Илья Ильин жаңа қызметке тағайындалды
Жарияланды
Спортшы енді "Ұлттық ғылыми-практикалық дене тәрбиесі орталығының" бас ғылыми қызметкері
Ауыр атлетикадан әлем чемпионы Илья Ильин «Ұлттық ғылыми-практикалық дене тәрбиесі орталығының» бас ғылыми қызметкері болып тағайындалды, – деп хабарлайды Tengrinews.kz.
«Олимпиада ойындарының екі дүркін чемпионы, әлемнің төрт дүркін чемпионы және Қазақстанның еңбек сіңірген спорт шебері, дене шынықтыру және спорт мамандығы бойынша философия докторы (PHD) Ильин Илья Александрович ҚР БҒМ «Ұлттық ғылыми-практикалық дене тәрбиесі орталығының» РМҚК дене шынықтыру саласындағы ғылыми зерттеу жұмыстары зертханасының бас ғылыми қызметкері лауазымына тағайындалды», – деп жазды Илья Ильин Instagram-дағы парақшасында.
