Skip to main content

Трамп 52 нысанға соққы берем деп, Иранға сес көрсетуде

Егер ол Сүлейманидың қазасы үшін кек алатын болса

Фото: Shutterstock

АҚШ президенті Дональд Трамп, егер американдықтарға шабуыл жасалатын болса, Ирандағы 52 нысанға, мәдени нысандарды қоса алғанда, «тез және күшті» соққы беруді уәде етті, деп жазады РИА Новости.

«Бұл ескерту болсын, егер Иран американдықтарға немесе американдық мүлікке соққы беретін болса, біз Ирандағы 52 нысанды (көп жыл бұрын Иранның 52 американдықты кепілге алуына сәйкес) нысанаға алып отырмыз, олардың кейбіреуі жоғары деңгейдегі әрі Иран және ирандық мәдениет үшін маңызы зор нысандар, міне, осы нысаналар, Иранның өзі сияқты, тез әрі күшті соққыға ұшырайды. АҚШ бұдан ары қандай да бір сес көрсеткенді қаламайды», – деп жазды Трамп Twitterде. 

Президент Иранның Бағдадта өлтірілген генерал Касем Сүлеймани үшін кек алатыны жөніндегі сес көрсетулерін сынап тастады. Трамп оны «лаңкестердің көшбасшысы» деп, атаған болатын.

Трамп, 52 американдық туралы сөз қозғағанда, ислам революциясынан кейін Иранда қалған отандастарын меңзеген болатын. Ол кезде АҚШ-тан шах Мохаммед Рез Пехлевиді беруді талап еткен дер 1979 жылғы қарашада АҚШ-тың Тегерандағы елшілігін басып алып, 66 адамды кепілдік алған еді, ұзамай олардың 13-і босатылса, кепілге алынған 52 адам тұтқында 444 күн болып, бостандыққа тек 1981 жылы шыққан болатын.

Генерал Сүлеймани 3-қаңтарда Бағдадтың халықаралық әуежайына зымырандық соққы беру кезінде қазаға ұшыраған-ды. Пентагондағылар «Кудс» Ислам революциясы сақшылары корпусының басшысын жою жөніндегі әскери операция президент Дональд Трамптың жеке нұсқауы бойынша жүзеге асырылғанын хабарлады. 

banner_wsj.gif

"Қазақстанда коронавирустан қайтыс болғандар жоқ"- Е.Тоғжанов

Қазір ел бойынша осы вирусты жұқтырған 49 науқас тіркелген

Фото:primeminister.kz

ҚР Премьер-Министрінің орынбасары Ералы Тоғжанов COVID-19-дың Қазақстан аумағында таралуына жол бермеу шаралары туралы өткен брифинг барысында елімізде бұл індеттен көз жұмғандар жоқ деп мәлімдеп, жалған ақпаратқа сенбеуге шақырды. 

"Қазір ел ішінде коронавирустан қайтыс болғандар жайлы түрлі жалған ақпарат таралып жатыр. Республика бойынша одан көз жұмғандар жоқ",- деді ол. 

Осы ретте  жалпы 49 науқас тіркелгенін, оның ішінде  Алматы қаласында – 22 адам, Нұр-Сұлтан қаласы бойынша 25 адам, Қарағанды қаласында -  2 адам  анықталғанын айтып өтті. 

Денсаулық сақтау министрлігі де елімізде  корнавирустан қайтыс болғандар жайлы ақпаратты жоққа шығарды.Бұған дейін бірқатар халықаралық ресурстарда елімізде коронавирустан қайтыс болғандар жайлы ақпарат жарияланған еді.

Сонымен қатар Ералы Тоғжанов елімізде коронавирустың таралуына жол бермеу мақсатында атқарылып жатқан шаралар жайлы айтып өтті.

"Біріншіден, Нұр-Сұлтан мен Алматы қалаларына кіріп-шығу шектеледі. Наурыз айының 22-сі сағат 00:00-ден бастап, аталған екі қаламен әуе, теміржол, автобус арқылы адам тасымалы тоқтатылады. 22 наурызға дейін адамдар Нұр-Сұлтан мен Алматы қалаларына еркін келуіне немесе кетуіне болады.

Екіншіден, үкімет басшысының орынбасары өндіріс тауарларын сататын және ойын-сауық орталықтары, мәдениет, тамақтану және қызмет көрсету орталықтары уақытша жабылды. Азық-түлік дүкендері мен дәріханалар бұрынғы тәртіппен жұмыс істеп жатыр.

Үшіншіден, Қазақстан Президентінің шешімімен мемлекеттік қызметшілердің 70 пайызы қашықтан қызмет ету тәртібіне өтті. Нұр-Сұлтан мен Алматы қалаларында меншік түріне қарамастан барлық мекеме қашықтан жұмыс істеу тәртібіне өтеді", - деді ол.

Ералы Тоғжановтың айтуынша, Үкімет тарапынан азық-түлік пен халыққа қажетті тауарлармен қамтамасыз ету жолдары толығымен қарастырылған. Бұл жұмыстарға бүгін де 32 млрлд теңгеден астам ақша бөлу жоспарлануда. Оның шіінде республикалық бюджеттен 14,8 млрд теңге, қалғаны жергілікті бюджеттен аударылады. Қажетті тауарлардың бағасын көтеру фактілері кездескен жағдайда қатаң түрде заңды шаралар қолданылатын болады. 

 

 

 

banner_wsj.gif

drweb_ESS_kursiv.gif