Перейти к основному содержанию
1633 просмотра

Қырқында қамал алмаған қауіпті ме?

«Орта жас дағдарысы» туралы не білеміз

Фото: Shutterstock

Қай нәрсенің болсын бел ортасына келгенде артқа көз тастау – заңдылық. Әсіресе, көбін «отызда орда бұза алдым ба, қырқымда қамал алу жағы қалай болады» деген ой мазалайды. Әу баста қазақ мұны ерге қатысты қолданған. Сол сияқты Батыста да «орта жастағы дағдарыс» термині бастапқыда ер кісілерге байланысты айтылған екен. Бірақ қазір жалпы қолданысқа еніп кетті. Ендеше, қырықтың қырқасына шыққандардың дағдарысқа ұшырай бастағанын қайдан білеміз? Кризистің бұл түрі қаншалықты қауіпті? Бірге талдап көрейік! 

    Ұйқыдан тұра сала айнаға қарадыңыз. Қарсы алдыңызда кімді көріп тұрсыз?  Біріншіден, бетіне әжім түсе бастаған, ересек адамның бейнесі тұр. Бір ойы – күнделікті жұмысын тастап, басқа жаққа «қашып кетсем бе» дейді. Бұрын өзіне ұнаған кей дүниеге көзқарасы өзгерген. Дінге, пәлсапаға ден қоя бастаған. Қатарластарының ішінде одан гөрі жетістікке жеткендерін санап шықты. Көп сияқты. Өмірі қызықпаған вокал не бимен айналысу жайлы ойлап қояды. Ең қызығы, айнаның ар жағындағы бейне – басқа емес, өзіңіз. 

    Бұл – орта жастағы дағдарыстың анық белгілері. Шамамен қырықтан асып, елуге таяп қалғандар шалдығады. Бұл жасқа келгенде адам кәсіби тұрғыда кемелденеді. Сөйтіп иығына артылған жүк құдды шамадан тыс ауыр сияқты сезіле бастайды. Оған қоса самайдағы ағарған шаш та бұрынғыдай жас емес екенін білдіріп қояды. Енді сіз «Жас келсе – іске» деп бәріне білек сыбана кірісіп кетпейсіз, ойланасыз. Әрі, шыны керек, күш-қуатыңыз да осыдан он бес жыл бұрынғыдай бәріне жете бермейді. Мұның бәрі іштей күйзелуге әкелетіні содан. Жастардың жалынына қызыға қарап, қызғаныш деген қызыл ит ара-тұра абалап қояды.   

    «Бизнес деген – психология» кітабының авторы , психолог Марина Мелия орта жас дағдарысының үш түрлі қаупі барын айтады. Біріншісі, табысқа жеткен адамдардың аяқ-асты күйзеліп, түңіліп кететіні. Оларға осы кезде қолдау қатты қажет. Себебі оның салдары ауыр болуы мүмкін. Бұл жастағылардың келесі бір түрі – керісінше, еш өзгермегенін айтып, өзін қылшылдаған жас көретіндер. Ерсі қылықтар істеп, жастармен бәсекеге жиі түсе бастайды. Етек-жеңін жинаудың орнына бұрынғыдан бетер қысқартуы мүмкін немесе шашын қызылға бояп тастауы да ғажап емес. Жоқтан бар жасау үшін тырбанып, айналасындағылар «сен өзі шаршамайды екенсің» деген сөздерді күтеді. Үшінші типке келсек, ол – революционерлер. Бір сәтте қолды бір сілтей салады. Тым жақсы жүріп жатқан кәсібін, айрандай ұйыған отбасын қиюы мүмкін. Әлгі фильмдердегідей Африка асып, өзіне жаңа миссия тауып алатындар да бар. Бұл ретте таяқтың екінші ұшы ескерілмей қалатыны жаман. Сондықтан бұл типаж да қауіпті.  

Қайтпек керек? Әр жастың өзіне жарасымды қылықтары бар. Ќүш-қуатыңызды жасыңызға сай пайдаланыңыз. Бәріне байыппен қараңыз. Қирап қалған ештеңе жоқ. Бәрі бұрынғыдай. Бар болғаны арман ұлғайып, қайғы ойлай бастадыңыз. Қартайым деуге де ерте. Жаспен күресіп әуреленудің орнына, одақтаса күн кешіңіз. Өмір әсте тамаша!
 

banner_wsj.gif

Тоқаев: "Коронавирустың екінші толқынының қаупі сейілмеді"

Президент қазақстандықтарды карантин талаптарын қатаң сақтауға шақырды

Фото: Асқар Ахметтулин

Мемлекет басшысы Қасым-Жомарт Тоқаев Twitter-парақшасында қазақстандықтарды карантин талаптарын қатаң сақтауға тағы да шақырды. Президент коронавирустың екінші толқынының қаупі сейілмегенін тілге тиек етті. 

Бұл ақпаратты Дүниежүзілік денсаулық сақтау ұйымы да растап отыр. 

«Үкіметтік комиссияның барлық іс-әрекетіне қарамастан індетке шалдыққан азаматтарымыз азаймай отыр. Коронавирустың екінші толқынының қауіпі сейілмегенін ДДСҰ да растады», - деп жаз мемлекет басшысы.

 

Осы орайда Президент қазақстандықтарды карантин шараларын қатаң сақтауға шақырды:

 

«Отандастарымызды жаппай ауруға шалдығудан қашып, індеттен қорғанудың жолдарын (арақашықтықты сақтау, дезинфекция, жеке тазалық, бетперде кию) ұстануға тағы да шақырамын».

Айта кетейік, өткен тәулікте коронавирус індетінен 4 адам көз жұмды. Атырау және Қорағанды облысы мен Нұр-Сұлтан қаласының тұрғындары қайтыс болды. 

3 маусым 23:59-дағы эпидемиологиялық жағдай бойынша, өсім 2,3% құрап, ел бойынша 12067 адам коронавирус жұқтырған. Соның ішінде 6240 пациент аурудан емделіп шыққан. Бір тәуліктің ішінде 267  адам коронавирус инфекциясын жұқтырғаны белгілі болды.
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_kaz.png