Коронавирусқа қарсы вакцинаны қай ел бірінші дайындап үлгереді? Қордай ауданында вакцина әзірлеу жұмыстары басталды

Вакцина Ресейде қыркүйекте дайын болуы мүмкін

Фото: Shutterstock

Қазақстанда коронавирус инфекциясына қарсы вакцина дайындалып жатыр. Ауруға қарсы екпе қазір Қордай ауданындағы биологиялық қауіпсіздік мәселелерімен айналысатын ғылыми-зерттеу институтында әзірленуде. 

Мұндай ақпаратты пандемияның Қазақстандағы ахуалы жайлы хабарлап отыратын coronavirus2020.kz сайты таратты. Онда Жамбыл облысы әкімі Бердібек Сапарбаевтың институтқа барып, дайындық жұмыстарымен танысқан.

Аталған институт 1958 жылы құрылған. Стратегиялық маңызды мекеме дүниежүзілік денсаулық сақтау ұйымы, АҚШ аурулардың алдын алу және бақылау орталығымен бірлесе еңбек ететін, тәжірибелі мамандардан құралған іргелі орталық екен. Осы уақытқа дейін мекеме препараттардың 67, вакциналардың 30 атауын дайындап шыққан. 16 тест жүйесі мен 15-тен көп биопрепараттарды өндіріске енгізген. Жылына 27 миллионнан астам вакцина дозасын жеткізеді екен. Енді мұндағы ғалымдар коронавирустің бетін қайтаратын вакцина әзірлеуге белсене кіріскен. 

    «Президенттің осындай ғылыми орталықтарды қолдау туралы тапсырмасы бар. Сіздердің жұмыстарыңыз ел экономикасының дамуына үлкен үлес қосады, кез-келген уақытта туындауы мүмкін әртүрлі пандемия зардаптарын азайтады. Мынадай қиын заманда аурудың ешкімді де аямайтыны анық түсінікті болды. Мұндай кезде Қазақстан ғаламдық проблемаларға тиісті жауап бере алатын ғылыми орталықтар жүйесін құруы керек. Облыс билігі зауыт құрылысына көмек береді» депті Бердібек Сапарбаев Қордай ауданына жасаған жұмыс сапарында. 

Осыған дейін "Биологиялық қауіпсіздік проблемаларының ғылыми-зерттеу институты" жанындағы Оқу ғылыми білім беру орталығының директоры Хайролла Әбеуов вакцинаны жасап шығуға бір жыл уақыт кететінін айтқан еді. 

«Вакцина алдымен жануарға жасалып, сосын коронавирусқа шалдықпаған ерікті адамдарға салынады. Зерттеуге қатысқаны үшін адамдарға ақы төленуі мүмкін. Вакцинаны жасап шығу бірнеше кезеңнен тұрады. Кандидаттық штаммды алу, дайындау технологиясын құру, сынақ қауіпсіздігі сияқты мәселелер бар. Биологиялық процестерге байланысты зерттеуді жылдам жүргізу мүмкін емес»,– деген болатын ғалым. 

Өзге елдерде де әлемді дүрліктірген кеселдің алдын кесетін екпені ойлап табудың қамына кіріскен. Осыдан бір апта бұрын Италия ғалымдарының коронавирустың күшін әлсірететін вакцина ойлап тапқаны жайлы ақпарды Daily Mail басылымы таратып еді. Вакцина алдымен зертханада тышқандарға жасалып, тексерілген. Сонымен қатар тышқандардан антитела анализін алған. Зерттеу барысында антителаның Covid-19-ды лабораториялық жағдайда өлтіре алатыны анықталған. Ал бұл вакцина адамдарға күзде салынуы мүмкін. 
Ал Ресейде вакцина еріктілерге салынғаннан кейін күзде ресми тіркелмек. Бұл жайында 14 мамыр күні «Вектор» ғылыми орталығының бас директоры Ринат Максютов президентке берген есебінде мәлімдеген. Максютовтың айтуынша, жақын арада вакцинаның клиникаға дейінгі зерттеу жұмыстарын жүргізу басталмақ. Бұл кезең шілде айында аяқталады. Одан соң 300 еріктіге салынып, клиникалық зерттеуге ұласады. 

