Медведев Нұр-Сұлтанда Тоқаев, Назарбаев және Мәсімовпен кездеседі
Жарияланды
Олар Қазақстан-Ресей қатынастарын талқылайды
Ресей Қауіпсіздік кеңесі төрағасының орынбасары Дмитрий Медведев Нұр-Сұлтанға келді. Екі ел басшылығымен екіжақты қатынас, оның ішінде қауіпсіздік саласындағы ынтымақтастық мәселелері талқыланады. Бұл туралы РИА Новости хабарлайды.
Медведев Қауіпсіздік Кеңесінің төрағасы Нұрсұлтан Назарбаев, Қазақстан президенті Қасым-Жомарт Тоқаев және Ұлттық қауіпсіздік комитетінің басшысы Кәрім Мәсімовпен кездеседі деп жоспарланған.
«Кездесулер барысында Медведев Ресей-Қазақстан қатынастарын, оның ішінде қауіпсіздік саласындағы ынтымақтастық мәселелерін талқылайды», – деді РФ Қауіпсіздік Кеңесі Төрағасы орынбасарының хатшылығы.
