Перейти к основному содержанию

675 просмотров

Қазақстанда ең жоғары сұранысқа ие болған мамандықтар аталды

Бос жұмыс орындарын орналастыру бойынша Алматы, Нұр-Сұлтан және Қарағанды қалалары көш бастап тұр

Фото: Shutterstock

HeadHunter зерттеу орталығы 2019 жылғы еңбек нарығының қорытындыларын жасады. Компания мәліметтеріне сәйкес, вакансиялар санының өсуі 2019 жылы 2018 жылдың тиісті мерзімімен салыстырғанда, 1,68%-ды құраған.  hh.kz  порталындағы жұмыс іздеушілердің саны 2,3 миллион адамна асып кеткен, деп хабарлайды Energyprom.kz.

Қазақстанның еңбек нарығында ең жоғары сұранысқа келесі кәсіп иелері ие болған: сауда (18,2%), бухгалтерия, кәсіпорындардағы басқарушылық және қаржылық есепке алу (8,3%), әкімшілік персоналы (7,2%), ақпараттық технологиялар, интернет және телеком (6,5%), сондай-ақ банктер, инвестициялар мен лизинг (6,5%).

Вакансияларды орналастыру бойынша ТОП-10 қалалардың көшін Алматы, Нұр-Сұлтан және Қарағанды бастап тұр. Атырау мен Шымкент олардың өкшесін басып келе жатса, Өскемен, Павлодар, Қостанай, Ақтөбе және Орал тізімнің соңында жайғасқан.

Жұмыс іздеушілер арасында ең жоғары сұранысқа келесі кәсіп салалары ие болған: сауда (12,9%), әкімшілік персоналы (8,4%), бухгалтерия, кәсіпорындардағы басқарушылық және қаржылық есепке алу (8,3%), өндіріс (5,9%). Мәнсабын енді бастағандар мен стутенденттерге лайықты салалардың еншісіне бірден 19,1% келген. Түйіндемелерді орналастыру жөніндегі ТОП қалалар вакансиларды орналастыру жөніндегі тізіммен бірдей, тек көшбасшылар қатарына Қостанай қосылған.

21_30Самые востребованные специальности-1.png

HeadHunter зерттеулеріне сәйкес, 2019 жылы ең жоғары сұранысқа ие болған еңбекақы диапазоны 2018 жылдағыдай 120-180 мың теңге аралығында болған.

Естеріңізге салсақ, ҚР ҰЭМ Статистика жөніндегі комитетінің ресми мәліметтері бойынша, 2019 жылғы үшінші тоқсанның қорытындылары бойынша еліміздегі орташа айлық еңбекақы 191,1 мың теңгені құраған, ал екінші тоқсанда ол 186,5 мың теңге болса, 2018 жылғы үшінші тоқсанда 161,8 мың теңгені құраған.

Еңбекақының нақты өсімі бір тоқсанда 2,5%-ға жетсе, бір жылда 18,1%-ды құраған.


Самые востребованные профессии-2.png

banner_wsj.gif

164 просмотра

42500 теңге: миллионнан аса өтініш келіп түскен

Олардың арасында 500 мыңнан аса айлық алатындар да болған

Фото:кursiv.kz

Қазіргі кезде 938 мың адам 42500 теңге төлем алуға 1,2 млн өтініш берген. ҚР Еңбек және әлеуметтік қорғау министрі Біржан Нұрымбетов ОКҚ өткен брифингте әлеуметтік төлем жайын тағы да түсіндірді. 

«Біріншіден 42500 теңге – емлекеттік әлеуметтік сақтандыру қорынан төленетін әлеуметтік төлем. Ол жұмыс істеп, ресми, бейресми тіршілік жасап жүрген азаматтарға, бірақ төтенше жағдайға қатысты табысынан айырылған адамдарға қарастырылған», – деді министр. 

Нұрымбетов жүйе әр адамды автоматты түрде тексеретінін айтып өтті. Қазір кезде  egov.kz және 42500.enbek.kz сайттары тұрақты жұмыс істеп тұр, арнайы телеграм- бот іске қосылады. 

"Telegram-бот бүгін іске қосылды. Ол дайын. Бірақ оны кішкене кешіктірдік. Өкінішке қарай, кейбір "ақылды кісілер" көптеген фейк, жалған Telegram-боттарды жариялап, кішкене халықты жаңылыстырды", - деп қосып өтті Біржан Нұрымбетов.

Сонымен қатар министрдің айтуынша, бұл төлемге тек жағдайы қиындап кеткен кісілер ғана емес, 500 мыңдап айлық алып жүргендер де өтініш берген. 

"Алғашқы 4 мыңнан аса өтініш келіп түскен кезде, олардың 2 мыңға жуығы қаңтар, ақпан айларында 50 мыңнан аса айлық алып жүргенін анықтадық. Алайда 16 наурыздан кейін ақшасы қалмай қалыпты да, өтініш берген. Бұл енді дұрыс емес. Сондықтан сіздерден кешірім сұраймыз, бірақ сіздерге бұл ақша төленбейді",- деді министр. 

 

banner_wsj.gif

drweb_ESS_kursiv.gif