Skip to main content

Жанжалдан кейін қызметінен кеткен генерал Маңғыстау әкімінің кеңесшісі болды

Сегіз ай өткен соң, ол мемлекеттік қызметке қайта оралды

Фото:nehabar.com

Аян Дуйсембаев Маңғыстауоблысының әкімі Серікбай Тұрымовтың кеңесшісі болып тағайындалды. Бұл турасында өңір әкімдігінің ресми сайты хабарлайды 

Дүйсембаев мырза еңбек жолын 1991 жылы Атырау облысында Балалар мен жасөспірімдер спорт мектебінің жаттықтырушысы қызметінен бастаған. 1993-1995 жылдары Қазақ дене шынықтыру және спорт институтында мұғалім болды. Одан кейін, кәсіпкерлікпен айналысты.

1999-2019 жылдар аралығында Ішкі істер органдарында қызмет етті: Алматы, Астана, Атырау қалаларының Жедел басқармалар бастығы, Қазақстан Республикасының Ішкі істер министрлігінде департамент бастығы, кейін Атырау облысы Полиция департаментінің бастығы болды. 

Ағымдағы жылғы мамырдың басында әлеуметтік желілерде Атырау облысының бас полицейі Аян Дүйсенбаевтың өзіне тарту еткен атқа мініп, айналысындағылардың құрмет-қошметімен жүріп өткен бейне жазбасы тараған болатын. Содан кейін ҚР президенті Қасым-Жомарт Тоқаев ішкі істер министрі Ерлан Тұрғымбаевқа бейне жазбадағы кейіпкерге, оның «ерсі қылығына» қатысты қызметтік тексеріс жүргізуді тапсырған болатын. Тексеріс нәтижелері бойынша ішкі істер министрі Дүйсембаевты қызметтен босату утралы ұсыным енгізген болатын.

Мамырдың соңында ішкі істер министрінің орынбасары Алексей Калайчиди Дүйсембаевты қызметтен босатуға қызметтік көлікті мақсатсыз пайдалану, қызметтің күшейтілген тәртібіне көшірілген кезде жұмыс орнын тастап кету, басқа басшылардың назарын қызметтен басқа жаққа аударудың негіз болғаны туралы мәлімдеген болатын-ды.

«Комиссия мен өзәім басқардым. 17-мамырда біз тәртіп комиссиясының отырысын өткіздік, оның қорытындысы бойынша министрге Атырау облысы Полиция департаментінің басшысы лауазымынан босатылуға лайық деген ұсыным енгіздік. Тексеріс барысында 11-мамырда, қызметтің күшейтілген тәртібі кезінде, оның Атыраудан 300 километр жердегі өзінің туған ауылына кеткені анықталды. Ол аз болса, өзі жетекшілік ететін бөлімшедегі бірнеше басшылар үшін екінші қызметтік автомашинаны алып кеткен. Дүйсембаев ол жақта мерекелік шара ұйымдастырылып жатқанын алдын ала білген. Ал ол жақта, өздеріңіз көргендей, оған ат мінгізіп, шапан жапқан. Атты ол кейін қайтарып берді. Оның өзі айтқандай, бұл жәй ғана ниет білдіру ишарасы болғани екен», – деген-ді сол кезде Калайчиди мырза.


 

banner_wsj.gif

"Қазақстанда коронавирустан қайтыс болғандар жоқ"- Е.Тоғжанов

Қазір ел бойынша осы вирусты жұқтырған 49 науқас тіркелген

Фото:primeminister.kz

ҚР Премьер-Министрінің орынбасары Ералы Тоғжанов COVID-19-дың Қазақстан аумағында таралуына жол бермеу шаралары туралы өткен брифинг барысында елімізде бұл індеттен көз жұмғандар жоқ деп мәлімдеп, жалған ақпаратқа сенбеуге шақырды. 

"Қазір ел ішінде коронавирустан қайтыс болғандар жайлы түрлі жалған ақпарат таралып жатыр. Республика бойынша одан көз жұмғандар жоқ",- деді ол. 

Осы ретте  жалпы 49 науқас тіркелгенін, оның ішінде  Алматы қаласында – 22 адам, Нұр-Сұлтан қаласы бойынша 25 адам, Қарағанды қаласында -  2 адам  анықталғанын айтып өтті. 

Денсаулық сақтау министрлігі де елімізде  корнавирустан қайтыс болғандар жайлы ақпаратты жоққа шығарды.Бұған дейін бірқатар халықаралық ресурстарда елімізде коронавирустан қайтыс болғандар жайлы ақпарат жарияланған еді.

Сонымен қатар Ералы Тоғжанов елімізде коронавирустың таралуына жол бермеу мақсатында атқарылып жатқан шаралар жайлы айтып өтті.

"Біріншіден, Нұр-Сұлтан мен Алматы қалаларына кіріп-шығу шектеледі. Наурыз айының 22-сі сағат 00:00-ден бастап, аталған екі қаламен әуе, теміржол, автобус арқылы адам тасымалы тоқтатылады. 22 наурызға дейін адамдар Нұр-Сұлтан мен Алматы қалаларына еркін келуіне немесе кетуіне болады.

Екіншіден, үкімет басшысының орынбасары өндіріс тауарларын сататын және ойын-сауық орталықтары, мәдениет, тамақтану және қызмет көрсету орталықтары уақытша жабылды. Азық-түлік дүкендері мен дәріханалар бұрынғы тәртіппен жұмыс істеп жатыр.

Үшіншіден, Қазақстан Президентінің шешімімен мемлекеттік қызметшілердің 70 пайызы қашықтан қызмет ету тәртібіне өтті. Нұр-Сұлтан мен Алматы қалаларында меншік түріне қарамастан барлық мекеме қашықтан жұмыс істеу тәртібіне өтеді", - деді ол.

Ералы Тоғжановтың айтуынша, Үкімет тарапынан азық-түлік пен халыққа қажетті тауарлармен қамтамасыз ету жолдары толығымен қарастырылған. Бұл жұмыстарға бүгін де 32 млрлд теңгеден астам ақша бөлу жоспарлануда. Оның шіінде республикалық бюджеттен 14,8 млрд теңге, қалғаны жергілікті бюджеттен аударылады. Қажетті тауарлардың бағасын көтеру фактілері кездескен жағдайда қатаң түрде заңды шаралар қолданылатын болады. 

 

 

 

banner_wsj.gif

drweb_ESS_kursiv.gif