туралы Шәкен Айманов атындағы «Қазақфильм» АҚ Баспасөз қызметі хабарлады.

Танымал қазақстандық каскадер, ҚР Еңбек сіңірген қайраткері Жайдарбек Күнгужинов және оның Nomad Stunts командасы режиссер Ақан Сатаевтың «Томирис» тарихи фильмінде қойған трюктері үшін Taurus World Stunt Awards жүлдесіне ұсынылды.

ҚР Мәдениет және спорт министрлігінің тапсырысы бойынша Sataifilm компаниясының қатысуымен «Қазақфильм» киностудиясында түсірілген «Томирис» картинасы «Шетелдік фильмде қойылған үздік трюктер» номинациясындағы марапаттың қысқа тізіміне енді. Қазақстандық фильммен бірге Ресей, Украина, Италия және Мысыр елінің туындылары бақ сынайды. 

Taurus World Stunt Awards 2001 жылдан бері Лос-Анжелесте өткізілетін жыл сайынғы көркем фильмдердегі үздік көріністері үшін, әлемнің үздік трюк шеберлерін марапаттайтын рәсім.

«Taurus World Stunt Awards назарға ілікпейті кино кейіпкерлеріне, әлемдегі ең үздік трюк жасайтын мамандарға беріледі. Олар көпшіліктің көңілінен шығатын ең батыл амалдарды орындай отырып, өз өмірлерін қатерге тігеді», – делінген жүлденің ресми сайтында.

Сыйлық бірнеше санаттағы ең үздік трюктер үшін беріледі, олар: өрттегі ең үздік трюктер, биіктіктегі ең үздік трюктер, көліктермен жасалған үздік жұмыс, үздік жекпе-жектер көрінісі, ең үздік арнайы трюктер, соқтығысы бар ең үздік трюктер, әйелдер арасындағы ең үздік трюктер және т.б.

Биыл, 2020 жылдың 9 мамырына белгіленген марапаттау рәсімі коронавирустық пандемияға байланысты белгісіз мерзімге шегерілді.
 

Читайте "Курсив" там, где вам удобно. Самые актуальные новости из делового мира в Facebook, Telegram и Яндекс.Дзен

kursiv_in_telegram.JPG

banner_wsj.gif


Материалы по теме


Читайте в этой рубрике

 

#Коронавирус в Казахстане

Читайте нас в TELEGRAM | https://t.me/kursivkz

kursiv_instagram.gif

Читайте свежий номер

kursiv_opros.gif

kursiv_opros.gif