1 view

«МузАрт» тобының директоры басқарма басшысы болды

Ол мәдениет, архивтер және құжаттама басқармасына қызметке келді

Фото: Е.Жылқыбаевтың фейсбук парақшасынан

Бұл жөнінде Жамбыл облысы әкімінің орынбасары Ержан Жылқыбаев Facebook әлеуметтік желісі арқылы хабарлады. 

«Жамбыл облысы әкімдігінің мәдениет, архивтер және құжаттама басқармасына басшы болып Ерлан Жүнісбай тағайындалды», - деп жазды аймақ басшысының орынбасары. 

Ерлан Нұрманұлы 1976 жылы туған. 1998 жылы Т.Жүргенов атындағы Қазақ ұлттық өнер академиясын «Драма және кино актеры» мамандығы, 2018 жылы Л.Н.Гумилев атындағы Еуразия ұлттық университетін «Гуманитарлық ғылымдар магистрі» дәрежесі бойынша тәмамдаған. 

Еңбек жолын 2001 жылы «МузАрт» тобының директоры болып бастаған. 2003-2007 жылдары «Қазақ әуендері» АҚ «Қазақконцерт» концерттік бірлестігінің менеджері, 2009-2016 жылдары осы мекеменеің бас менеджері, 2017-2020 жылдары «GG CINEMA» ЖШС директоры болып еңбек етті. Сонымен қатар, осы уақытқа дейін әйгілі «МузАрт» тобының директоры қызметін қатар атқарып келді. 

Өнер саласындағы жетістіктері үшін «Қазақстан Республикасы Тәуелсіздігіне 25 жыл» мерекелік медалімен және «Мәдениет саласының үздігі» төсбелгісімен марапатталған.
Еске сала кетейік, бұған дейін «МузАрт» тобының мүшесі Мейрамбек Беспаев Алматы қаласы әкімінің кеңесшісі болып тағайындалған еді. Сол сияқты топ әншісі Сәкен Майғазиев Түркістан қалалық мәдениет сарайын басқаратын болды. Трионың үшінші өкілі Кенжебек Жанәбілов жеке бизнес ашып, шоколадты кәмпиттер өндірісін қолға алды. 
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook және Telegram


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер