Skip to main content

Тоқаев Назарбаевтың құзыретін кеңейтті

Мемлекет басшысы кейбір тағайындауларды Қауіпсіздік кеңесінің төрағасымен келісетін болды

Фото: Аскар Ахметуллин

Қазақстан Президенті Қасым-Жомарт Тоқаев Қауіпсіздік кеңсінің төрағасы Нұрсұлтан Назарбаевтың  кадр саясатындағы құзыретін кеңейтетін жарлыққа қол қойды. Бұл туралы Қазақстанның құқықтық нормативтік актілері сайтында айтылған.

Құжатта мемлект басшысы министрлерді тағайындау кезінде, ҚР Сыртқы істер министрлігінің, Ішкі істер минитрлігі мен Қорғаныс министрлігінің басшыларынан басқасын, Қауіпсіздік кеңесінің төрағасыме келіседі делінген. Сондай-ақ облыс, республикалық деңгейлегі қала әкімдерін және ел астанасының басшысын тағайындауды да Нұрсұлтан Назарбаевпен келісу қажет болады.   

Президентке тікелей бағынатын және оған есеп беретін мемлекеттік органдардың басшыларын да Қауіпсіздік кеңесінің басшысымен келісіледі. Мұндай органдарға Президент әкімшілігі, Бас прокуратура, Ұлттық қауіпсіздік комитеті, Мемлекеттік қызмет жөніндегі агенттік, Сыбайлас жемқорлыққа қарсы күрес жөніндегі агенттік, Ұлттық банк, Республикалық ұлан, Сыртқы барлау қызметі, Президент күзеті қызметі, Республикалық бюджетті орындауды бақылау жөніндегі есеп комитеті, Президент істерінің басқармасы.

Жарлыққа сәйкес, Қауіпсіздік кеңесінің хатшысын тағайындау Қауіпсіздік кеңесінің төрағасы Назарбаевпен келісілу керек. Бұрын оны президент өз әкімшілігі жетекшісінің ұсынымы бойынша тағайындайтын.
 

banner_wsj.gif

"Қазақстанда коронавирустан қайтыс болғандар жоқ"- Е.Тоғжанов

Қазір ел бойынша осы вирусты жұқтырған 49 науқас тіркелген

Фото:primeminister.kz

ҚР Премьер-Министрінің орынбасары Ералы Тоғжанов COVID-19-дың Қазақстан аумағында таралуына жол бермеу шаралары туралы өткен брифинг барысында елімізде бұл індеттен көз жұмғандар жоқ деп мәлімдеп, жалған ақпаратқа сенбеуге шақырды. 

"Қазір ел ішінде коронавирустан қайтыс болғандар жайлы түрлі жалған ақпарат таралып жатыр. Республика бойынша одан көз жұмғандар жоқ",- деді ол. 

Осы ретте  жалпы 49 науқас тіркелгенін, оның ішінде  Алматы қаласында – 22 адам, Нұр-Сұлтан қаласы бойынша 25 адам, Қарағанды қаласында -  2 адам  анықталғанын айтып өтті. 

Денсаулық сақтау министрлігі де елімізде  корнавирустан қайтыс болғандар жайлы ақпаратты жоққа шығарды.Бұған дейін бірқатар халықаралық ресурстарда елімізде коронавирустан қайтыс болғандар жайлы ақпарат жарияланған еді.

Сонымен қатар Ералы Тоғжанов елімізде коронавирустың таралуына жол бермеу мақсатында атқарылып жатқан шаралар жайлы айтып өтті.

"Біріншіден, Нұр-Сұлтан мен Алматы қалаларына кіріп-шығу шектеледі. Наурыз айының 22-сі сағат 00:00-ден бастап, аталған екі қаламен әуе, теміржол, автобус арқылы адам тасымалы тоқтатылады. 22 наурызға дейін адамдар Нұр-Сұлтан мен Алматы қалаларына еркін келуіне немесе кетуіне болады.

Екіншіден, үкімет басшысының орынбасары өндіріс тауарларын сататын және ойын-сауық орталықтары, мәдениет, тамақтану және қызмет көрсету орталықтары уақытша жабылды. Азық-түлік дүкендері мен дәріханалар бұрынғы тәртіппен жұмыс істеп жатыр.

Үшіншіден, Қазақстан Президентінің шешімімен мемлекеттік қызметшілердің 70 пайызы қашықтан қызмет ету тәртібіне өтті. Нұр-Сұлтан мен Алматы қалаларында меншік түріне қарамастан барлық мекеме қашықтан жұмыс істеу тәртібіне өтеді", - деді ол.

Ералы Тоғжановтың айтуынша, Үкімет тарапынан азық-түлік пен халыққа қажетті тауарлармен қамтамасыз ету жолдары толығымен қарастырылған. Бұл жұмыстарға бүгін де 32 млрлд теңгеден астам ақша бөлу жоспарлануда. Оның шіінде республикалық бюджеттен 14,8 млрд теңге, қалғаны жергілікті бюджеттен аударылады. Қажетті тауарлардың бағасын көтеру фактілері кездескен жағдайда қатаң түрде заңды шаралар қолданылатын болады. 

 

 

 

banner_wsj.gif

drweb_ESS_kursiv.gif