Үздік педагогтарға 2,6 млн теңге сыйақы беріледі

Павлодар облысының жаңа әкімі Әбілқайыр Сқақов аймақтағы үздік педагогтарға арнайы сыйақы тағайындады

Фото: автора

Осы жылдың қаңтар айында ғана тағайындалған Павлодар облысының басшысы Әбілқайыр Сқақов тұрғындар алдында есептік кездесу өткізіп, өңір жұртшылығының әл-ауқатын арттыруға бағытталған бірқатар ұсыныстарын ортаға салды.

 Бұл ретте, көпшілік ұстаздар қауымын ынталандыруға бағытталған бастаманы бірден қолдады. Жалпы, Павлодарлық оқушылар мен ұстаздар республикалық, халықаралық білім додаларында үнемі үздіктер сапынан көрініп келеді. Мәселен, соңғы 20 жыл бойы республикалық олимпиадаларда өңірдгі ұстаздар мен олардың шәкірттері «Ең үздік олимпиадалық команда» деген аталымды ешкімге бермей келеді.

Аймақ басшысы осы жетістіктерді еселей түсу үшін педагогтарды ынталандыру қажет деп пайымдайды. 

«Биыл өңірімізде бірінші рет «Павлодар облысының білім беру саласына сіңірген еңбегі үшін» белгісі беріледі. Педагогтарды ынталандыру үшін осындай шешім қабылдадым. Аталмыш белгіге ие болған ұстаздарға 1000 айлық есептік көрсеткіш көлемінде, яғни 2 млн 651 мың теңге сомасындағы  сыйақы қоса табысталады», - деді Әбілқайыр Сқақов. 

Бүгінгі күні мемлекеттік қазынада аталмыш бағытқа қаржы да қарастырылып қойыпты. Облыс әкімінің мұндай ұсынысынан соң, тұрғындар тарапынан бірден қызығушылық пен сан сауал туындады. Көпшілікті аталмыш атаққа лайықтыларды қалай іріктейтіні қызықтырды.

Әбілқайыр Сқақовтың айтуынша, сыйлық иегерін анықтауда ұстаздың еңбек өтілі, оқушылардың жетістіктері, білім беруде қолданылатын технологиялары мен әдістемелері назарға алынады. Тағы қандай талаптар қойылатыны педагог қауымымен талқыланады. 

Айта кетсек, бүгінде Павлодар облысының мектептерінде 12 мыңнан астам ұстаз, балабақшаларда 5 мыңға жуық тәрбиеші бар. Өткен жылы «Дипломмен-ауылға!» бағдарламасы бойынша 324 түлек ұстаздық қызметті ауылдағы білім ордаларында бастады.  

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Ертіс ерекше қорғауға алынбақ

Экологтар қоршаған ортаны ластайтын зауыт салмауды ұсынды

Фото: ашық дереккөз

Павлодар облысының қоғамдық бірлестіктерінің бір топ өкілі ҚР Экология, геология және табиғи ресурстар министрі Мағзұм Мырзағалиевпен жүздесіп, өзекті мәселелерді ортаға салды. 

Алдымен, экологтар облыс бойымен өтетін Ертіс өзеніне ерекше мәртебе беріп, оны қорғауға алу қажеттігін алға тартты. «Эком» қоғамдық бірлестігінің төрайымы Светлана Могилюктың айтуынша, бүгінде жасыл белдеу саналатын өзен мақсатсыз пайдалануда.  

Екінші мәселе – қоршаған ортаға қалдық шығаратын зауыттардың құрылысына тыйым салу. 

«Біз зиянды қалдықтар шығаратын жаңа кәсіпорындардың салынбауы үшін шаралар қолдануды сұраймыз. Көп жағдайда аймақтағы өндіріс орындарында ескірген технологиялар қолданылады. Олар да қоршаған ортаға залалын тигізбей қоймайды. Осы уақытқа дейін салынған зауыттардың өзі жетер. Экономикалық тиімділіктен бұрын экологиялық ахуалды ойлайтын кез жеткен сыңайлы», - деді Светлана Могилюк. 

Өз кезегінде Мағзұм Мырзағалиев қоғам белсенділері көтерген әр мәселе назарға алынатынына әрі тиісті шаралардың қолға алынатынына сендірді. 

«Павлодар облысы негізгі ластаушылардың бірі екені жасырын емес. Елімізде ауаға шығарылатын қалдықтардың 30 пайызы дәл осы өңірге тиесілі. Сондықтан экологтар көтеріп отырған мәселелер орынды. Біріншіден, зауыт басшылықтарымен қалдықтардың көлемін азайтатын жаңа технологияларды енгізу бойынша жұмыс істеу керек. Екіншіден, жасыл желекті айтарлықтай көбейту қажет. Үшіншіден, Ертіс өзеніне ерекше мәртебе беру бастамасын қолдаймыз және осы бағытта жұмыс істейміз», - деп түйіндеді министр. 
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg