Skip to main content

Қазақстанда мақта өңдірісі 3 есеге артты

Мыңнан астам қосымша жұмыс орнын ашуға мүмкіндік береді

Фото: Shutterstock / muratart

Отандық мақтаны қайта өңдеу үш есеге артып, қосымша мыңға жуық жұмыс орны құрылады. Бұл туралы ҚР ИИДМ баспасөз қызметі хабарлады.

2020 жылғы ақпанда жеңіл өнеркәсіптегі өндіріс 12,4% өсті. Оның ішінде тоқыма бұйымдары 11,9%, киім өндірісі 9,7%, былғары және олармен байланысты өнімдер 11,8% құрады.

2019 жылдың наурызында үкімет жеңіл өнеркәсіпті дамытудың 2019-2021 жылдарға арналған жол картасын бекітті. Онда кәсіпорындарды шикізатпен қамтамасыз етуге, тауарлардың заңсыз саудасына қарсы тұруға, сондай-ақ, жүйелі қолдау бойынша шараларды қарастырды.

Қазақстанда маталардың, дайын терінің, киім мен аяқ киім өндіруге арналған керек-жарақтар, химиялық заттар мен бояғыштардың көп түрі өндірісте жоқ. Бұл дайын өнімнің бағасына әсер етеді.  Қазақстанда бүгінгі таңда мақта өңдейтін төрт кәсіпорынның тек екеуі тұрақты жұмыс істейді. Олар қазақ-өзбек бірлескен «TPK Alliance» кәсіпорыны және 2019 жылдың желтоқсанында «Ютекс» АҚ тоқтап тұрған өндірісін іске қосты.

Былғары теріні қайта өңдеу кәсіпорындарын ұлғайту мақсатында жүйелі жұмыстар жүргізілуде. Бүгінгі таңда ірі қара мал кәсіпорындары терінің жалпы  (3 млн-ға жуық), 16 пайызын өңдейді.

banner_wsj.gif

Қазақстанның қай облысында су қоймасы салынады?

Бұл сұраққа геология, экология және табиғи ресурстар министрі жауап берді

Фото: kursiv.kz

Қазақстанда 2030 жылға дейін 28 су қоймасы салынады. Бұл туралы геология, экология және табиғи ресурстар министрі Мағзұм Мырзағалиев мәлімдеді. 

Министр Мемлекет басшысы Қасым-Жомарт Тоқаевтың 2030 жылға қарай суармалы жер көлемін 1,5 млн гектардан 3 миллион гектарға арттыруға тапсырма бергенін айтып өтті. Осы мақсатта 2030 жылға дейін 28 су қоймасы салынбақ. 

"Су қоймасын Ақмола, Ақтөбе, Қарағанды, Жамбыл, Түркістан, Қызылорда, Шығыс Қазақстан және Батыс Қазақстан облыстарында салу көзделіп отыр", - деп нақтылады министр.

Министрдің есебі бойынша, бұл су қоймаларында жалпы көлемі 3,8 текше шақырым су жинауға болады, бұл қосымша 470 мың гектар ауылшаруашылық жерді суаруға мүмкіндік береді. Сондай-ақ, 12 су қоймасы екі мақсатқа пайдаланылады, біріншісі - суаруға қажетті суды жинау болса, екіншіден, 70-тен аса елдімекенді тасқын қаупінен сақтап тұрады.

2020-2021 жылдары 6 785 километр канал, 4 су қоймасы, 4 су торабы, 239 тік дренаж ұңғымасы және 23 мың өзге де су шаруашылығы құрылыстары қайта жаңартылады.

Ирригациялық инфрақұрылымды дамыту мен жаңғырту жобаларын іске асыру Алматы, Жамбыл, Түркістан, Қызылорда және Ақтөбе облыстарында қосымша 500 мыңдай гектар суармалы жерді пайдалануға мүмкіндік береді. Бұған шамамен 274 млрд теңге көзделген. 
88 мың жұмыс орны құрылмақ.
 

banner_wsj.gif

drweb_ESS_kursiv.gif