Қазақстандықтар депозитке қанша ақша жинақтаған

Қаржы реттеушісі 2019 жылғы қазанның қорытындылары бойынша депозит нарығы туралы айтып берді

Фото: Shutterstock.com

2019 жылғы қазанның соңында депозиттік ұйымдардағы резиденттер депозиттерінің көлемі 18,777 трлн теңгені құрады, соңғы айда ол 3,7%-ға артқан. Заңды тұлғалардың депозиттері 6,1%-ға артып, 9,973 трлн теңгеге, жеке тұлғалардың депозиті 1,1%-ға артып, 8,803 трлн теңгеге дейін жеткен. Бұл туралы ҚР Ұлттық банкі хабарлады.

Ұлттық валютадағы депозиттер көлемі бір айда 1,6%-ға артып, 10,381 трлн теңгеге, шетелдік валютада – 6,3%-ға артып, 8,396 трлн теңгеге жеткен. 2019 жылғы қазанның соңындағы долларландыру деңгейі 44,7% (2018 жылғы желтоқсанда – 48,4%) құраған. 

«2019 жылғы қазақнда заңды тұлғалардың ұлттық валютадағы депозиттері 1%-ға артып, 5,389 трлн теңгеге, шетелдік валютада – 12,8%-ға артып, 4,584 трлн тенгеге (заңды тұлғалар депозиттерінің 46,0%) жеткен. Жеке тұлғалардың теңгедегі депозиттері 2,3%-ға артып, 4,991 трлн теңгеге, шетелдік валютада 0,5%-ға пайызға азайып, 3,812 трлн теңгеге дейін төмендеген (жеке тұлғалара депозиттерінің 43,3%)», – делінген хабарламада.

Бұдан бөлек, мерзімді депозиттер көлемі 12,304 трлн теңгені құрады, бір айда ол 2,4%-ға артқан. Олардың құрамындағы ұлттық валютадағы салымдар 6,908 трлн теңгені, шетелдік валютада – 5,396 трлн теңгені құрады. 

Банктік емес заңды тұлғалардың ұлттық валютадағы мерзімді депозиттері бойынша орташа сараланған сыйақы ставкасы 7,2%-ды құрады (2018 жылғы желтоқсанда – 7,1%), жеке тұлғалардың депозиттері бойынша – 9,2% (10,4%) құрады.

Читайте "Курсив" там, где вам удобно. Самые актуальные новости из делового мира в Facebook, Telegram и Яндекс.Дзен

banner_wsj.gif

 

#Коронавирус в Казахстане

Читайте нас в TELEGRAM | https://t.me/kursivkz

kursiv_instagram.gif

Читайте свежий номер

kursiv_uz_banner_240x400.jpg