Перейти к основному содержанию

375 просмотров

Тоқаевтың Қазақстандағы экономикалық реформаларға толмайды

Президент мемлекеттің стратегиялық мақсаттарын айтып өтті

Фото: Аскар Ахметуллин

Қазақстан Президенті Қасым-Жомарт Тоқаев терең, тіпті, түбегейлі реформалар бағдарламасын жасау керек деді. 

«Реформаларды жүзеге асыру қарқыны бәсеңдегенін мойындау керек. Бұны халықаралық және отандық сарапшылар да айтып отыр. Ел экономикасының терең, тіпті, түбегейлі реформалары бағдарламасын дайындау маңызды деп санаймын. Бізге негізгі проблемалар мен оларды шешу тетіктерін айқын байқататын жаңа экономикалық бағыт қажет», – деді ол 24 қаңтарда өткен Үкіметтің кеңейтілген мәжілісінде.

Оның айтуынша, бұндай реформалар ерік-жігерді, батылдықты талап етеді.
«Үкімет осы үдеден шығуы керек, басқа жол жоқ» деген Тоқаев мемлекеттік органдар арасындағы байланысты күшейтуді тапсырды. 

«Қазіргідей халықаралық бәсеке заманында және халықтың қойып отырған әділетті талап-тілегін ескере отырып, бұлай жұмыс істеуге болмайды. Президент әрқайсыңның желкеңнен бақылап, әр шенеуніктің өз міндетін жақсылап атқаруын, әр бағдарламаның толық жүзеге асуын бір өзі қадағалап отыра алмайды. Сондай-ақ, премьер-министрдің де міндеті бұл емес, оның алдына қойылған міндеттері мүлдем басқа»,– деді мемлекет басшысы. 

Сонымен қатар, Қасым-Жомарт Тоқаев мемлекеттік аппараттың еңбегі нәтижелі және жылдам болуы қажет деп айтып өтті. 

«Сонда ғана біз алдыға қойған мақсаттарымызға қол жеткізе аламыз. Ең алдымен бұл – көптеген жұмыс орнын ашу және лайықты еңбекақымен қатамасыз ету арқылы халықтың әл-ауқатын жақсату», – деді президент. 

538 просмотров

Халықтың инфляция жеп қойған ақшасын кім қайтарады?

Отандық өнім бағасының өзі 10-15%-ға қымбаттаған

Фото: ашық дереккөздерден алынды

2020 жылдың 1-қаңтарынан мұғалімдердің еңбекақысы 25%-ға, мәдениет саласы қызметкерлерінің айлығы 35-50%-ға, әлеуметтік сала қызметкерлерінікі - 30 %-ға өсті. Сондай-ақ шәкіртақы мен зейнетақы көлемі де 800 теңгеге көбейді. 

Сол-ақ екен, елдегі азық-түлік өнімдері бірден 10-15%-ға шарықтап кете барды. Бастапқыда, мұны біз Қытай  эпидемиясының салдары, шекарадағы шектеу дедік. Бірақ  мамандар алға тартып отырғандай, елде отандық өнімдердің де бағасы қаңтар айынан бері қымбаттап шыға келген. 

Сала мамандарының пайымдауынша, нақ қазіргі қалыптасып отырған қымбатшылық жайғдайында халықтың табысына мардымсыз үстемақы қосылып отыр.

Экономист-ғалым Жаңабай Алдабергеновтың айтуынша, 10-15, 20-25 пайыздық үстемақы қосу халықты қымбатшылықтан құтқармайды. Мысалы, біздегі орташа еңбекақы көлемі 120 мың теңгенің айналасында.

 Ал енді санаңыз, қазір бір айға, ең аз дегенде, азық-түлік сатып алуға 60-70 мың теңге кетеді. Қала халқының төлейтін коммуналдық қызметақысы бар. Ауыл халқының жем-шөбінен бастап, отынуы-суына дейін қымбаттаған. Алдағы уақытта да қымбатшылықтың жалғаспайтынына қатысты ешбір инстанция кепілдік бере алмайды. 

«Біз қазір әлеуметтік аз қамтылған топтарға үлкен салмақ түсіріп отырмыз. Соңғы бес жылда халықтың ақшаны тамақтан үнемдеуі көп нәрсені аңғартады», - дейді экономист-ғалым. 

Сарапшының пайымдауынша, үкімет алдағы екі жылда сауатты шешімдер қабылдауы тиіс. Әсіресе, елдегі орташа еңбекақы мен ең төменгі күн көріс деңгейіне қатысты нақты шешімдер қабылдайтын кезең жетті. 

«Сондай-ақ халықтың зейнетақы қорындағы қаржысы да құнсызданып жатыр. Оны да мойындаған жөн. Депозиттерде жатқан қаржы да қазір құнсыз. Бірақ біздегі депозиттерге қосылатын үстеме пайыз өскен жоқ. Мұның барлығына қатысты нақты нақты шешімдер қабылдайтын кез келді»,- дейді Жаңабай Алдабергенов. 

Ол үшін маман айтып отырғандай, бірінші кезекте, келесі шаралады жүзеге асырған жөн:

  • халық тұтынатын азық-түлік себетінен бастап, орташа еңбекақы көлемі, күн көріс деңгейі қайта сұрыпталуы қажет;
  • үкімет монополистерге шектеу қоя білуі тиіс, тариф бағасын қолдан көтеруге, газ, жанар-жағармай бағасын, транзиттік қызметтерді орынсыз қымбаттатуға жол берілмеуі керек.

Үкімет өсірген еңбекақыны инфляция жеп қоймауы үшін, алдымен, осы іспетті шараларды орындауға мән беру керек, деген сенімде мамандар.
 

Читайте нас в TELEGRAM | https://t.me/kursivkz

drweb_ESS_kursiv.gif