Skip to main content

Қытайда коронавирустан 80 адам қайтыс болды

Ал инфекция жұқтырғандардың саны 2,7 мыңға жетті

Фото: Shutterstock

Коронавирустың жаңа түрінен туындайтын пневмониядан өткен тәулікте 24 адам қайтыс болып, құрбан болғандардың жалпы саны 80-ге жетті деп хабарлайды Интерфакс агенттігі. 

ҚХР мемлекеттік денсаулық сақтау комитетінің деректері бойынша, көз жұмған науқастардың көпшілігі – аурудың таралу ошағы болып тұрған Ухань қаласының, Хубэй провинциясының тұрғындары. 

Коронавирусты жұқтырғандардың саны ел бойынша 2 794 адамға жеткен, өткен тәулікте 769 кісінің жаңадан инфекция жұқтырғаны анықталған. Соның ішінде, 2 адам аурудан толық жазылып, ауруханадан шығарылған. 

Сонымен қатар, Гонконгте – 8 адам, Макаода –5, Тайваньда 4 адам осы инфекцияны жұқтырғаны анықталып отыр. 

ҚХР Мемлекеттік денсаулық сақтау комитетінің мәліметі бойынша, Таиландта 7 адам, Австралия мен Сингапурда – 4, Жапония, Оңтүстік Корея, Малайзия мен Франция, АҚШ-та – 3, Вьетнамда –2, Непалда бір кісі инфекция жұқтырған. 

banner_wsj.gif

Дүниежүзілік денсаулық сақтау ұйымы коронавирусты пандемия деп жариялады

Ұйым індетпен күрес шараларының жеткіліксіздігі мен оның кең таралуына алаңдаулы

Фото:shutterstock.com

Дүниежүзілік денсаулық сақтау ұйымының Бас директоры Тедрос Адхан Гебрейесус әлемде COVID-19 инфекциясының кең таралуына байланысты коронавирусты «пандемия» деп жариялады, деп жазады Интерфакс агенттігі.

«Біз COVID -19-ға қатысты қалыптасқан  жағдайды пандемия деп сипаттауға болады деген қорытындыға келдік»,–деді ол Женевада өткен баспасөз мәслихатында. 

ДДСҰ басшысы ұйым коронавирустқа байланысты әлемдегі жағдайды тәулік бойы бақылап отырғанын жеткізді.

«Біз коронавирустың осындай қорқынышты қарқынмен таралуына да, сонымен бірге оны ерен қылмай, алаңсыз отырғанға да алаңдаулымыз», – деді ол. 

Гебрейесус «алдағы күндері COVID -19  инфекциясын жұқтырғандардың саны, соның салдарынан қайтыс болғандардың және ауру таралған елдерің саны күрт өседі деп күтіп отырмыз» деп мәлімдеді.

ДДҰ критерийлеріне сәйкес, пандемия – жаңа аурудың әлемдік ауқымда таралуы. Мысалы, тұмау пандемиясы жаңа вирусы пайда болып, ол  бүкіл әлем бойынша таралғанда және адамдардың басым бөлігінің иммунитеті төмен болғанда жарияланады.

banner_wsj.gif

drweb_ESS_kursiv.gif