Перейти к основному содержанию

kursiv_in_telegram.JPG


1156 просмотров

Қазақстан университеттеріндегі ең қымбат 10 мамандық

«Курсивтің» рейтингі

Фото: Shutterstock

Егер талапкер мемлекеттік грантқа ілікпей қалса, ата-анасының шамасы жетсе, ақылы бөлімде оқытады. Ал таңдаған мамандықтың жылдық оқу ақысы еліміздің жоғары оқу орындарында әртүрлі.
 
2018 жылы Қазақстанда жалпы саны 114 ЖОО жұмыс істеген. Олардың басым бөлігі – 44 ЖОО Алматыда орналасса, Нұр-Сұлтан мен Шымкент қалаларында 14 ЖОО-дан бар.

Алматы мен Елорданың оқу орындарындағы ақылы білім  облыстармен салыстырғанда біршама қымбат. Бір жылдық оқу ақысы университеттің мәртебесіне, танымалдығына, оқу орнының техникалық жабдықталуы мен оқытушы-профессорлық құрамына байланысты қалыптасады. 

Осы орайда «Курсив» елдегі ЖОО-ларда бакалаврдың  жылдық оқу ақысы қанша екенін сараптай келе, елдегі ең қымбат 10 мамандықты анықтады. 

1-орын – «Құқықтану»

Аталмыш мамандық бойынша оқу ақысы барлық ЖОО-да жоғары. Әл-Фараби атындағы ҚазҰУ-да бір жылдық оқу құны 1,5 миллион теңге тұрады. 

Ал Сүлеймен Демирел  Университетінде (СДУ)  бұл мамандық – 800 мың тұрса, Нұр-Сұлтандағы М.Нәрікбаев атындағы КазГЮУ-да  жылдық оқу ақысы –788 мың теңге, ал Абай атындағы ҚазҰПУ-да – 599 мың теңге. 

2-орын – «Кеден ісі»

2019 жылы аталмыш мамандық бойынша ҚазҰУ-да жылдық оқу құны құқықтану секілді – 1,5 миллион теңге. Ал Қазақ ұлттық аграрлық университетте барлық мамандық бойынша бір баға белгіленген – 420 мың теңге, сондықтан «Кеден ісі» мамандығын арзандау жерде оқуға болады. 

3-орын– «Қаржы»

Экономика мамандықтары ақысының бір-бірінен аса айырмашылығы жоқ, десе де «Қаржы» мамандығы біршама қымбат және талапкерлердің арасында үлкен сұранысқа ие. Әдетте «Қаржы» мамандығын оқып жүрген студенттердің саны экономикалық мамандықтардан 3-4 есе көп болады. 

Қазақ-Британ техникалық университетінде де осындай мамандық бар, бірақ оның құны өзге ЖОО-мен салыстырғанда біршама қымбат – 2,19 млн теңге. 

«Қаржы» мамандығы ҚазҰУ-да биыл 1,25 млн теңге тұрса, СДУ-дағы оқу ақысы –1,23 млн теңгеге шығады. AlmaU-да білім алу үшін жылына 1,1 миллион теңге төлеу қажет. Ал Л.Гумилев атындағы ЕҰУ-да «Банк ісі» және «Мемлекеттік қаржы» деген ұқсас мамандық бар, олардың бағасы 1,04 млн теңге болса, UIB-да ол 800 мың теңге тұрады. Ал ҚазҰПУ-да оқу ақысы біршама арзан – жылына 585 мың теңге. 

4-орын– «Бухгалтерлік  есеп және аудит»

Оқу ақысы сұраныс пен ұсыныс арақатынасынан қалыптасатын тағы бір экономикалық мамандық – «Бухгалтерлік  есеп және аудит».

ҚызҰУ-да осы мамандық бойынша білім алу үшін жылына 1,25 млн теңге қажет болса, AlmaU-да оқу ақысы – 1,1 млн теңге, ЕҰУ-да – 1,04 млн теңге, ал UIB – 750 мың теңге, Абай атындағы ҚазҰПУ-да – 585 мың теңге тұрады. 

