Перейти к основному содержанию

234 просмотра

ШЫҰ жаңаша жұмыс істейтін болады

Ұйым 2035 жылға дейінгі ынтамқтастық бағдарламасын бекітті

Фото: Shutterstock

Ташкенте Шанхай ынтымақтастық ұйымының (ШЫҰ) отырысы болып өтті, онда экономикалық қызметтесудің 2035 жылға дейінгі жаңа бағдарламасы бекітілді. Бұл турасында ұйымның бас хатшысы Владимир Норов хабарлады.

Қолдланыстағы стратегия 2003 жылдан 2023 жылға дейінгі мерзімге жасалған болатын, қазір оның аяқталатын кезі де жақындап қалды. Жаңа жоба оны кезең-кезеңмен жүзеге асыруға арналған. Владимир Норовтың айтуынша, 2025 жылға дейін ШЫҰ елдері инновациялық және «жасыл» технологияларды пайдаланатын бағдарламаларды дайындайды және жүзеге асыра бастайды.

«2030 жылға дейін сауда мен инвестициялар саласындағы жаңа ережелерді дайындау, сондай-ақ қызметтер мен интернет-коммерцияны ілгерілету жоспарланып отыр», - деп мәлімдеді ШЫҰ-ның бас хатшысы.

Қорытынды кезеңде ұйым елдері бәсекелестікті көтеруге және интернет-технологияларды енгізу мен тауарлардың, капитал мен қызметтердің еркін қозғалуына жағдай жасау арқылы экономикалардың цифрлық жаңаруын қамтамасыз етуге бағыт алып отыр.  

Ташкенттегі ШЫҰ-ның сессиясына баға берген Санкт-Петербургтегі Еуропалық университеттің профессоры, саяси ғылымдар докторы Григорий Голосов, «Курсивпен» болған әңгіме барысында, ұйым аясындағы уағдаластықтардың соншалықты нақтыланбайтындығын атап өтті.

«Бұл ұйымның бас төрешісі болып табылатын Қытайдың ШЫҰ аясында ойынның аса міндетті ережелерін белгілеуге мүдделі емес екендігінен орын алып отыр. Қытайға әр елмен жеке жеке келісу тиімдірек. Пайда мәселесіне келетін болсақ, Ресей, мәселен, экономикалық емес, саяси ұпайлар жинайтын сыңайлы. Ал Қытаймен екіжақты деңгейде уағдаластыққа келе алмаған Қазақстан мен Өзбекстанның ШЫҰ-ның көмегімен қандай да мәмілеге келуі екіталай».

ШЫҰ — 2001 жылы Қытай, Ресей, Қазақстан, Тәжікстан, Қырғызстан мен Өзбекстан көшбасшылары негізін қалаған халықаралық ұйым. 2017 жылдан оған Үндістан мен Пәкістан қосылды. ШЫҰ-да мемлекет басшылары, үкімет басшылары, сыртқы істер министрлері кеңестері жұмыс істейді. Ұйымның негізгі мақсаттары: қауіпсіздікті және экономикалық дамуды қамтамасыз ету.

banner_wsj.gif

233 просмотра

"Қазақстанда коронавирустан қайтыс болғандар жоқ"- Е.Тоғжанов

Қазір ел бойынша осы вирусты жұқтырған 49 науқас тіркелген

Фото:primeminister.kz

ҚР Премьер-Министрінің орынбасары Ералы Тоғжанов COVID-19-дың Қазақстан аумағында таралуына жол бермеу шаралары туралы өткен брифинг барысында елімізде бұл індеттен көз жұмғандар жоқ деп мәлімдеп, жалған ақпаратқа сенбеуге шақырды. 

"Қазір ел ішінде коронавирустан қайтыс болғандар жайлы түрлі жалған ақпарат таралып жатыр. Республика бойынша одан көз жұмғандар жоқ",- деді ол. 

Осы ретте  жалпы 49 науқас тіркелгенін, оның ішінде  Алматы қаласында – 22 адам, Нұр-Сұлтан қаласы бойынша 25 адам, Қарағанды қаласында -  2 адам  анықталғанын айтып өтті. 

Денсаулық сақтау министрлігі де елімізде  корнавирустан қайтыс болғандар жайлы ақпаратты жоққа шығарды.Бұған дейін бірқатар халықаралық ресурстарда елімізде коронавирустан қайтыс болғандар жайлы ақпарат жарияланған еді.

Сонымен қатар Ералы Тоғжанов елімізде коронавирустың таралуына жол бермеу мақсатында атқарылып жатқан шаралар жайлы айтып өтті.

"Біріншіден, Нұр-Сұлтан мен Алматы қалаларына кіріп-шығу шектеледі. Наурыз айының 22-сі сағат 00:00-ден бастап, аталған екі қаламен әуе, теміржол, автобус арқылы адам тасымалы тоқтатылады. 22 наурызға дейін адамдар Нұр-Сұлтан мен Алматы қалаларына еркін келуіне немесе кетуіне болады.

Екіншіден, үкімет басшысының орынбасары өндіріс тауарларын сататын және ойын-сауық орталықтары, мәдениет, тамақтану және қызмет көрсету орталықтары уақытша жабылды. Азық-түлік дүкендері мен дәріханалар бұрынғы тәртіппен жұмыс істеп жатыр.

Үшіншіден, Қазақстан Президентінің шешімімен мемлекеттік қызметшілердің 70 пайызы қашықтан қызмет ету тәртібіне өтті. Нұр-Сұлтан мен Алматы қалаларында меншік түріне қарамастан барлық мекеме қашықтан жұмыс істеу тәртібіне өтеді", - деді ол.

Ералы Тоғжановтың айтуынша, Үкімет тарапынан азық-түлік пен халыққа қажетті тауарлармен қамтамасыз ету жолдары толығымен қарастырылған. Бұл жұмыстарға бүгін де 32 млрлд теңгеден астам ақша бөлу жоспарлануда. Оның шіінде республикалық бюджеттен 14,8 млрд теңге, қалғаны жергілікті бюджеттен аударылады. Қажетті тауарлардың бағасын көтеру фактілері кездескен жағдайда қатаң түрде заңды шаралар қолданылатын болады. 

 

 

 

banner_wsj.gif

drweb_ESS_kursiv.gif