Skip to main content

Трамп Қытаймен сауда келісімін жасауға дайын екенін мәлімдеді

Ол құжатқа өзінің Си Цзиньпинмен кездесуіне дейін қол қойылады, деп күтуде

Фото: Shutterstock

АҚШ пен Қытай арасындағы сауда келісімі дайын, қазір тараптар құжаттарды аудару және рәсімдеу жұмыстарын атқаруда. Бұл турасында Интерфакс хабарлады. 

«Қытайға қатысты мәмілеге келетін болсақ, бізде келісімге қол қою рәсімі болады», - деп мәлімдеді АҚШ президенті Дональд Трамп Флоридадағы өзінің Мар-о-Лаго резиденциясында.

Трамп  АҚШ пен Қытай арасындағы аралық сауда келісіміне оның ҚХР төрағасы Си Цзиньпинмен кездесуіне дейін қол қойылады, деген сенімде.

Бұдан бұрын, осы айда Вашингтон мен Пекиннің Қытайдың америкалық ауыл шаруашылық өнімдерін, энерготасымалдаушылары мен өндірістік тауарларын сатып алуын қарастыратын аралық сауда мәмілесінің шарттары бойынша келісімге келгені белгілі болған-ды.

Осыған байланысты, Штаттар бұрын Қытай экспорты тауарларына 15-желтоқсаннан жылына  $160 млрд сомасындағы жоспарланған қосымша баж салығын енгізуден бас тартты. Бұдан бөлек, Вашингтон Қытай тауарларына 15% көлеміндегі жылына $120 млрд сомасында салынатын баж салығын екі есе қысқартуға келісті.  
 

 

banner_wsj.gif

Дүниежүзілік денсаулық сақтау ұйымы коронавирусты пандемия деп жариялады

Ұйым індетпен күрес шараларының жеткіліксіздігі мен оның кең таралуына алаңдаулы

Фото:shutterstock.com

Дүниежүзілік денсаулық сақтау ұйымының Бас директоры Тедрос Адхан Гебрейесус әлемде COVID-19 инфекциясының кең таралуына байланысты коронавирусты «пандемия» деп жариялады, деп жазады Интерфакс агенттігі.

«Біз COVID -19-ға қатысты қалыптасқан  жағдайды пандемия деп сипаттауға болады деген қорытындыға келдік»,–деді ол Женевада өткен баспасөз мәслихатында. 

ДДСҰ басшысы ұйым коронавирустқа байланысты әлемдегі жағдайды тәулік бойы бақылап отырғанын жеткізді.

«Біз коронавирустың осындай қорқынышты қарқынмен таралуына да, сонымен бірге оны ерен қылмай, алаңсыз отырғанға да алаңдаулымыз», – деді ол. 

Гебрейесус «алдағы күндері COVID -19  инфекциясын жұқтырғандардың саны, соның салдарынан қайтыс болғандардың және ауру таралған елдерің саны күрт өседі деп күтіп отырмыз» деп мәлімдеді.

ДДҰ критерийлеріне сәйкес, пандемия – жаңа аурудың әлемдік ауқымда таралуы. Мысалы, тұмау пандемиясы жаңа вирусы пайда болып, ол  бүкіл әлем бойынша таралғанда және адамдардың басым бөлігінің иммунитеті төмен болғанда жарияланады.

banner_wsj.gif

drweb_ESS_kursiv.gif