Ресейліктер қазақстандықтарға жер сілкіністері туралы хабарлап отырады

Жарияланды
Басқа төтенше оқиғалар да олардың назарынан тыс қалмайды

«Яндекс» қосымшасы оңтүстік астана тұрғындарын төтенше жағдайлар туралы ескертуді «үйренді». 

Хабарламалар ескерту ретінде смартфонға түседі, атап айтарлығы олар смс-тен жылдам келеді. Ақпараттың дереккөзі Қазақстанның төтенше жағдайлар жөніндегі комитеті. 

Пайдаланушылар күрделі метеорологиялық жағдайлар (дауылдар, аптап ыстық, боран, көктайғақ және тағы басқалары), су тасқындары, жер сілкіністері,жолдардың жабылуы, оқу орындардында сабақтың болмауы және төтенше жағдайлар департаментінің басқа да хабарландырулары туралы ескертулер алып отырады.

«Қазақстан аймақтарындағы ауа райы құбылмалы, көп ретте, табиғи құбылыстар үлкен қиыншылықтарға бастау болуы мүмкін. Біз қызметімізді дайындау кезінде, ол қазақстандықтар үшін неғұрлым тиімді болу үшін, жергілікті жердің осындай ерекшеліктерін ескердік. Ескертулердің үш басты артықшылығы бар: олар смс-хабарламаларға қарағанда, жылдам келеді, адамның тұрған жерін ескереді және түсінікті тілмен жазылады», — дейді «Яндекстің» Қазақстанда даму жөніндегі менеджері Иван Анойкин.

Сондай-ақ оқыңыз