Перейти к основному содержанию

374 просмотра

Болат Бақауов тұтқынға алу туралы қаулының күшін жоя алмады

Павлодар облысының экс-әкімі тергеу абақтысында қалатын болды

Фото: pavlodar.gov.kz

Павлодар облыстық соты облыстың бұрынғы әкімі Болат Бақауовты екі айға қамауға алу жөніндегі бұлтатпау шарасын қабылдау туралы қаулыны өз күшінде қалдырды. 

«Бірінші инстанциядағы сот шешіміне шағым аппеляция алқасына түскен болатын. Қаулы өзгеріссіз қалдырылды», - деп хабарлады облыстық соттың баспасөз хатшысы Әнел Құсанова.

Болат Бақауов өзін үй қамаққа алуды өтінген еді, ал оның туысқандары бір миллион теңге сомасындағы кепіл ақша салған-ды. Қорғаушы тарап күдіктінің гипертониялық жағдайда екенін хабарлаған болатын. Бұдан бөлек, қоғамдық ұйымдардан аймақ басшысын тергеу кезінде бас бостандығынан айырмау туралы өтініш білдірілген қолдаухаттар келіп түскен-ді. 

Бірінші сот инстанциясында оқылған айыптауға сәйкес, 2019 жылы «AksuTransLogistik» ЖШС-сінде жасалған кешенді салық тексеруінің нәтижелері бойынша 2014-2018 жылдар аралығында 200 млн. теңге сомасындағы ереже бұзушылықтар анықталған-ды. Кәсіпорын әкім туысының иелігінде. Тергеу нұсқасы бойынша, аймақ басшысы тексеру нәтижелеріне ықпал етіп, қосымша есептелінген соманы 3-5млн. теңгеге дейін төмендетуге талпынған.

Бұдан бұрын ҚР Ұлттық қауіпсіздік комитеті Болат Бақауовқа қатысты ҚР Қылмыстық кодексі 362 бабының 4-бөлімі 3-тармағы – лауазымдық өкілеттіктерді асыра пайдалану фактісі бойынша сотқа дейінгі тергеу амалдары жүріп жатқанын растайтын ақпарат жариялаған болатын.

21-қаңтарда Әбілқайыр Сқақов Павлодар облысының әкімі болып, тағайындалды.


 

1586 просмотров

Ресей ғалымы Аралды құтқарып, Нобель сыйлығына ие болмақ

Профессор Николай Аладин Аралды қалпына келтіру - талай мәселені шешетінін алға тартады

Фото: ашық дереккөздерден алынды

Жалпы, Аралды құтқару мәселесі тоқсаныншы жылдардан бері көтеріліп келеді. Осы уақытқа дейін, теңізді құтқаруға арналған ұзын-саны 72 жоба қолға алыныпты. Өкінішке қарай, олардың барлығы Арал суының көтерілуіне ықпал ете алмады. 

Жуырда Ресей ғылым академиясы Зоология институты тұзды су гидробиологиясы зертханасының меңгерушісі, биология ғылымының докторы, Арал теңізін құтқару жөніндегі сарапшы Николай Аладин мырза:

«Мен Аралды құтқарамын, сол үшін маған Нобель сыйлығы берілетін болады»  деп, жалпақ жұртқа жар салып, назарымызды бір аударып қойған еді.  

Атап айтарлығы, Аралды зерттеу мәселесі ресейлік оқымыстыларды ғана емес, сондай-ақ Өзбекстан ғалымдарының да қызығушылығын тудырып отыр.  2018 жылы Өзбекстан мен Қазақстан ғалымдары Аралды зерттеу үшін, бес жылға арналған бағдарлама қабылдаған болатын. 

Жалпы, Аралды қалпына келтіруге қатысты еліміздің мамандары түйіп отырған ойға жүгінсек, Ресей ғалымдары тектен-тек Аралды зерттетуге қызығып отырған жоқ. 

Химия ғылымының докторы Қорлан Абсалықованың айтуынша, қазір теңіз суының құрамында тұз ашық жатыр. Міне, осы ашық жатқан тұздың ауаға таралуы алаңдатуы тиіс. 

Білесіздер, Қазақстанда иод тапшылығы белең алып тұр. Осы тапшылықты ғылыми технологияға жүгініне отырып,  Аралдағы табиғи байлық арқылы жоюға болатын еді. Ол үшін Аралдағы йод ресурсын толық зеттеуге қол жеткізуіміз қажет. 

Ғалым біз үшін қазір Аралдың Солтүстік бөлігін зертеу маңызды екенін алға тартады.

"Біріншіден, Аралдың Солтүстік бөлігі Қазақстан аумағында жатыр. Солтүстік Аралда су көтеріліп, біртіндеп тіршілік жанданып келеді. Онда балық та бар, теңіздің суы да көтеріліп жатыр. Ал Оңтүстікте тіршілік байқалмайды", -дейді маман.  

Негізі,  Арал суының құрамында көптеген сирек металлдар кездеседі. Біз болашақта Аралды сортаңға айналдырмай, табысқа кенелгіміз келсе, осы саланы зерттейтін ғалымдарға қолдау көрсетуге тиіспіз. Қуатты технологияны ғылымға жұмылдыру қажет. Әсіресе, Арал мәселесі қуатты технологияны қажет етіп отыр.

«Біз ертерек қамданбасақ, Ресей, Өзбекстан ғалымдары Қытайдың оқымыстылары Аралды зерттеуге құлшынып-ақ отыр. Сондықтан бұл арада Қазақстанның үлесі басым екенін өзгелер білуі керек», - дейді химия ғылымының докторы. 

Ғалымдар болашақта теңіз суын зерттеуде нанотехнологияға жүгінудің маңызды екенін алға тартады. Осы орайда, Қорлан Абсалықова: «Аралды зерттеуді тоқтатпау керек», деген пікірде.

Қазір көптеген елдер теңіз суынан құрылыс орындарына қажетті базальт алып жатыр. Маманның айтуынша, бұл материал өте жоғары температураға шыдамды және экологиялық тұрғыдан қауіпсіз. Тығыздығы жағынан алмазбен деңгейлес. Алмаздың тығыздығы, шартты есептік көрсеткіш бойынша, 10 болса, базальттікі 9,8 пайызды құрайды. Осыдан-ақ оның берік материал екенін байқауға болады. 

«Соңғы кездері Жапонияда, Қытайда, Кореяда ірі бетон конструкцияларын жасайтын құрылыс компаниялары панельдердің арасына базальттан жасалған арматураларды сала бастады. Өйткені базальт арматурасы қолданылған панельдер жер сілкінісіне төзімді болады», - дейді ғалым. 

Міне, біздегі теңіз суының құрамында кеннен бөлек, осындай құнды материалдар бар. Қазір нанотехнологияның қуаты барлығына жетеді. Демек, бізге осы саладағы ғалымдарға жағдай жасау керек. 

«Аралды ғана емес, Балқашты, Зайсан көлін, Ертісті зерттеу үшін арнайы зертханалар ашылып, суларымыздың құрамында сирек кездесетін металлдар анықталуы тиіс. Өйткені алдағы уақытта су тапшылығы әлем бойынша артып, судың да сұрауы болатын заман келе жатыр», - дейді Қорлан Әбсалықова.
 

Читайте нас в TELEGRAM | https://t.me/kursivkz

drweb_ESS_kursiv.gif