Skip to main content

Қазақстандағы кезектен тыс сайлау наурыздың соңында немесе сәуірдің басында өтеді

Аталмыш ақпаратты kursiv.kz-ке бірден екі тәуелсіз дереккөздері растап берді

Фото:shutterstock

Мәжілістің (Қазақстан парламентінің төменгі палатасы) кезектен тыс сайлауы наурыздың соңында немесе сәуірдің басында өтуі мүмкін. Шамасы, алдағы апталарда не күндерде бұл туралы ресми жарияланады.Бұл туралы kursiv.kz тілшісіне бір-бірінен тәуелсіз дереккөздер айтып берді.

Олардың біреуінің айтуынша, қалай болғанда да өңірлік сайлау комиссияларында кезектен тыс сайлауға дайындық басталған. 

«Шамасы, дауыс беру наурыздың соңғы жексенбілерінің бірінде немесе сәуірдің алғашқы апталарында өтеді. Барлығы қазіргі парламенттің қашан таратылатынын жариялауға байланысты», – деп атап өтті дерекөздердің бірі Kursiv.kz-ке айтқан сөзінде. 

Әзірге дайындалып жатқан кезектен тыс парламент сайлауы туралы ресми ақпарат болған жоқ.      

Естеріңіззге салсақ, сайлаудың биылғы наурызда өтетіні туралы ақпарат Ресейдің тәулік бойы ақпарат тарататын «Россия-24» арнасының эфирінде айтылған болатын

Мәжілістің қазіргі құрамы 2016 жылғы 20-наурыздағы дауыс берудің барысында сайланған болатын. Оның алдындағы 2011 жылғы сайлау сияқты ол да Қазақстанның тұңғыш президенті Нұрсұлтан Назарбаев «Парламентті тарату туралы» Жарлыққа қол қойғаннан кейін белгіленген болатын. Парламентарийлер аталмыш жарлыққа сәйкес өз өкіленттіктерін тоқтатты. 

Сайлау туралы заңға сәйкес, дауыс беруге дайындыққа алдағы сайлау туралы ресми жарияланған сәттен кейін екі ай беріледі. 

Парламентің төменгі палатасының қазіргі құрамында 107 депутат бар. Nur Otan партиясының еншісінде 84 мандат болса, тағы жеті орыннан «Ақжол» және ҚКХП партияларының үлесіне тиген. Қалған тоғыз орын - Қазақстан халқы Ассамблеясы өкілдеріне берілген квота.

banner_wsj.gif

"Қазақстанда коронавирустан қайтыс болғандар жоқ"- Е.Тоғжанов

Қазір ел бойынша осы вирусты жұқтырған 49 науқас тіркелген

Фото:primeminister.kz

ҚР Премьер-Министрінің орынбасары Ералы Тоғжанов COVID-19-дың Қазақстан аумағында таралуына жол бермеу шаралары туралы өткен брифинг барысында елімізде бұл індеттен көз жұмғандар жоқ деп мәлімдеп, жалған ақпаратқа сенбеуге шақырды. 

"Қазір ел ішінде коронавирустан қайтыс болғандар жайлы түрлі жалған ақпарат таралып жатыр. Республика бойынша одан көз жұмғандар жоқ",- деді ол. 

Осы ретте  жалпы 49 науқас тіркелгенін, оның ішінде  Алматы қаласында – 22 адам, Нұр-Сұлтан қаласы бойынша 25 адам, Қарағанды қаласында -  2 адам  анықталғанын айтып өтті. 

Денсаулық сақтау министрлігі де елімізде  корнавирустан қайтыс болғандар жайлы ақпаратты жоққа шығарды.Бұған дейін бірқатар халықаралық ресурстарда елімізде коронавирустан қайтыс болғандар жайлы ақпарат жарияланған еді.

Сонымен қатар Ералы Тоғжанов елімізде коронавирустың таралуына жол бермеу мақсатында атқарылып жатқан шаралар жайлы айтып өтті.

"Біріншіден, Нұр-Сұлтан мен Алматы қалаларына кіріп-шығу шектеледі. Наурыз айының 22-сі сағат 00:00-ден бастап, аталған екі қаламен әуе, теміржол, автобус арқылы адам тасымалы тоқтатылады. 22 наурызға дейін адамдар Нұр-Сұлтан мен Алматы қалаларына еркін келуіне немесе кетуіне болады.

Екіншіден, үкімет басшысының орынбасары өндіріс тауарларын сататын және ойын-сауық орталықтары, мәдениет, тамақтану және қызмет көрсету орталықтары уақытша жабылды. Азық-түлік дүкендері мен дәріханалар бұрынғы тәртіппен жұмыс істеп жатыр.

Үшіншіден, Қазақстан Президентінің шешімімен мемлекеттік қызметшілердің 70 пайызы қашықтан қызмет ету тәртібіне өтті. Нұр-Сұлтан мен Алматы қалаларында меншік түріне қарамастан барлық мекеме қашықтан жұмыс істеу тәртібіне өтеді", - деді ол.

Ералы Тоғжановтың айтуынша, Үкімет тарапынан азық-түлік пен халыққа қажетті тауарлармен қамтамасыз ету жолдары толығымен қарастырылған. Бұл жұмыстарға бүгін де 32 млрлд теңгеден астам ақша бөлу жоспарлануда. Оның шіінде республикалық бюджеттен 14,8 млрд теңге, қалғаны жергілікті бюджеттен аударылады. Қажетті тауарлардың бағасын көтеру фактілері кездескен жағдайда қатаң түрде заңды шаралар қолданылатын болады. 

 

 

 

banner_wsj.gif

drweb_ESS_kursiv.gif