Перейти к основному содержанию

292 просмотра

АҚШ виза берудің жаңа тәртібін жариялады

Ол «босану туризмін» тежеуге бағытталған

Фото: Shutterstock

АҚШ президентінің әкімшілігі Америкаға босану үшін барғысы келетін әйелдерге виза берудің жаңа тәртібін жариялады, деп хабарлайды Интерфакс агенттігі. 
 

Associated Press-тің дерегі бойынша, бала дүниеге келген соң автоматты түрде Американың төлқұжатын иеленуі үшін сол жаққа әдейі барып босанатын әйелдерге америкалық туристік виза беру туралы сөз болып жатыр. Егер АҚШ-тың консулдық қызметі әйелдердің АҚШ-та босануға бара жатқанын анықтаса, олардың өтініші кері қайтарылады. 

Жалпы АҚШ-қа барып босану заңды, алайда виза алуда алаяқтық жасап, салықтан жалтару мақсатында «босану туризмін» ұйымдастыратын туристік агенттік өкілдерінің қамауға алынған жағдайлары тіркелген.

АҚШ мемлекеттік департаменті елге босану үшін келу – саяхаттау немесе демалу мақсатындағы туризм түсінігіне сай келмейді деп тұжырымдайды. 


 

banner_wsj.gif

564 просмотра

Дүниежүзілік денсаулық сақтау ұйымы коронавирусты пандемия деп жариялады

Ұйым індетпен күрес шараларының жеткіліксіздігі мен оның кең таралуына алаңдаулы

Фото:shutterstock.com

Дүниежүзілік денсаулық сақтау ұйымының Бас директоры Тедрос Адхан Гебрейесус әлемде COVID-19 инфекциясының кең таралуына байланысты коронавирусты «пандемия» деп жариялады, деп жазады Интерфакс агенттігі.

«Біз COVID -19-ға қатысты қалыптасқан  жағдайды пандемия деп сипаттауға болады деген қорытындыға келдік»,–деді ол Женевада өткен баспасөз мәслихатында. 

ДДСҰ басшысы ұйым коронавирустқа байланысты әлемдегі жағдайды тәулік бойы бақылап отырғанын жеткізді.

«Біз коронавирустың осындай қорқынышты қарқынмен таралуына да, сонымен бірге оны ерен қылмай, алаңсыз отырғанға да алаңдаулымыз», – деді ол. 

Гебрейесус «алдағы күндері COVID -19  инфекциясын жұқтырғандардың саны, соның салдарынан қайтыс болғандардың және ауру таралған елдерің саны күрт өседі деп күтіп отырмыз» деп мәлімдеді.

ДДҰ критерийлеріне сәйкес, пандемия – жаңа аурудың әлемдік ауқымда таралуы. Мысалы, тұмау пандемиясы жаңа вирусы пайда болып, ол  бүкіл әлем бойынша таралғанда және адамдардың басым бөлігінің иммунитеті төмен болғанда жарияланады.

banner_wsj.gif

drweb_ESS_kursiv.gif