Перейти к основному содержанию

515 просмотров

«Шара қолданыңдар!» Тоқаев шұғыл тапсырма берді

Қазақстан Президенті нан мен көмір бағасына қатысты пікір білдіріп, үкімет пен әкімдерге қажетті шаралар қолдану жөнінде тапсырма берді

Фото: Depositphotos

«Әлеуметтік» нан бағасының өсуіне байланысты Үкімет пен әкімдерге шұғыл шаралар қабылдап, субсидиялауды қарастыру тапсырылды. Көмір бойынша да осындай тапсырма берілді. Көмір компанияларымен келісіп, бағаны қолдан өсіріп отырған делдалдарға жол берілмеуі тиіс. Бақылауымда болады.», - деп жазды Twitter-де Қазақстан басшысы.

Естеріңізге салсақ, әлеуметтік нан алдымен Павлодарда, одан кейін, Ақтөбеде қымбаттаған болатын. Атап айтарлығы, Ауыл шарушылығы министрлігінің (АШМ) жауапты хатшысы Қазақстанда әлеуметтік нанның бағасы қымбаттамайтынын уәде еткен-ді. Дегенмен кейбір аймақтарда баға өсуі орын алды. Алматылық наубайшылар да ұнның қымбаттығы мен бидайдың тапшылығына шағымданған еді. Бұдан бұрын ауыл шаруашылық министрі жаздың аса ыстық болуы салдарынан, бидай бітік шықпағандықтан, нан бағасының қымбаттауы мүмкін екендігі туралы айтқан болатын. Дегенмен кейінірек АШМ әлеуметтік нан бағасының қымбаттамайтындығы және 76,5 теңге деңгейінде қалатындығы туралы мәлімдеген болатын. 

16-қазанда Мәжіліс депутаты Павел Казанцев көмір бойынша баға келісімі орын алғаны туралы мәлімдеген еді.

Депутаттың айтуынша, кеніштегі көмірдің бір тоннасы 3,5−5 мың теңге тұратын болса, «түрлі делдалдардың талауына түскен отын түпкілікті тұтынушыға бір тоннасы 14-22 мың теңгеден сатылады» екен.

banner_wsj.gif

172 просмотра

Қашықтан оқыту 4 бағыт бойынша жүзеге асады 

300 мыңнан аса оқушы компьютермен қамтамасыз етіледі

Фото: Офелия Жакаева

Орта білім саласындағы қашықтан оқыту 4 бағыт бойынша жүреді деп мәлімдеді Білім және ғылым министрі Асхат Аймағамбетов. 

Бірінші бағыты – теледидар арқылы тиісті сабақтарды беру.

«Екі республикалық арна – "Ел арна" мен "Балапан"  келісімін беріп, осы жұмысты бастап кеттік. Осы арналар арқылы сабақтарды күнделікті график бойынша  беріп отыратын боламыз. Күніне 8 сағат. Жалпы IV тоқсанды жабу үшін 3360-тан астам телесабақ түсірілуі қажет. Қазіргі уақытта 300-ден астам сабақ түсіріліп дайын тұр», – деді министр.

Қашықтан оқытудың екінші бағыты – «Qazaq radiosy» радиосы арқылы оқыту. Телевизия сигналы жетпейтін ауылдарда  Қазақ радиосының үні жетеді. Сондықтан осы радиомен келісіп, оның эфирінде график бойынша сабақ жүріп отырады.

«Үшінші бағыт – пошта арқылы оқыту. Қазақстанда 1200-ден аса өте кішкентай елдімекен бар. Оларда тұратын оқушылардың саны – 5-10 бала және мектеп жоқ. Бұған дейін оларды мектепке күн сайын таситын. Енді бұл балалар да білім алуы керек, сондықтан почта арқылы да осы жұмысты жүргізетін боламыз», – деді бас мұғалім. 

Ал төртінші бағыт – интернет-платформа арқылы жұмыс істеу. 6 сәуірге дейін қашықтан оқыту платформалары толық дайын болуы тиіс. 

«Компьютер, интернеттің жетіспеуіне байланысты бірқатар мәселе туындап тұр. Ауылдағы мектептерде көбінесе интернет жоқ, интернетке қосу мәселесін жергілікті атқарушы органдар шешіп жатыр. Кейбір шағын қалаларда жалпы техникалық мүмкіндік болған күннің өзінде, үйлерінде компьютері жоқ оқушылар да жеткілікті. Олардың саны 300 мыңнан асады. Осы мәселені шешудің екі жолын көріп отырмыз. Біріншіден – мектеп балансындағы компьютерлерді балаларға уақытша пайдалануға беру. Мысалы, Нұр-Сұлтан, Алматы қалалары осы жұмысты белсенді жүргізіп жатыр. Айталық, Алматы қаласы 10 мыңнан астам компьютерді таратып үлгерді. Мектептердің компьютерлерін уақытша пайдалану бойынша арнайы актімен ата-аналарға, балаларға беріп жатырмыз. Екіншіден қосымша 80 мыңға компьютер сатып алынады. Тек оқушылар ғана емес, кейбір ұстаздарымыздың үйінде компьютер жоқ, соларды да тиісті құралдармен қамту мәселесі шешілуде», – деді Аймағамбетов.

Министрдің айтуынша, мұғалімдер мен ЖОО ұстаздарының цифрлық сауатын арттыру мақсатында арнайы курстар өткізілген. 

«Бұл өте маңызды. Қашықтан оқытатын болғандықтан, біз мұғалімдердің цифрлық сауаттылығына үлкен көңіл бөлудеміз. Әр облыста қашықтан оқыту бойынша арнайы жобалық офистарды құрдық және БҒМ-да да осындай жобалық офис жұмысын жүргізіп жатыр. ЖОО-лар мен колледж жүйелерінің дайындық деңгейі мектептерге қарағанда жоғары десек те, осы мәселе бойынша мониторинг жүргіземіз. Өйткені қазіргі уақытта сабақтарды уақтылы өтуін, графикке сәйкес болуын бақылап отырмыз», - деді Асхат Аймағамбетов. 

Қашықтан оқытудың техникалық және әдіснамалық мәселелері бойынша 1450 нөмірі бойынша колл-орталықтың жұмысын бастайды. Өйткені ел бойынша 5 млнге жуық бала қашықтан оқыған кезде, бірқатар мәселе туындайтыны анық. 

«Бұған дейін бізде қашықтан оқыту форматы болмаған. Ол заңда да қарастырылмаған. Ең күрделі мәселе осы деңгей бойынша туындап тұр. Бұның алдында ешқандай техникалық дайындық болмаған, интернет-платформалар да жоқ еді. Басты назарды осы орта білім беруге аударып отымыз», – деп пайымдайды министр. 

Осы орайда қашықтан оқытуға қажетті техника, интернетпен қамтамасыз ету мәселесін назарда ұстап отырғанын жеткізді. 

Айта кетейік, мектеп оқушылар 16 наурыздан  каникулға шыққан болатын. Ал колледж бен ЖОО студенттері 16 наурыздан қашықтан оқып жатыр. Қосымша білім беру ұйымдары, музыка мектептері, оқушылар сарайлары жұмыстарын тоқтатып, кейбір үйірмелер ғана жұмысын қашықтан жүргізуде.

banner_wsj.gif

drweb_ESS_kursiv.gif