Тегеран АҚШ-тың сес көрсетуіне жауап берді

Жарияланды
Иран 52 нысанға соққы беруге Американың батылы жетпейді деп есептейді

Америка президенті Дональд Трамп айтқан Ирандағы 52 нысанға соққы беруге АҚШ-тың батылы жетпейді, деп мәлімдеді Иран қарулы күштерінің қолбасшысы Абдулрахим Мусави, деп жазады РИА Новости.

«Болашақта болуы мүмкін қақтығыс барысында олардың 52 нысанға соққы беруге батылы жететініне күмәнім бар», – деп жазады оның сөзін келтірген IRIB телерадиокорпорациясы.

Бұдан бұрын Трамп, американдықтарға шабуыл жасалған жағдайда, Ирандағы 52 нысанға «тез әрі күшті» соққы беруді уәде еткен-ді. 

3-қаңтарға қараған түні АҚШ Бағдад халықаралық әуежай аймағында Иран армиясының  элиталық бөлімшесі – «Кудс» арнайы жасағының қолбасшысы генерал Касем Сүлеймани мен Ирактағы шиит жасағы басшысының орынбасары Абу Махди әл-Мухандисаға қарсы операцияны жүзеге асырған болатын. Вашингтон 2019 жылғы 31-желтоқсанда Бағдадтағы американдық елшілікке жасалған шабуылды ұйымдастыруға олардың қатысы бар деп санайды. Шабуыл барысында Сүлеймани және тағы 9 адам оққа ұшқан болатын. 

Сондай-ақ оқыңыз