Skip to main content

Фермерлердің 4,3 млрд теңгеден астам төлемі кейінге шегеріледі

Тағы 51 өтініш қарастырылып жатыр

«ҚазАгро» Холдингінің Аграрлық несие корпорациясы 32 кәсіпкердің жалпы көлемі 4,31 млрд. теңгені құрайтын қарызын төлеу бойынша мерзімді кейінге шегеруді мақұлдады, сондай-ақ 51 өтінім қарастырылып жатыр деп хабарлайды «Аграрлық несие корпорациясының» баспасөз-қызметі. 

Қазіргі кезде корпорацияға кейінге  төлемді шегеру туралы өтініштерімен 81 қарыз алушы жүгінген. Олардың қарызы 6,3 млрд. теңгеден асады.  Әр өтінім жеке тәртіп бойынша қарастырылып жатыр.

 Айта кететіні, 299 млн. теңге көлемінде несие алған бір кәсіпкердің өтініші мақұлданбады. Бас тартудың себебі – қарыз алушының қазіргі төлемдері бойынша жеңілдік кезеңі бар және бұл кәсіпкер шарт талаптарына сәйкес әзірге төлем жасамайды.

Төлемдерді кейінге шегеруді ұсыну ережелеріне сәйкес, жарияланған ТЖ режимі салдарына қаржылық жағдайының нашарлаған анықталған клиенттің өтініштері ғана мақұладанады.  Мәселен, сатылған тауар мен көрсетілген қызмет көлемінің азаюы, өнім сатып алушылардың төлемді тоқтатуы немесе мерзімінің өзгеруі сынды себеп болуы тиіс. Сонымен қатар, пандемияға байланысты енгізілген шектеулерге байланысты Корпорация өз қарыз алушыларына қатысты өсім мен айыппұл есептеуді де тоқтатты.

«ҚазАгро» ҰБХ «Аграрлық несие корпорациясы» АҚ клиенттері мерзімді кейінге шегеруге қатысты барлық мәселелері бойынша 5115 жедел желісіне тегін хабарласуға болады.

Айта кетейік, COVID-19 коронавирус инфекциясы Қазақстанда 13 наурызда анықталды. 16 наурызда Президент Қасым-Жомарт Тоқаевтың Жарлығы бойынша  елімізде төтенше жағдай режимі енгізілді. 19 наурыздан бастап Нұр-Сұлтан мен Алматы карантинге жабылды.

banner_wsj.gif

Бүгіннен бастап Қазақстандағы барлық ішкі әуе рейстері іске қосылады

Санитарлық талаптар қатаң сақталуы тиіс

Фото: shutterstock.com

Бүгін, 25 мамырдан бастап Қазақстандағы барлық ішкі әуе рейстері қайта жанданады. Бұл жайлы индустрия және инфрақұрылымдық даму министрлігінің баспасөз қызметі хабарлады. 

    «Қазақстан Республикасы аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссия шешіміне сәйкес, ҚР Денсаулық сақтау министрлігінің ұсыныстарын ескере отырып, 2020 жылғы 25 мамырдан бастап Атыраудан республиканың өзге қалаларына келесі бағыттар бойынша ұшулар қайта ашылады. Рейстер әуе компаниялардың ресми сайттарында жарияланған кестеге сәйкес орындалып, Көліктегі бас санитарлық мемлекеттік дәрігермен бекітілген санитарлық қауіпсіздіктің жоғары шаралар шартында жүзеге асырылады:
•    жеке қорғаныс жабдықтарын пайдалану (бетперделер, қолғаптар);
•    термометрия, әлеуметтік қашықтықтықты әуе кемесінің бортына отыруға дейін ұстану;
•    әуежайлар мен әуе кемелердің күшейтілген дезинфекциясы.
Жазғы мерзімде әуе тасымалдарына сұраныстың көбейетінін ескере отырып, қалалар арасында рейстер санын сұраныс пен ҚР Денсаулық сақтау министрлігінің санитарлық-карантиндік шараларын ескере отырып әуе компаниялары анықтайды. Осылайша, 2020 жылғы 25 мамырдан бастап еліміздің барлық әуежайлары ішкі тұрақты рейстер үшін ашылып, ішкі әуе нарығындағы бағыттардың жандануына ықпал етеді»,- делінген хабарламада. 

    Бүгіннен бастап «Air Astana» әуе компаниясы Атырау – Алматы, Атырау – Нұр-Сұлтан бағыты бойынша аптасына 7 рейс; «Scat» Атырау – Нұр-Сұлтан бағыты бойынша аптасына 5 (1 маусымнан бастап – 7), Атырау – Ақтау бағыты бойынша аптасына 7 рейсті (1 маусымнан бастап – 14) жүзеге асырмақ. Ал «Qazaq Air» компаниясы Атырау – Ақтау, Атырау – Ақтөбе, Атырау – Орал бағыты бойынша аптасына – 4, ал Атырау – Шымкент бағыты бойынша аптасына 7 рейс орындайды. Ұшуға рұқсат етілген компаниялар ішінде «Fly Arystan» да бар. Лоукостер Атырау – Шымкент бағыты бойынша шілде айынан бастап аптасына 3 рет ұшатын болады. 

 Рейс кестелері әуе компаниясы бастамасымен өзгеруі мүмкін. Барлық әуе сапары бас санитар дәрігер бекіткен санитарлық қауіпсіздік талаптарын сақтау арқылы жүзеге асады. 

Осыған дейін отандық ranking.kz порталы пандемияның әуе қатынасы саласына елеулі залал тигізгенін жазған болатын. Қаңтар – сәуір айларында табыс көлемі 71,3 млрд долларды құрап, былтыр осы кезеңдегі көрсеткіштен 31,8 пайызға азайып кеткен. Ал осы жылдың наурыз – сәуір айларында әуе қызметін тұтынған қазақстандықтар саны 70 пайызға бір-ақ қысқарған. Елімізде 1 мамыр күні әуе қызметі қайта жанданды. Алғашқы күннің өзінде 700 адам ұшаққа отырған. 
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_kaz.png