Skip to main content

Тоқаев Назарбаевты заманауи Қазақстанның негізін қалашы ұлы тұлға деп атады

Президент ел тұрғындарын Жаңа жылмен құттықтады

Қазақстан президенті Қасым-Жомарт Тоқаев өзінің жаңа жылдық құттықтауында оның ойынша 2019 жылдың негізгі жетістіктер болған оқиғаларды атап өтті.

Олардың арасында елімізде өткен президент сайлауы, еңбекақыны, зейнетақы мен жәрдемақыны, сондай-ақ студенттердің шәкіртақысын өсіру және 500-ден астам мұқтаж қазақстандықтардың борышкерлік жүктемесін азайту бар.

«Тұңғыш Президент, мемлекетіміздің негізін қалаған ұлы тұлға, Елбасы Нұрсұлтан Әбішұлы Назарбаевтың стратегиялық жолы сақталды.
Халқымыз Президент сайлауында маған зор сенім артты. Осы орайда, қолдау көрсеткен азаматтарға және бүкіл халыққа шынайы ризашылығымды білдіремін», - деді президент. 

Сонымен қатар, мемлекет басшысы елімізде азаматтық қоғам институтарын дамытуға бағытталған  «халық үніне құлақ асатын мемлекет» концепциясы жүзеге асырылып жатқанын атап өтті. 

«Халық пен билік арасындағы диалогты күшейту үшін маңызды реформаларды ұсындық.
Бұл бастамалар ынтымағымызды арттыруға бағытталған.
Татулық – ата-бабалар өсиет еткен қасиетті ұғым.
Сондықтан, татулық пен бірлікті көздің қарашығындай сақтауымыз керек.
Біз білімі озық, ойы ұшқыр жастарға жағдай жасап, жол ашамыз.
Осыған орай, «Президенттік кадр резерві» жасақталды», - деп атап өтті Тоқаев.

Мемлекет басшысы 2020 жылы мемлекеттік деңгейде Конституциямыздың 25 жылдығы, 
Абайдың, Әл-Фарабидің мерейтойларын,  Алтын Орданың 750 жылдығын атап өтетінімізді еске салды.

«Біз 2020 жылды Еріктілер жылы деп жарияладық. Бұл игі істердің бастауы болады. Мұндай шаралар қоғамдағы тұрақтылық пен татулықты нығайту үшін керек.
Келесі жылы халқымыз жағымды жаңалық пен қуанышты сәттерге кенеле берсін!
Жаңа жыл әрбір азаматқа, әрбір отбасыға бақ-береке әкелсін!
Отанымыз – Қазақстан өркендей берсін!
Еліміз аман, жұртымыз тыныш болсын!», деді құттықтауын түйіндеген президент.
 

banner_wsj.gif

"Қазақстанда коронавирустан қайтыс болғандар жоқ"- Е.Тоғжанов

Қазір ел бойынша осы вирусты жұқтырған 49 науқас тіркелген

Фото:primeminister.kz

ҚР Премьер-Министрінің орынбасары Ералы Тоғжанов COVID-19-дың Қазақстан аумағында таралуына жол бермеу шаралары туралы өткен брифинг барысында елімізде бұл індеттен көз жұмғандар жоқ деп мәлімдеп, жалған ақпаратқа сенбеуге шақырды. 

"Қазір ел ішінде коронавирустан қайтыс болғандар жайлы түрлі жалған ақпарат таралып жатыр. Республика бойынша одан көз жұмғандар жоқ",- деді ол. 

Осы ретте  жалпы 49 науқас тіркелгенін, оның ішінде  Алматы қаласында – 22 адам, Нұр-Сұлтан қаласы бойынша 25 адам, Қарағанды қаласында -  2 адам  анықталғанын айтып өтті. 

Денсаулық сақтау министрлігі де елімізде  корнавирустан қайтыс болғандар жайлы ақпаратты жоққа шығарды.Бұған дейін бірқатар халықаралық ресурстарда елімізде коронавирустан қайтыс болғандар жайлы ақпарат жарияланған еді.

Сонымен қатар Ералы Тоғжанов елімізде коронавирустың таралуына жол бермеу мақсатында атқарылып жатқан шаралар жайлы айтып өтті.

"Біріншіден, Нұр-Сұлтан мен Алматы қалаларына кіріп-шығу шектеледі. Наурыз айының 22-сі сағат 00:00-ден бастап, аталған екі қаламен әуе, теміржол, автобус арқылы адам тасымалы тоқтатылады. 22 наурызға дейін адамдар Нұр-Сұлтан мен Алматы қалаларына еркін келуіне немесе кетуіне болады.

Екіншіден, үкімет басшысының орынбасары өндіріс тауарларын сататын және ойын-сауық орталықтары, мәдениет, тамақтану және қызмет көрсету орталықтары уақытша жабылды. Азық-түлік дүкендері мен дәріханалар бұрынғы тәртіппен жұмыс істеп жатыр.

Үшіншіден, Қазақстан Президентінің шешімімен мемлекеттік қызметшілердің 70 пайызы қашықтан қызмет ету тәртібіне өтті. Нұр-Сұлтан мен Алматы қалаларында меншік түріне қарамастан барлық мекеме қашықтан жұмыс істеу тәртібіне өтеді", - деді ол.

Ералы Тоғжановтың айтуынша, Үкімет тарапынан азық-түлік пен халыққа қажетті тауарлармен қамтамасыз ету жолдары толығымен қарастырылған. Бұл жұмыстарға бүгін де 32 млрлд теңгеден астам ақша бөлу жоспарлануда. Оның шіінде республикалық бюджеттен 14,8 млрд теңге, қалғаны жергілікті бюджеттен аударылады. Қажетті тауарлардың бағасын көтеру фактілері кездескен жағдайда қатаң түрде заңды шаралар қолданылатын болады. 

 

 

 

banner_wsj.gif

drweb_ESS_kursiv.gif