Перейти к основному содержанию
499 просмотров

2020 жылы ең ірі жел генераторы іске қосылады

Ол Ақтөбе облысында салынып жатыр

Фото: Аскар Ахметуллин

Ақтөбе облысында еліміздегі ең ірі «Бадамша» жел генераторы салынып жатыр. Қазір құрылыстың 65 пайызы аяқталған, жел генераторы жыл соңына дейін іске қосылуы тиіс. Бұл туралы Нұр-Сұлтанда өткен қазақ-итальян бизнес-форумы барысында «Eni» мұнай-газ компаниясының Қазақстан филиалының жаңартылатын энергия көздері (ЖЭК) жобалары бойынша менеджері Алекс Стиловато айтып өтті. 

«Біз жаңартылатын энергия көздерін дамытуды қолдаймыз. Осы бағыттағы жобаларға 1,4 млрд доллар инвестиция салуды жоспарлап отырмыз. Соның ішінде осы  қаржының 15 пайызы Қазақстандағы жобаларға бөлінеді»,– деді Алекс Стиловато.

Ақтөбеде салынып жатқан жел генераторы – аталмыш компанияның қолдауымен жүзеге асырылып жатқан жоба.

«2020 жылға қарай алғашқы нәтижесін көреміз. Құрылыс пен  жобаны жүзеге асыру барысында жұмысқа жергілікті мамандар тартылады»,–  дейді ол.

Спикердің айтуынша, Қазақстанның күн энергетикасын дамытудағы әлеуеті жоғары:

«Қазақстанның, әсіресе елдің оңтүстігінде Күннен энергия алудың әлеуеті жоғары. Біз жаңа коммерциялық модель мен бизнес-бағыттарды зерттейміз: жел генераторлары, күн батареялары, соның ішінде, геотермальды энергия да бар».

Eni компаниясы Қазақстандағы инвестициялық ахуалды жақсарту бағытында  ел үкіметімен тығыз байланыста жұмыс істейді. Бұл қызмет инвестиция тартуда басымдыққа ие жаңартылатын энергия көздерін дамытуды да қамтиды.

Айта кетейік, 13 қарашада Нұр-Сұлтан қаласында Италияның Сыртқы істер министрінің орынбасары Манлио Ди Стефаноның Қазақстанға жұмыс сапары аясында  Қазақстан-Италья бизнес-форумы өтті. Іс-шараға екі елдің іскерлік топтарының, ұлттық компаниялардың, мемлекеттік органдардың өкілдері қатысты. Форум барысында энергетика, ЖЭК, мұнай-химия, өңдеу өнеркәсібі және АӨК саласындағы жобаларды дамыту мәселелері талқыланды.

banner_wsj.gif

70 просмотров

Павлодар облысының бұрынғы әкіміне қатысты сот үкімі шықты

Болат Бақауовтың бас бостандығы 3,5 жылға шектелді

Фото: shutterstock.com

Бүгін Павлодар қалалық №2 сотында Павлодар облысы экс-әкімінің ісі видео конференция режимінде қаралып, айыпталушы үй қамағынан босатылды. 

Өткен жылы Болат Бақауовтың туысы басшылық ететін «Aksu Trans Logistik» компаниясында жүргізілген тексеріс нәтижесінде кәсіпорынның 2014-2018 жылдар аралығында 200 млн теңгеден аса салық төлемегені анықталған. Болат Бақауов тексеріс нәтижесіне ықпал етпек болып, жергілікті мемлекеттік кірістер департаментіне өтелмеген салық көлемін 3-5 млн теңгеге дейін төмендетіп көрсетуді талап еткен. 


«Бақауовтың заңсыз әрекеттері жергілікті және республикалық бюджетке аударылуы тиіс ірі көлемдегі салықтың түсуіне, сонымен қатар құзырлы органның дұрыс жұмыс істеуіне кедергі келтірді. Айыпталушы ҚР Қылмыстық Кодексі 361-бабы 4-бөлімі 3 пунктінде қарастырылған («Лауазымдық қызметтерін асыра пайдалану») қылмыстық құқықбұзушылықты жасады», - деді прокурор Елена Белова. 

Бұрынғы облыс әкімінің өз кінәсін толық мойындауы, кәмелеттік жасқа толмаған балаларының болуы және қылмыстық құқық бұзушылық нәтижесінде келтірілген залалдың ерікті түрде өтеуі оның жауапкершілігін жеңілдетті.

«Сот 3 жыл 6 ай көлемінде бас бостандығын шектеу, жазасын өтеу кезеңінің барлық мерзімінде пробациялық бақылау, жылына 100 сағат қоғамдық жұмыстарды тарту жазасын тағайындау әділ деп санайды. Үй қамағынан босатылсын», - деді №2 қалалық соттың төрағасы Нұрлан Қайырбеков. 

Сондай-ақ, өмір бойы мемлекеттік қызметте еңбек ету мүмкіндігінен айырылды. 

Еске сала кетейік, 2020 жылдың 15 қаңтарында Ұлттық қауіпсіздік комитетінің қызметкерлері Болат Бақауовты тұтқындап, бір айдан соң экс-экім үй қамағына босатылған еді. 
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_kaz.png