5-орын– «Экономика»

Экономист мамандығын талапкер ҚазҰУ-да ақылы түрде – 1,25 миллион теңгеге оқыса, AlmaU-дағы жылдық оқу ақысы – 1,1 млн теңге, Абай атындағы ҚазҰПУ-да – 520 мың,  ҚазҰАУ-да – 420 мың теңге тұрады. 

«Менеджент», «Маркетинг», «Мемлекеттік және жергілікті басқару» сынды мамандықтардың құны «Экономика» мамандығымен пара-пар. Оларды да рейтингтің 5 орнына жайғастыруға болады. 

6-орын – «Халықаралық қатынастар»

Ең қымбат мамандықтардың екінші бестігін ашатын – «Халықаралық қатынастар». Ол экономикалық мамандықтармен лайықты бәсекеге түсе алады. Мәселен, СДУ-да бұл мамандық бойынша оқу ақысы 1,25 млн теңге болса, ҚазҰУ-да да тура осындай баға. Ал ЕҰУ-да бір жыл білім алуға 1,04 млн теңге қажет болса, ҚазҰПУ-да оқу ақысы – 599 мың теңге. 

7-орын – «Халықаралық құқық»

Халықаралық құқықты оқып, осы саланың маманы болғысы келетіндер ҚазҰУ-да  жылына 1,25 млн теңге немесе ЕҰУ-да 1,04 млн теңге төлеп, білім ала алады. Ал ҚазГЮУ-да  оқу ақысы 788 мың теңгені құрайды. Сондай-ақ, Абай атындағы ҚазҰПУ-да да осы  мамандық бар, оқу ақысы – 604 мың теңге. 

8-орын– «Әлемдік экономика»

Бұл мамандық өзге экономикалық мамандықтар секілді кең таралмаған. Көптеген оқу орындарында тіпті бұндай мамандық жоқ. Дегенмен оқу құны өзгелер шамалас – ұлттықа университеттерде 1,25 млн теңге тұрса, жекеменшік оқу орындарында сәл арзандау. 

9-орын – «Аймақтану»

Бұл да сирек кездесетін мамандықтың бірі, соған қарамастан оқу ақысы қымбат. Бұл мамандықты  ҚазҰУ-да жылына 1,25 млн теңгеге оқуға болады. Ал AlmaU-да – 1,1 млн теңге тұрады. 

10-орын– «Ақпараттық жүйелер» мен «Есептеу техникасы және бағдарламалық қамтамасыз ету» 

Бұл мамандықтар Қазақстанда жаңа болғанына қарамастан, арзан емес. Мәселен, СДУ-да  219 жылғы оқу ақысы 1,2 млн теңге болса, ЕҰУ-да – 968 мың теңге, ал ҚазҰПУ-да 510 мың теңге тұрады. 

ЖОО-лардың сайтында жарияланған прайст-лист пен қабылдау комиссиясының дерегіне сүйенсек, қазіргі кезде көптеген университеттер барлық мамандық бойынша оқу ақысын бірдей қылған. Мәселен, Қазтұтынуодағы Қарағанды экономикалық университетінде барлық мамандықтың оқу ақысы 345 мың теңге болса, Алматы технологиялық университетінде 420 мың теңге, Аграрлық университетте де 420 мың. Ал KIMEP-те барлық мамандықтар бойында 1 кредит құны 80,2 мың теңге, яғни жылына 2,88 млн теңге шығады. 

Қандай мамандық екеніне қарамастан, ЖОО-лардың ішіндегі ең қымбаты – Назарбаев Университеті. Гуманитарлық және әлеуметтік бағыттағы мамандықтардың («Экономика», «Халықаралық қатынас», «Антропология» т.б.) орташа бағасы 19 мың долларды құрайды, ол Ұлттық банктің 25 шілдедегі курсы бойынша 7,3 млн теңгеге тең, ал басқа мамандықтардың бағасы 23 мың долларды немесе 8,8 млн теңгені құрайды. Бұл ЖОО-ға түсу үшін қосымша тест тапсыру керек.


664 просмотра

Шетелде тегін оқу үшін не істеу керек?

