Перейти к основному содержанию

438 просмотров

Мемлекетке салық және экономикалық қылмыс бойынша қарыздарды кешіру ұсынылды

Бұл шара еліміздегі экономикалық өсімді 11%-ға дейін көтеруге мүмкіндік береді

Фото: Аскара Ахметуллина

Мемлекет бизнестің салық және экономикалық қылмыстар бойынша қарыздарын, кәсіпкерлерге қойылған тиісті қаржылық талаптардан бас тарта отырып, кешіруге баруы керек, деп есептейді Стратегиялық бастамалар орталығының аға әріптесі Олжас Құдайбергенов.

«Жаңа экономикалық саясат ескі істерде тежеліп қалмас үшін, бұл кедергіні алып тастаған жөн, мемлекеттің талаптары бар салықтар, экономикалық қылмыстар бойынша барлық қарыздарды белгілі бір шарттармен тіркеп, кешіру қажет, сөйтіп, барлық назарды жаңа бастамаларды жүзеге асыруға бағыттауға тырысқан жөн», – деді ол 20 қарашада ІІ стратегиялық бастамалар форумында.

Бұдан бөлек, Стратегиялық бастамалар орталығы дайындаған экономикалық жаңа саясатқа сәйкес, шенеуніктерге әрекеттердің біршама бостандығын беру ұсынылды.

«Мемлекеттік органдардың қызметкерлердің әрекеттеріне біршама бостандық беру қажет. Мәселе мынада, дамыған елдердің көпшілігінде мемлекеттік саяси қызметкерлер немесе, тіпті, орта буын басшылары бюджеттік шығындар бойынша ерекше бір процедураларсыз, өз қалауынша жұмсай алатын, белгілі бір лимиттерге ие. Жолдауда мемлекет халыққа ғана емес, сондай-ақ мемлекеттік қызметкерлерге сеніп үйрену керектігі туралы айтылғанын ескерсек, бұл сол сенімді білдірудің бір көрінісі болады»,– деді Құдайбергенов.

Оның пікірінше, осыған ұқсас тәжірибені ұлттық компанияларға да енгізген жөн, оның ішінде сатып алулар тәжірибесі де бар.

Сонымен қатар, ол түрлі жобаларға халықаралық қаржы ұйымдарынан займдар алудан бас тартып, Қазақстанның мемлекеттік сыртқы қарызын «нөлге шығаруды» ұсынды. Бұдан тыс, табысқа 1% көлеміндегі бірыңғай аграрлық салық енгізуді ұсынды.

Құдайбергенов осы және тағы басқа шаралар бірігіп, ЖІӨ-нің жыл сайынғы өсімін, қазіргі 4% шамасындағымен салыстырғанда, 11%-ға дейін жеткізу керек деп есептейді.

605 просмотров

Халықтың инфляция жеп қойған ақшасын кім қайтарады?

Отандық өнім бағасының өзі 10-15%-ға қымбаттаған

Фото: ашық дереккөздерден алынды

2020 жылдың 1-қаңтарынан мұғалімдердің еңбекақысы 25%-ға, мәдениет саласы қызметкерлерінің айлығы 35-50%-ға, әлеуметтік сала қызметкерлерінікі - 30 %-ға өсті. Сондай-ақ шәкіртақы мен зейнетақы көлемі де 800 теңгеге көбейді. 

Сол-ақ екен, елдегі азық-түлік өнімдері бірден 10-15%-ға шарықтап кете барды. Бастапқыда, мұны біз Қытай  эпидемиясының салдары, шекарадағы шектеу дедік. Бірақ  мамандар алға тартып отырғандай, елде отандық өнімдердің де бағасы қаңтар айынан бері қымбаттап шыға келген. 

Сала мамандарының пайымдауынша, нақ қазіргі қалыптасып отырған қымбатшылық жайғдайында халықтың табысына мардымсыз үстемақы қосылып отыр.

Экономист-ғалым Жаңабай Алдабергеновтың айтуынша, 10-15, 20-25 пайыздық үстемақы қосу халықты қымбатшылықтан құтқармайды. Мысалы, біздегі орташа еңбекақы көлемі 120 мың теңгенің айналасында.

 Ал енді санаңыз, қазір бір айға, ең аз дегенде, азық-түлік сатып алуға 60-70 мың теңге кетеді. Қала халқының төлейтін коммуналдық қызметақысы бар. Ауыл халқының жем-шөбінен бастап, отынуы-суына дейін қымбаттаған. Алдағы уақытта да қымбатшылықтың жалғаспайтынына қатысты ешбір инстанция кепілдік бере алмайды. 

«Біз қазір әлеуметтік аз қамтылған топтарға үлкен салмақ түсіріп отырмыз. Соңғы бес жылда халықтың ақшаны тамақтан үнемдеуі көп нәрсені аңғартады», - дейді экономист-ғалым. 

Сарапшының пайымдауынша, үкімет алдағы екі жылда сауатты шешімдер қабылдауы тиіс. Әсіресе, елдегі орташа еңбекақы мен ең төменгі күн көріс деңгейіне қатысты нақты шешімдер қабылдайтын кезең жетті. 

«Сондай-ақ халықтың зейнетақы қорындағы қаржысы да құнсызданып жатыр. Оны да мойындаған жөн. Депозиттерде жатқан қаржы да қазір құнсыз. Бірақ біздегі депозиттерге қосылатын үстеме пайыз өскен жоқ. Мұның барлығына қатысты нақты нақты шешімдер қабылдайтын кез келді»,- дейді Жаңабай Алдабергенов. 

Ол үшін маман айтып отырғандай, бірінші кезекте, келесі шаралады жүзеге асырған жөн:

  • халық тұтынатын азық-түлік себетінен бастап, орташа еңбекақы көлемі, күн көріс деңгейі қайта сұрыпталуы қажет;
  • үкімет монополистерге шектеу қоя білуі тиіс, тариф бағасын қолдан көтеруге, газ, жанар-жағармай бағасын, транзиттік қызметтерді орынсыз қымбаттатуға жол берілмеуі керек.

Үкімет өсірген еңбекақыны инфляция жеп қоймауы үшін, алдымен, осы іспетті шараларды орындауға мән беру керек, деген сенімде мамандар.
 

Читайте нас в TELEGRAM | https://t.me/kursivkz

drweb_ESS_kursiv.gif