Жалпы, бүкіл әлемде 7 вакцина түрі сынақтан өткізіліп жатыр. Қазақстанның бас санитарлық дәрігері Айжан Есмағамбетованың айтуынша, әлем ғалымдары Covid-19-дың көзін жоятын вакцина жасау үшін бас қатыруда. Оның ішінде екі бірдей қазақстандық институт та бар.

«Қазіргі кезде әлем бойынша жеті үміткер-вакцина клиникалық сынақтан өткізіліп жатыр. егер клиникалық сынақ сәтті нәтиже берсе, бұл коронавирусқа қарсы күрестегі үлкен жеңіс болар еді. Вакцинаны әлемнің әртүрлі елінен жиналған жеті ғылыми ұжым әзірлеген»,– деді Айжан Есмағамбетова. 

Covid-19-ға қарсы вакцина әлем бойынша тегін болуы мүмкін. Бұл туралы БҰҰ бірлескен бағдарламасының ресми сайтында хабарланған. Онда әлем бойынша 140-тан астам сарапшы мен мамандардың коронавирусты емдеу мен тексеру жұмыстарының барлық жерде тегін болуын сұрап ашық хат жазғаны айтылған. Үндеу 18-19 мамырда болатын дүниежүзілік денсаулық сақтау ассамблеясы қарсаңында жарияланып отыр. Денсаулық сақтау министрлігі осы отырысқа министр Елжан Біртановтың қатысатынын да растаған. Аталған жиын виртуалды түрде өткізілмек. 

 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Қазақстандықтар бір айда 62 келі алтын сатып алған

Әсіресе 10 грамдық құймалар сұранысқа ие

Фото: Kursiv.kz

Мамыр айында  қазақстандықтар екінші деңгейлі банк және банктік емес айырбастау пунктерінен жалпы салмағы 62 165 грамм болатын 1 467  құйма алтын сатып алған. Ал 2017 жылдан бері жалпы салмағы 845 060 грамды құрайтын 25 968 өлшеуіш құйма сатылыпты.

Ұлттық банк дерегіне сүйенсек , алтын құймалары бес түрде ұсынылған: 5, 10, 20, 50 және 100 г. Сатып алушылар арасында салмағы 10 г. құйма сұранысқа ие.  Сатылған алтынның 27 пайызын 10 грамдық құймалар (6 969 дана) құраған. 

Одан кейін 5 грамдық құймалар көп сатылған – 6 050 дана (23%).  Ел тұрғындары 20 грамдық құймадан 4966 дана (19%), 100 грамдық алтыннан – 4 933 дана (19%), 50 грамдық құймадан 3 050 дана (12%) сатып алған. 

Алтын құймасын сатып алуда өңірлер арасындағы көшбасшы – Алматы қаласы (сатылған құймалардың  50,3%-ы), одан кейін Атырау (18,4%), Нұр-Сұлтан (11,4%) және басқа өңірлер (19,9%) келеді.

Кері сатып алу бойынша жалпы массасы 3 010 грамм 106 өлшеуіш құйма қабылданған. Бұл алтын құймалары инвестициялау пен қаржы жинаудағы ұзақ мерзімді құрал саналады.

Қазіргі кезде алтын құймаларын Halyk Bank, Еуразиялық Банк, Jýsan Bank, Банк ЦентрКредиттен, сондай-ақ банктік емес айырбастау пунктерінен сатып алуға және кері сатуға болады. 

Алтын құймалары – инвестициялаудың сенімді құралы. Банк пен банктік емес айырбастау пунктерінің клиентке дәл  сол сәтте ақша төлей отырып, құймаларды кері сатып алу мүмкіндігі – алтын құйма нарығының өтімділігін қамтамасыз етудегі негізгі фактор. 

ҚР Ұлтты банкі әрбір құйма қорғаныш элементтері (құймалардың беті айнадай, микромәтін және бедерлі гурт) бар, оны механикалық зақымданудан қорғайтын, сондай-ақ, орауы ашылған- ашылмағанын тез анықтауға мүмкіндік беретін арнайы орамада шығарылатынын ескертеді. Қорғаныш орамасы – құйма сапасының сертификаты. Сондықтан мамандар құйманы ұқыпты сақтау және ораманы ашпауды ұсынады. 

2020 жылдың 5 маусымдағы жағдай бойынша 1 грамм алтын  бағасы –  21 918,57 теңге.
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg