Назарбаев Байденді Президент лауазымына сайлануымен құттықтады
Жарияланды
Елбасы құттықтау жеделхатын жолдады
Нұрсұлтан Назарбаев Джозеф Байденді Америка Құрама Штаттарының Президенті лауазымына сайлануымен құттықтады. Бұл туралы elbasy.kz сайты хабарлады.
Қазақстанның Тұңғыш Президенті 2010 жылы Вашингтонда Ядролық қауіпсіздік жөніндегі саммит аясында өткен кездесуді, сондай-ақ олардың арасындағы телефон арқылы болған келіссөздерді жылы сезіммен еске алатынын атап өтті.
Елбасы Қазақстан мен АҚШ арасындағы кеңейтілген стратегиялық серіктестік әрі қарай да екі елдің игілігі жолында нығая беретініне сенім білдірді.
Соңында Нұрсұлтан Назарбаев Джозеф Байденге мемлекеттік қызметте табыс тіледі.