Нақты он қадам

Фото: Shutterstock

Шетелдік жетекші ЖОО-ға түсуге дайындық ертерек басталғаны жөн. Білім беру орталығының мамандары 11-сынып оқушысының жарты жыл репетитормен дайындалуы өте аз деп тұжырымдайды. Осы орайда «Курсив» білім беру нарығы өкілдерімен сөйлесіп, шетелде оқуға қажетті грант алу мүмкіндігін арттыратын 10 қадамның тізімін жасады. 

1. ЖОО мен оқу бағдарламасын таңдап, барлық қажетті ақпаратты жинау. Оқуға барардан бір жарым жыл бұрын, шетелдік бір немесе бірнеше оқу орны таңдалып, олардың қабылдау шарттары туралы барлық ақпарат: өтінім берудің соңғы мерзімі, қабылдау талаптары, қажетті құжаттар жиынтығы жиналуы тиіс. Бұл ретте ақпаратты интернеттен іздеуге, студент-консулға хабарласуға немесе білім беру орталықтарының қызметкерлерімен кеңесуге болады. Егер сіз магистратураға қызығушылық танытсаңыз, шетелдік ЖОО сайттарының scholarships, finаncial aid және bursaries сынды бөлімдерін мұқият зерттеп шығыңыз. 

2.Салалық пән мен оқыту тілін үйрену. Егер болашақ талапкер экономикалық мамандықты таңдаса, онда математика пәнінен білімі жақсы болуы шарт, сондықтан алдын-ала репетитормен дайындалғаны жөн. «Баланың шетелдік ЖОО-ға түсу дайындығын 8-9 сыныптан бастаған дұрыс»,– дейді LOGOS білім беру орталығының директоры Алтынбек Бегалиев. Болашақ талапкердің соңғы үш жылдағы оқу үлгерімі өте жақсы болуы керек (9,10,11 сынып). Айталық АҚШ-тың «Шырмауық лигасына» кіретін оқу орындарына түсу үшін GPA (диплом немесе аттестаттың орташа балы) 3,8-4,0 болуы талап етіледі. 

Шетелдік ЖОО-ға грантқа түсудің басты шарттарының бірі – шет  тілін, ағылшын тілін жетік білу. Егер TOEFL (Test of English as a Foreign Language) емтиханын қарастырсақ, IBT 100-ден төмен емес, ал IELTS (International English Language Testing System) бойынша көрсеткіш 7,5 болуы қажет.

3. Бірнеше грант байқауына қатысу. Шығынның бір бөлігін жабуға ықпал ететін бірнеше грантқа қатысқан дұрыс. Бұндай стратегия қажетті соманы жинау мүмкіндігін арттырады. 

4. Гранттық байқауға құжаттарды дер кезінде өткізу. Байқауға құжат жіберу мерзімі әдетте байқау шарттарында көрсетіледі. Белгіленген мерзімнен кешігіп жеткен құжаттар қаралмайды. Сонымен қатар, жеңімпаз анықталатын уақыт туралы да ақпарат беріледі. Соны ескере отырып, оқу ақысын төлейтін кезге дейін грант қаржысын алуға болады.
 
5. Атқарылатын шаруалардың нақты жоспары мен кестесін жасау. Егер сіз бірден бірнеше конкурсқа қатысуға бел бусаңыз, онда кейбір мәселелер назарыңыздан тыс қалуы бек мүмкін, өйткені барлығын ескеруіңіз керек: дипломның аудармасын нотариалды растау, транскрипт дайындау, ұсыныс жазғызу, уәждемелік хат дайындау, құжаттарды дұрыс рәсімдеу және т.б. Ештеңені ұмытып, мерзімінен кешіктірмес үшін, атқарылатын шаруа мен олардың уақыты нақты жазылған кесте құрып алыңыз.   

