«Барыс» өз алаңында «Металлургтен» жеңіліс тапты

КХЛ-дың тұрақты чемпионатының кезекті матчында қазақстандық хоккейшілер қатарынан үшінші рет жеңіліске ұрынды

Фото: Shutterstock

Қарсыластар осы маусымда бір бірімен кездескен болатын – 25-қыркүйекте «Барыс» Магнитогорскіде 3:1 есебімен «Металлургтен» басым түскен еді. 

Нұр-Сұлтанда «құрыш құюшылар» өз алаңындағы жеңіліс үшін қарымта қайтаруға барын салды. Матч басталысымен асқан табандылықпен алға ұмтылған қонақтар бірінші кезеңнің алтыншы минутында есеп ашып үлгерді. Бірінші кезеңде бұл есеп өзгермеді. 

Ойынның екінші кезеңінде алаң иелері қонақтарға қарағанда, жіті қимылдап, басымдық танытты. Соның нәтижесінде, Даррен Диц ойыншылар санының басымдылығы арқасында есепті теңестіруге қол жеткізді. Алайда екінші үзіліске дейін қонақтар тағы да алға шығып, «Барыс» хоккейшілері қанша тырысса да ойынның аяғына дейін жеңісті уысынан шығарған жоқ. 

«Ойынды овертаймға жеткізуге мүмкіншіліктер жеткілікті болды. Өзім атап айтқандай, біз шайбаны қақпаға кіргізуге әрең дегенде қол жеткіземіз. Матчтағы жеңісті уыстан шығармау үшін біз голды аз соғамыз. Енді ойында жіберген олқылықтарымызды түзетіп, ары қарай қозғалу қажет, өйткені келесі ойынның да ауылы алыс емес», - деді финалдық сиренадан кейін «Барыстың» бас жаттықтырушысы Андрей Скабелка.

Континентальдық хоккей лигасының келесі ойынын қазақстандық команда тағыда өз алаңында өткізеді, 31-қазанда Нұр-Сұлтанға қонаққа Екатеринбургтың «Автомобилисті» келеді.

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

kursiv_in_telegram.JPG

banner_wsj.gif


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_opros.gif

kursiv_opros.gif