Перейти к основному содержанию

367 просмотров

Тағы бір банк кибералаяқтардың назарына ілікті

KZ. домендік аймағында өзін банктің ресми сайты етіп көрсететін фишинг сайт пайда болды

Фото: Shutterstock

KZ. домендік аймағында Альфа-Банктің (ресейлік банктің еншілес ұйымы) фишингтік ресурсы анықталды, деп хабарлайды «KZ-CERT» Компьютерлік инциденттерге әрекет ету қызметі. 

ҚР Ұлттық банкінің өтініші бойынша, «KZ-CERT»  қызметі «Альфа-Банк» АҚ-ның ресми интернет-ресурсына ұқсайтын alfabank.4u.kz интернет-ресурсына талдау жүргізген. Талдау нәтижесінде, аталмыш ресурстың аударымды жүзеге асыру бөлімінде фишингтік белгілер бар екені анықталған. 

Алаяқтық жүйенің алгоритмі қарапайым. Ақша аудару үшін пайдаланушы карта нөмірін, пайдалану мерзімін және CVC2/CVV2-кодын, аударым алушының IBAN-шоты деректерін және ақша қаражатының сомасын көрсете отырып, карта деректерін енгізуі қажет.

Аударманы сәтті аяқтау үшін пайдаланушыға жеті таңбалы қауіпсіздік кодын енгізу ұсынылады. Бұл кодты енгізгеннен кейін, пайдаланушыға «транзакция қабылданбады» деген жауап келіп,  осы уақытта  алаяқтар банк картасы деректерін және сандық қауіпсіздік кодын жинап алады.

Ешқандай күдік тудырмас үшін, алаяқтық сайт кейбір бөлімдерінде  alfabank.kz  ресми интернет-ресурсына көшіріп отырған. 

Сонымен қатар, Ресей банктері карталарының ұстаушылары аударым жасаған кезде тағы alfaportal.ru, alfa-portal.ru деген фишингтік интернет-ресурстар анықталды.

Барлық анықталған ресурстарды «KZ-CERT» Қызметі «Интернет желісіндегі фишинг/алаяқтық интернет-ресурстарға» жатқызады. Олар халықаралық ұйымдармен өзара іс-қимыл шеңберінде Ресей Федерациясындағы әріптестеріне хабарлама жолдапты. 

Осы жайтты ескере отырып, «KZ-CERT» Қызметі барлық қазақстандықтарды банк сайтына кіргенде, оның  домендік атауына (іздеу жолында енгізілген) назар аударуға шақырады. Осындай күдікті интернет-ресурс табылған жағдайда 1400 (тәулік бойы) тегін нөміріне  хабарласуды сұрайды.

banner_wsj.gif

88 просмотров

Ұлттық қордан тағы да миллиардтаған қаржы алынады

Кепілдендірілген трансферт көлемін арттыру ұсынылды

Фото: Асқар Ахметуллин

2020 жылы Ұлттық қордан бөлінетін кепілдендірілген трансфертті 2 070 млрд. теңгеге, яғни  4 770 млрд. теңгеге дейін  арттыру ұсынылып отыр. Бұл туралы бүгін үкімет отырысында Руслан Дәленов хабарлады. 

ҰЭМ басшысы 2020 жылға арналған макроэкономикалық көрсеткіштер мен бюджет параметрлері болжамын нақтылады. Бұл ретте министр айтуынша, болжамды нақтылаудағы негізгі фактор – тұрақсыз сыртқы экономикалық жағдай,  жаһандық рецессия және коронавирустың таралмауы бойынша қорғану шаралары аясында іскерлік белсенділіктің баяулауы.

Нақты айтсақ, республикалық бюджет кірісі трансферттерді есепке алмағанда, 2020 жылы 6 414,1 млрд теңге көлемінде бағаланған, бұл бекітілген жоспармен салыстырғанда, 1 672,3 млрд теңгеге аз. Қосымша құн салығы, шикі мұнайға салынатын экспорттық кеден бажы және табиғи ресурстарды пайдаланғаны үшін түсетін түсімдер айталықтай азаяды. 

Сонымен қатар, өңдеу өнеркәсібі, ауыл шаруашылығы, құрылыс және қызмет көрсету секторы, соның ішінде сауда-саттық бағытында бұған дейін мақұлданған өсу қарқынымен салыстырғанда, өсім көрсеткіші төмендейді. 

Мемлекет басшысының тапсырмасын іске асыру үшін  қабылданған салықтық ынталандыру мен жеңілдіктер бойынша барлық шаралар бюджеттің кіріс бөлігінде ескерілген. Ірі сауда объектілері, сауда ойын-сауық орталықтары, кинозалдар, театрлар, көрмелер, қоғамдық тамақтандыру, қонақ үй, хостел және туристік қызмет объектілерін жылдың соңына дейін мүлік салығынан босату орнатылды.Салық салудың жалпы белгіленген тәртібінде жұмыс істейтін жеке кәсіпкерлер жыл соңына дейінгі мерзімде жеке табыс салығынан босатылды.

Агроөнеркәсіптік кешенді қолдау мақсатында ауыл шаруашылығы өнімдерін өндірушілер ауыл шаруашылығы мақсатындағы жер бойынша жер салығын жылдың соңына дейін төлемейді. Сондай-ақ, биологиялық активтерінің импорты жылдың соңына дейін қосылған құн салығынан босатылды.

Сонымен қатар, әлеуметтік маңызы бар азық-түлік тауарлары үшін қосылған құн салығының мөлшерлемесі ағымдағы жылғы 30 наурыздан 1 қазанға дейінгі кезеңге 12%-тен 8%-ке дейін төмендетілді.Шағын және орта бизнесті еңбекақы төлеу қорынан алынатын салық және әлеуметтік төлемдерден (жеке табыс салығы, әлеуметтік салық, міндетті зейнетақы жарналары, міндетті медициналық сақтандыру және әлеуметтік аударымдар) 6 айға ағымдағы жылғы 1 қазанға дейін босату қарастырылған.

Бұл шара туристік қызмет, қоғамдық тамақтану, қонақ үй бизнесі салаларын, ірі сауда объектілерін, сауда ойын-сауық  орталықтарын, кинозалдар, театрларды, көрмелер мен дене шынықтыру-сауықтыру және спорт ғимараттарын, көлік қызметтерін, консультациялық қызметтер мен ақпараттық технологияларды, тамақ өнімдерін өткізу мен дәріханаларды қоспағанда сауда субъектілерін қамтиды.

"Салықтық әкімшілендіру бөлігінде 2020 жылдың  1 маусымына дейін шағын және орта бизнес субъектілері үшін барлық салықтар мен бюджетке төленетін міндетті төлемдерді және әлеуметтік жарналарды (жеке табыс салығы, әлеуметтік салық, қызметкер үшін әлеуметтік және медициналық сақтандыру) төлеуді кейінге қалдыру енгізілді", -деді министр.

Бұдан басқа, төтенше жағдай кезеңінде салықтық  тексерулер мен салық, кеден және әлеуметтік төлемдер бойынша берешекті мәжбүрлеп өндіру тоқтатылды.

Жалпы, жоғарыда көрсетілген барлық шаралар 700 мың салық төлеушіні қамтиды.
 

banner_wsj.gif

drweb_ESS_kursiv.gif