Перейти к основному содержанию

2049 просмотров

Қытай ғалымдары коронавирусқа қарсы вакцина жасады

Оны сынақтан өткізуге дайындалып жатыр

Фото: Shutterstock

Тяньцзин университетінің бір топ ғалымы коронавирустың жаңа түріне қарсы вакцина әзірлеу жұмысының аяқталғанын хабарлады, деп жазады Интерфакс.

Beijing Evening News газетінің дерегіне сүйенсек, профессор Хуан Цзиньхай жетекшілік ететін сарапшылар тобы иммундық жүйенің «коvid-19» коронавирусына қарсы тұру қабілетін арттыратын,  ішуге арналған препарат әзірлеген. Қазір профессордың командасы вакцинаның таксикологиялық жағын бағамдап, сондай-ақ оны одан әрі жетілдіру үшін серіктес іздеп жатыр. 

Тяньцзин университетінің ғалымдары өз өнертабысын ертерек сынақтан өткізуден және ҚХР мен  өзге де елдердегі індетке қарсы күреске үлес қосудан үмітті. 

Хуан Цзиньхай препаратты ресми түрде сынақтан өткізуді күтпестен, вакцинаның төртеуін өзі ішіп алған. Әзірге ешқандай жанама әсері байқалмаған көрінеді. Дегенмен професор бұл вакцина жаппай сатылымға түспес бұрын, ұзақ және мұқият сынақтан өткізу керек деп тұжырымдайды. 

Айта кетейік, коронавирустың жаңа түрі  2019 жылдың желтоқсанында Хубэй провинциясының әкімшілік орталығы –Ухань қаласынан тарала бастады. 

Соңғы мәліметтер бойынша, әлем бойынша коронавирус жұқтырғандардың саны 80 мыңнан асты, 2,7 мың адам қайтыс болған.

banner_wsj.gif

195 просмотров

Қазақстанда коронавирусты анықтайтын тесттен кім тегін өтеді?

Экспресс-тесттер ақылы болмақ

Фото: shutterstock.com

Шетелге шықпаған және коронавирус инфекциясын жұқтырғандармен байланыста болмаған қазақстандықтар коронавирусты анықтайтын тесттен тегін өтпейді. Бұл туралы 26 наурызда өткен брифингте ҚР Денсаулық сақтау министрлігі, тауарлар мен қызметтер сапасы мен қауіпсіздігін бақылау комитетінің төрағасы Людмила Бюрабекова мәлімдеді.

"Олар тек эпиданамнез болған жағдайда қолданылады, яғни науқас шетелден келсе ғана. Біз шетелден келгендердің бәрін міндетті түрде тексеріп, науқастармен жақын байланыста болған адамдардың барлығын провизорлық карантинге жатқызамыз. Алайда тест-жүйелер жай ғана алдын алу немесе скрининг мақсатында пайдаланылмайды", – деді ол.

Бюрабекова қазіргі уақытта Қытайда шығарылған тест-жүйелері қолданылып жатқанын хабарлады.

Комитет басшысының  айтуынша, соңғы уақытта Қазақстаннан шықпаған және коронавирус жұқтырғандармен байланыста болмаған адамдардың бұл инфекцияға қатысты диагностикалық тестттен өтуінің қажеті жоқ.

"Бұл тесттер ауру белгілері және эпиданамнез болғанда ғана қолданылады. Яғни, егер ол ешкіммен байланыспаса, қазір 1А және 1Б санатына жатқызылған шетелден келмесе, ауру белгілері пайда болғанға дейін бұл – пайдасыз нәрсе. Яғни, ол теріс нәтиже көрсетеді, бірақ диагностика ретінде ешқандай ақпарат бере алмайды", – деді Бюрабекова.

Адамның врус жұқтыған-жұқтырмағаннын зеттеуге 7-8 сағат кетеді, ал нәтижесі 12 сағаттан соң ғана дайын болады екен.

Жақында Қазақстанда 60 мың тест жеткізілген. Келесі аптада 150 мың тест келеді деп жоспарланған.

Ал экспресс-тесттер елге бірнеше демеушінің есебінен жеткізіледі. Бірнеше компанияға бір жолға тест әкелуге рұқсат берілді. Бірінші партия осы аптада келуі керек. Экспресс-тестілеу "Олимп" зертханасының базасында өткізіледі.

Бұл экспресс-тесттер пациентте антиденелердің бар-жоғын анықтайды, яғни кім дәл қазір ауырып тұрғанын, немесе ауру жеңіл өтіп, сауыққанын анықтауға мүмкіндік береді. Бұл санатқа тыныс алу жүйесінің ауруы бар адамдар, қауіп тобына кіретін пациенттер және ауырып қалғандар, соның ішінде қарт адамдар мен 18 жасқа дейінгі балалар кіреді.

«Қазір экспресс-тесттен өтетін адамдар санаты нақтыланып жатыр. Бұл кез-келген жастағы пациент болуы мүмкін, өйткені бұл жеке зертхана, керісінше, көптеген адамдарды қамту мақсатында олар бұл тестілеуді ақылы түрде жүргізе алады. Ал оны тегін тек вирус жұқтыруы мүмкін деген кісілер ғана өте алады", - деп түйіндеді Бюрабекова.
 

banner_wsj.gif

drweb_ESS_kursiv.gif