Перейти к основному содержанию

287 просмотров

Денсаулық сақтау министрлігі 2 млрд теңгені қайда жұмсады?

Бұл қаржы мемлекеттік бюджеттен коронавируспен күреске деп бөлінген

Фото: Асқар Ахметуллин

Денсаулық сақтау министрі Елжан Біртанов үкімет отырысы кулуарында коронавирусқа қарсы күреске бөлінген қаражаттың қайда жұмсалғанын айтып берді. 

"Шамамен 1 млрд теңге  санитарлық қызмет аясында медициналық қамтамасыз ету мен қажетті құрал-жабдықтарға жұмсалды. Оның ішінде қорғаныс материалдарын, жеке қорғаныс құралдарын, зертхана және диагностика жабдықтарын, тепловизор сатып алу және азаматтарды эвакуациялау бар", - деді Біртанов. 

Сонымен қатар министрдің айтуынша, қаржының бір бөлігі аймақтарға, жергілікті ауруханадар мен емханаларды қорғаныс құралдарымен қамтамасыз етуге кеткен. 

Дегенмен министр қай бағытқа қанша қаржы жұмсалғанын нақты айтпады. Біртанов бұл қызметтік қолдануға арналған ақпарат деп тұжырымдайды. 

«Салық төлеушілердің өз салығының қайда жұмсалғанын білуге құқығы бар. Осы орайда бұл денсаулық сақтау министрлігінің емес, үкіметтің қаулысы екенін айта кеткім келеді. Расында бәрін айтып берер едім, бірақ менің оған құқығым жоқ», – деді Біртанов. 

banner_wsj.gif

187 просмотров

Қазақстанда коронавирусты анықтайтын тесттен кім тегін өтеді?

Экспресс-тесттер ақылы болмақ

Фото: shutterstock.com

Шетелге шықпаған және коронавирус инфекциясын жұқтырғандармен байланыста болмаған қазақстандықтар коронавирусты анықтайтын тесттен тегін өтпейді. Бұл туралы 26 наурызда өткен брифингте ҚР Денсаулық сақтау министрлігі, тауарлар мен қызметтер сапасы мен қауіпсіздігін бақылау комитетінің төрағасы Людмила Бюрабекова мәлімдеді.

"Олар тек эпиданамнез болған жағдайда қолданылады, яғни науқас шетелден келсе ғана. Біз шетелден келгендердің бәрін міндетті түрде тексеріп, науқастармен жақын байланыста болған адамдардың барлығын провизорлық карантинге жатқызамыз. Алайда тест-жүйелер жай ғана алдын алу немесе скрининг мақсатында пайдаланылмайды", – деді ол.

Бюрабекова қазіргі уақытта Қытайда шығарылған тест-жүйелері қолданылып жатқанын хабарлады.

Комитет басшысының  айтуынша, соңғы уақытта Қазақстаннан шықпаған және коронавирус жұқтырғандармен байланыста болмаған адамдардың бұл инфекцияға қатысты диагностикалық тестттен өтуінің қажеті жоқ.

"Бұл тесттер ауру белгілері және эпиданамнез болғанда ғана қолданылады. Яғни, егер ол ешкіммен байланыспаса, қазір 1А және 1Б санатына жатқызылған шетелден келмесе, ауру белгілері пайда болғанға дейін бұл – пайдасыз нәрсе. Яғни, ол теріс нәтиже көрсетеді, бірақ диагностика ретінде ешқандай ақпарат бере алмайды", – деді Бюрабекова.

Адамның врус жұқтыған-жұқтырмағаннын зеттеуге 7-8 сағат кетеді, ал нәтижесі 12 сағаттан соң ғана дайын болады екен.

Жақында Қазақстанда 60 мың тест жеткізілген. Келесі аптада 150 мың тест келеді деп жоспарланған.

Ал экспресс-тесттер елге бірнеше демеушінің есебінен жеткізіледі. Бірнеше компанияға бір жолға тест әкелуге рұқсат берілді. Бірінші партия осы аптада келуі керек. Экспресс-тестілеу "Олимп" зертханасының базасында өткізіледі.

Бұл экспресс-тесттер пациентте антиденелердің бар-жоғын анықтайды, яғни кім дәл қазір ауырып тұрғанын, немесе ауру жеңіл өтіп, сауыққанын анықтауға мүмкіндік береді. Бұл санатқа тыныс алу жүйесінің ауруы бар адамдар, қауіп тобына кіретін пациенттер және ауырып қалғандар, соның ішінде қарт адамдар мен 18 жасқа дейінгі балалар кіреді.

«Қазір экспресс-тесттен өтетін адамдар санаты нақтыланып жатыр. Бұл кез-келген жастағы пациент болуы мүмкін, өйткені бұл жеке зертхана, керісінше, көптеген адамдарды қамту мақсатында олар бұл тестілеуді ақылы түрде жүргізе алады. Ал оны тегін тек вирус жұқтыруы мүмкін деген кісілер ғана өте алады", - деп түйіндеді Бюрабекова.
 

banner_wsj.gif

drweb_ESS_kursiv.gif