ФИФА-ның The Best марапаттау рәсімі 17 қаңтарда өтеді

Халықаралық футбол федерациясы (ФИФА) ұйымның жылдың үздік ойыншылары мен бапкерлерін марапаттау рәсімі 2022 жылдың 17 қаңтарына жоспарланғанын хабарлады.

Оқиға ФИФА-ның Цюрихтегі штаб-пәтерінен қашықтан өтеді.

«The Best» жүлдесі лауреаттарына дауыс беру 22 қараша мен 10 желтоқсан аралығында интернет арқылы өтеді және оған барлық футбол жанкүйерлері қатыса алады.

Үздік футболшы, сондай-ақ ерлер мен әйелдер бапкерлері, қақпашылар мен жанкүйерлер марапаттарын алады. Сонымен қатар, 2021 жылдың ең әдемі голы үшін Ференц Пушкаш сыйлығының иегері анықталады.

5 желтоқсанға жоспарланған Алтын доптың дәстүрлі тұсаукесері Парижде көрермендердің қатысуымен өтеді. Бұл күні Франция астанасында France Football екі жүлдені табыс етпек – бұл марапаттау тарихында алғаш рет. 2020 жылы сыйлық коронавирустық пандемияға байланысты берілмеді, сондықтан шараны ұйымдастырушылар қос мерекені ұйымдастыруды ұйғарды.