Нұр-Сұлтан қаласын дамытудың стратегиясы қабылданды

Опубликовано
Құжат 2050 жылға дейінгі мерзімді қамтиды

Құжатты жүзеге асыру үш кезеңге созылады, бірінші кезең -2025 жылға дейінгі уақыт — адамдарға арналған қала жасауға арналса, 2030 жылға дейінгі кезең — қаланың бәсекеге қабілеттілігін көтеріп, тұрақты қала қалыптастыруға жұмсалмақ, ал 2050 жылғы қарай – елордамыз жаһандық қала болмақ. Алайда, қазір белгілі болғандай, стратегияда агломерация мәселелері ескерілмепті.

2050 жылға дейінгі Нұр-Сұлтан қаласының даму стратегиясын мәслихат депутаттарына  елорданың стратегиялық және бюджеттік жоспарлау басқармасының басшысы Қайсар Манқараев таныстырды.

Оның айтуынша, стратегияны талқылауға түрлі форумдар, дүңгелек үстелдер және сауалнамалар жүргізу арқылы қала тұрғындары тартылыпты. Стратегия жобасы екі мәрте қоғамдық кеңес мүшелері тарапынан қарастырылды.

«Стратегияны жүзеге асыру үш кезеңге созылады – 2025 жылға қарай астана адамдарға арналған қалаға айналу керек, 2030 жылға қарай – бәсекеге қабілетті, тұрақты қала болып қалыптасуға тиіс, ал 2050 жылғай қарай – ол жаһандық қалаға айналады. Елорданың тартымдылығын арттыруға бағытталған бірінші қадам қаланың жәйлі ортасын қалыптастыруды қамтамасыз ету болмақ. Біздің жұмысымыздың фокусы сапалы жұмыс орындарын және азаматтарға кәсіпкерліктегі өз мүмкіндіктерін жүзеге асыруға бағыталған мүмкіндіктерді ұсыну болып табылады. Бұлардан тыс, әл-ауқаттың ортақ деңгейін көтеру қажет», — деді ол.

Алайда депутат Мирас Шекенов құжатқа белгілі түзетулер енгізу, атап айтқанда, агломерация бойынша, қажеттігінің маңыздылығын атап көрсетті. 

«Біз оны қаласақ та, қаламасақ та, қала үлкейеді, өседі, сондықтан жақын маңда орналасқан – Қосшы, ескі Ильинка, Көктөбе ауылдары, бәрібір Нұр-Сұлтан қаласының орбитасында болады – ол жақта тұратын адамдар осында дұмыс істейді. Сондықтан президенттің тапсырмасына байланысты, агломерация мәселесіне міндетті түрде көңіл бөлген жөн», — деп қала басшылығына кеңес берді депутат.

Читайте также