Перейти к основному содержанию

588 просмотров

Halyk Bank басқармасы Forte Bank-тің бұрынғы топ-менеджерімен толықты

Сөйтіп, басқарма құрамы 10 адамға дейін кеңейді

Фото: Kursiv.kz

«Қазақстанның Халық Банкі» АҚ директорлар кеңесінің шешімімен қаржы институтының басқарма құрамы 10 адамға дейін артты. Басқарма төрағасының жаңа орынбасары болып, бұрын «Forte Bank» АҚ осындай лауазымда болған Жұмабек Мамутов сайланды. Бұл туралы Халық банктың баспасөз қызметі хабарлады.
 
Бұдан бөлек, Ертай Сәлімов банк басқармасы мүшесі ретіндегі өкілеттілігі сақтала отырып, басқарма төрағасының орынбасары, Астана аймақтық филиалының директоры лауазымына ауыстырылды. Оған ұлттық компаниялармен атқарылатын жұмысқа бақылау жасау жүктелді, делінген хабарламада. 

Бұдан бұрын Мамутов мырза Forte Bank-тен бөлек басқа да жауапты лауазымдарда қызмет атқарды, атап айтқанда, «Банк Kassa Nova» АҚ, «Казкоммерцбанк» АҚ, «Сбербанк» ЕБ АҚ,  «Казинвестбанк» АҚ, «АБН AMRO Банк Казахстан» ЕБ АҚ және тағы басқаларында 

«Қазақстанның Халық Банкі» акционерлік қоғамының төрайымы Үміт Шаяхметова болып табылады. 

1-қазандағы жағдай бойынша Халық банктің активтері 8,6 трлн теңгені құраған. Банк міндеттемелері 7,4 трлн теңгені, ал меншікті капитал – 1,1 трлн теңгені құраған. Несиелер бойынша мерзімі өткен қарыз сомасы – 343,7 млрд теңге. Жеке тұлғалардың салымдарының көлемі 3 трлн теңгені құраса, заңды тұлғалардікі – 3,1 трлн теңгеге тең болды.

banner_wsj.gif

Ұлттық банк қолма-қол ақшасыз есеп айырысуды ұсынады

Регулятор коронавирусқа қатысты ДДСҰ ұсынған шараларды қатаң ұстану қажет деп тұжырымдайды

Фото: shutterstock.com

Вирустың таралуын барынша төмендететін тәсіл – байланыссыз есеп айырысу. Сондықтан Ұлттық банк дүкен-дәріханада, онлайн жеткізу кезінде қолма-қол ақшасыз төлемді көбірек пайдалануды ұсынады. 

ҚР ҰБ Қолма-қол ақша айналысы департаментінің директоры Жомарт Қажмұратовтың пікірінше, бұл байланыс санын төмендетуге, яғни коронавирустың таралуын шектеуге мүмкіндік береді. 

Оның айтуынша Қазақстан Ұлттық Банкінің COVID-19 вирусының таралу ықтималдығы туралы мәселеге түсініктеме беру құзыреті жоқ. 

«Сонымен қоса қолма-қол ақшаны пайдалануға байланысты тәуекел есік тұтқалары, кредит карталары мен мобильді телефондар сияқты кез келген басқа беткі қабаттарға жанасу тәуекелінен жоғары еместігіне назар аударған жөн. Біз жиі ұстайтын көптеген басқа заттар да бар. Бірінші кезекте, банкноттардың инкассациядан кейін сақталу мерзімінің ұзақ болуына байланысты, COVID-19 вирусы жұққан банкноттардың айналымға шығу ықтималдығы мардымсыз. Ұлттық Банктің ішкі нормативтері бойынша, екінші деңгейдегі банктерден түсетін қолма-қол ақша қайта санауға дейін ашылмаған күйі 45 күн, ал  қайта санаудан кейін бір жыл  бойы сақталуы мүмкін», – дейді Жомарт Қажмұратов.

 Сонымен қатар, Дүниежүзілік денсаулық сақтау ұйымының ақпараты бойынша қазіргі сәтте «зат бетіндегі вирустың тұрақтылығы туралы мәліметтер жоқ». 

Коронавирустың қоршаған ортадағы тұрақтылығы салыстырмалы температура мен ылғалға, сондай-ақ материалдың бетін қоса алғанда, өзге факторларға байланысты. 

«Қолма-қол ақшамен жұмыс істейтін касса қызметкерлерінің жұмыс ерекшелігін ескерсек, қолды жиі жууға қатысты кеңестер – осы адамдар үшін ерекше маңызды. Сондықтан Дүниежүзілік денсаулық сақтау ұйымы мен Қазақстан Республикасының Денсаулық сақтау министрлігі ұсынған шараларды сақтауы қажет», –дейді ол. 

 Айта кетейік, бүгін Нұр-Сұлтан қаласында тағы 9 адамның коронавирус жұқтырғаны анықталып, науқастардың  жалпы саны 97 адамға жетті. 
 

banner_wsj.gif

drweb_ESS_kursiv.gif