6.Гранқа құжат тапсырмас бұрын, байқау қатысушыларына қойылатын талаптарға сай келетіңізді тексеріңіз. Барлық грант байқауларының қатысушыларға қоятын өзіндік талаптары бар. Мәселен, кейбір гранттар тек Еуроодақ мемлекеттерінің үміткеріне берілуі мүмкін. Бұндай жағдайда оған құжат тапсырудың еш мәні жоқ, сондықтан Chevening сынды бағдарламаларға назар аударған жөн. Бұл бағдарлама бойынша гранттар бұрынғы Кеңес Одағы құрамында болған мемлекеттерден қатысушыларға беріледі. 

7. Уәждемелік хат жазу. Құжаттардың типтік жиынтығында міндетті түрде шет тілде жазылған уәждемелік хат болады. Оның міндеті - конкурс комиссиясына өзіңнің грантқа лайықты үміткер екеніңді дәлелдеу. Мотивациялық хаттың мазмұнын өзгертіп, оны нақты жағдайға қарай бейімдеген жөн. Үміткерлердің ғылым мен білім саласындағы жетістіктерін есепке алатын гранттық байқаулар бар, сондықтан бұндай жағдайда мектептен тыс жетістіктерді айтудың қажеті жоқ. Өзгелері  үміткерлердің академиялық және басқа да жетістіктерін ескереді. Ал кейбір гранттар тұрмысы төмен отбасынан шыққан үміткерлерге арналады. 

8. Сауалнама толтыру. Сауалнаманы артық ақпаратпен ауырлатпаңыз, оны уәждемелік хатқа қалдырыңыз. Егер сауалнамада сіз жауап бере алмайтын сұрақтар болса, онда қысқа ғана «n/a» деп толтырыңыз.

9. Құжаттарды дұрыс  рәсімдеу. Құжаттарды нақты талаптарға сай рәсімдеу қажет болғанда, үлгіден  ауытқудың қажеті жоқ. Бұл мәселеде шығармашылыққа жол жоқ, оны уәждемелік хат жазғанда қолданған орынды. Бұл байқау комиссиясына өтініш беруші тіпті қарапайым іс-әрекетті дұрыс орындауға қабілетсіз деген әсер қалдырады. Үлгілік талаптар ұсынылмаған жағдайда, қатаң ресми стильді ұстаныңыз. Конкурстық құжаттар қатесіз, сауатты толтырылуы тиіс.

Құжаттарды конкурс комиссиясына жібермес бұрын, оның  дұрыс рәсімделгеніне және толық екеніне көз жеткізіңіз. Бұл қағаздар ең алдымен құжаттарды рәсімдеу ережелері мен жиынтығы туралы нақты нұсқаулықпен жұмыс істейтін адамдардың қолына түседі. Ал дұрыс рәсімделмеген құжат конкурс комиссиясының қолына тимей қалуы да мүмкін. 

10. Құжаттардың көшірмесін жасап алу. Конкурсқа қажетті құжаттардың басым бөлігі электронды түрде жіберілсе де, транскрип, дипломның аударылған көшірмесі сынды құжаттарды қағаз түрінде жіберуге тура келеді. Бұл құжаттардың бірнеше көшірмесін жасап алған дұрыс, өйткені жіберілген қағаздар алда-жалда жоғалып кетсе, бірден қайта жіберуге мүмкіндік болады.

Рейтинг прозрачности крупнейших компаний Казахстана

Читайте нас в TELEGRAM | https://t.me/kursivkz

Вопрос дня

Архив опросов

Как вы провели или планируете провести отпуск этим летом?

Варианты

 

Цифра дня

старше 20 лет
половина продаваемых авто в Казахстане

Цитата дня

Земля должна принадлежать тем, кто на ней работает. Земля иностранцам продаваться не будет. Это моя принципиальная позиция

Касым-Жомарт Токаев
президент Республики Казахстан

Спецпроекты

Рейтинг прозрачности крупнейших компаний Казахстана

Рейтинг прозрачности крупнейших компаний Казахстана

Биржевой навигатор от Freedom Finance

Биржевой навигатор от Freedom Finance


KAZATOMPROM - IPO уранового гиганта
Новый Курс - все о мире инвестиций

Банк Хоум Кредит

Home Credit Bank


Новый Курс - все о мире инвестиций
Новый Курс - все о мире инвестиций