Skip to main content

Су тасқыны қаупі қандай?

Әзірге ел аумағындағы жағдай тұрақты

Фото:kursiv.kz

Су тасқыны жағдайына мониторинг жүргізу үшін өңірлерде, атап айтқанда  Ақмола, Шығыс Қазақстан, Қостанай, Павлодар, Солтүстік Қазақстан облыстарында және Нұр-Сұлтан қаласында тасқынға қарсы жедел штабтар жұмыс істейді. Бұл туралы ҚР ІІІМ Төтенше жағдай комитетінің қызметі хабарлайды. 

14 сәуірден  бері Ақмола облысы, Астрахан ауданы Старый Колутон ауылының маңында орналасқан Қалқұтан өзенінде су деңгейінің төмендегені байқалады (сыни деңгей – 3,48 м, нақты – 3,86 м). ТЖД және жергілікті атқарушы органдардың күші мен құралдарынан жасақталған, құрамында 12 адам, 5 бірлік техника, 2 жүзу құралы бар топ аула маңындағы аумақтардан 710 текше метр суды сорғызып, өзен суы деңгейіне мониторинг жүргізген.

Сонымен қатар Жабай өзеніндегі су деңгейі 50 см төмендегені байқалады ТЖД, ПД және жергілікті атқарушы органдардың құрамында 15 адам, 9 бірлік техника, 1 жүзу құралы бар топ өзендегі су деңгейін бақылап, мониторинг жүргізді. 

Солтүстік Қазақстан облысының аумағында реттелмейтін Сергеев су қоймасы орналасқан, оның  нақты көлемі 883,7 млн. текше метрді құрайды. Көктемгі су тасқынына байланысты 2 сәуірден бастап Есіл өзені жайылмасының төменгі жағында  орналасқан осы гидротехникалық құрылыстан су құйылып жатыр. Ең жоғары көрсеткіш 11 сәуірде 195 см жетті. Осы күннен бастап су құйылу деңгейінің біртіндеп төмендегені байқалады, 16 сәуірдегі жағдай бойынша ол 153 см құрады.

Петропавл су қоймасының нақты көлемі 28,12 млн. текше метр, тасқын суы осы гидротехникалық құрылыс арқылы транзиттік режимде өтеді. Облыстың барлық гидротехникалық құрылыстары штаттық режимде жұмыс істейді. МТҚ-да тәулік бойы «Қазсушар» РМК мамандары, полиция қызметкерлері кезекшілік етеді. Бұл объектілер жергілікті атқарушы және азаматтық қорғау органдары қызметкерлерінің тұрақты бақылауында.

Су тасқыны кезеңінің қауіпсіз өтуі мақсатында ТЖК аумақтық бөлімшелері жергілікті атқарушы органдармен бірлесе отырып, еліміздің су тасқыны қаупі бар аймақтарында тәулік бойы мониторинг жүргізу және тасқын судың алдын алу іс-шараларын ұйымдастырды, бұл су тасқыны жағдайын тұрақтандыруға мүмкіндік берді. Бұл жұмыстарға өрт сөндірушілер мен құтқарушылар, облыстық ТЖД-ның инспекторлары меәне жеке құрамы жұмылдырылады, олар тәулік бойы кезекшілік етіп, күшейтілген режимде жұмыс істеп жатыр.

Сонымен қатар су тасқыны кезеңінің басынан бері 163,855 шақырым қорғау бөгеттеріне құрылыс-жөндеу жұмыстары, 422 шақырым су тасқыны қаупі бар өзен арналарын жағалауды нығайту, түбін тереңдету және түзету, сондай-ақ 192,4 шақырым су бұру арналарын орнату, мұзды қопсыту бойынша жұмыстар жүргізілді, өзендерде 21,566 тонна жарылғыш затты пайдалана отырып, 236 жару жұмысы жүргізілді.
 

banner_wsj.gif

Бүгіннен бастап Қазақстандағы барлық ішкі әуе рейстері іске қосылады

Санитарлық талаптар қатаң сақталуы тиіс

Фото: shutterstock.com

Бүгін, 25 мамырдан бастап Қазақстандағы барлық ішкі әуе рейстері қайта жанданады. Бұл жайлы индустрия және инфрақұрылымдық даму министрлігінің баспасөз қызметі хабарлады. 

    «Қазақстан Республикасы аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссия шешіміне сәйкес, ҚР Денсаулық сақтау министрлігінің ұсыныстарын ескере отырып, 2020 жылғы 25 мамырдан бастап Атыраудан республиканың өзге қалаларына келесі бағыттар бойынша ұшулар қайта ашылады. Рейстер әуе компаниялардың ресми сайттарында жарияланған кестеге сәйкес орындалып, Көліктегі бас санитарлық мемлекеттік дәрігермен бекітілген санитарлық қауіпсіздіктің жоғары шаралар шартында жүзеге асырылады:
•    жеке қорғаныс жабдықтарын пайдалану (бетперделер, қолғаптар);
•    термометрия, әлеуметтік қашықтықтықты әуе кемесінің бортына отыруға дейін ұстану;
•    әуежайлар мен әуе кемелердің күшейтілген дезинфекциясы.
Жазғы мерзімде әуе тасымалдарына сұраныстың көбейетінін ескере отырып, қалалар арасында рейстер санын сұраныс пен ҚР Денсаулық сақтау министрлігінің санитарлық-карантиндік шараларын ескере отырып әуе компаниялары анықтайды. Осылайша, 2020 жылғы 25 мамырдан бастап еліміздің барлық әуежайлары ішкі тұрақты рейстер үшін ашылып, ішкі әуе нарығындағы бағыттардың жандануына ықпал етеді»,- делінген хабарламада. 

    Бүгіннен бастап «Air Astana» әуе компаниясы Атырау – Алматы, Атырау – Нұр-Сұлтан бағыты бойынша аптасына 7 рейс; «Scat» Атырау – Нұр-Сұлтан бағыты бойынша аптасына 5 (1 маусымнан бастап – 7), Атырау – Ақтау бағыты бойынша аптасына 7 рейсті (1 маусымнан бастап – 14) жүзеге асырмақ. Ал «Qazaq Air» компаниясы Атырау – Ақтау, Атырау – Ақтөбе, Атырау – Орал бағыты бойынша аптасына – 4, ал Атырау – Шымкент бағыты бойынша аптасына 7 рейс орындайды. Ұшуға рұқсат етілген компаниялар ішінде «Fly Arystan» да бар. Лоукостер Атырау – Шымкент бағыты бойынша шілде айынан бастап аптасына 3 рет ұшатын болады. 

 Рейс кестелері әуе компаниясы бастамасымен өзгеруі мүмкін. Барлық әуе сапары бас санитар дәрігер бекіткен санитарлық қауіпсіздік талаптарын сақтау арқылы жүзеге асады. 

Осыған дейін отандық ranking.kz порталы пандемияның әуе қатынасы саласына елеулі залал тигізгенін жазған болатын. Қаңтар – сәуір айларында табыс көлемі 71,3 млрд долларды құрап, былтыр осы кезеңдегі көрсеткіштен 31,8 пайызға азайып кеткен. Ал осы жылдың наурыз – сәуір айларында әуе қызметін тұтынған қазақстандықтар саны 70 пайызға бір-ақ қысқарған. Елімізде 1 мамыр күні әуе қызметі қайта жанданды. Алғашқы күннің өзінде 700 адам ұшаққа отырған. 
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_kaz.png