1 view

Қазақстанның Ресейдегі елшісі тағайындалды

Бұл лауазым Ермек Көшербаевқа бұйырды

Фото: Shutterstock

Қазақстан президенті Қасым-Жомарт Тоқаев Ермек Көшербаевты Қазақстанның Ресейдегі елшісі лауазымына тағайындады. Бұл турасында мемлект басшысының баспасөз қызметі хабарлайды.

«Көшербаев Ермек Беделбайұлы Қазақстан Республикасының Ресей Федерациясындағы Төтенше және Өкілетті Елшісі болып тағайындалсын», - делінген президент жарлығында.

Сонымен қатар, Ермек Көшербаев Қазақстан Республикасы Сыртқы істер министрінің орынбасары лауазымынан босатылды.

Бұдан бөлек, Қасым-Жомарт Тоқаев Қазақстан Республикасының Швейцария Конфедерациясындағы Төтенше және Өкілетті Елшісі Әлібек Әсетұлы Бақаевты Қазақстан Республикасының Лихтенштейн Князьдігіндегі, Ватикан Мемлекетіндегі, Қасиетті Иерусалим Иоанны, Родос және Мальтаның Егеменді Әскери Госпитальерлері Орденінің жанындағы Төтенше және Өкілетті Елшісі қызметін қоса атқарушы қызметіне тағайындады.

Естеріңізге салсақ, Иманғали Тасмағамбетов зейнет жасына жетуіне байланысты, Қазақстан Республикасының Ресей Федерациясындағы елшісі лауазымын босатқан болатын. Өткен жылғы 9-желтоқсанда ол 63 жасқа толды. Қазақстан Республикасының РФ-дағы уақытша сенімді өкілі міндеттерін кеңесші-уәкіл Нұржан Қажыақбаров атқарған болатын.
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

kursiv_in_telegram.JPG


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер