Шымкенттегі әскери бөлімнен қашқан сарбаз қаруды қалай ұрлаған?

Істің мән-жайы анықталды

Фото:polisia.kz

Келісім-шарт негізінде жұмыс істеген сарбаз Абылай Балғынбай қару-жарақты бөлімнен қаңтардан бері  тасып жүрген. Бұл туралы үкімет кулуарында ІІМ тергеу комитетінің төрағасы Санжар Әділов мәлімдеді. 

«Қаруды қаңтардың соңынан ақпанның ортасына дейін қару-жарақ қоймасынан біртіндеп таси берген. Ал автоматтарды ұрлау үшін өзінің таныстарын жұмылдырған. Қару-жарақтың басым бөлігі 19-нан 20-на қараған түні ұрланған», – деді тергеу комитетінің басшысы. 

Әскери бөлімнен қашқан сарбаз 2 пистолетті 120 мың теңгеге сатып үлгерген. Олар бірден табылып, қайтарылған. Қалған қару-жарақ қашқынның достарының үйінде сақталыпты. 

Әділовтың айтуынша, үш лауазымды тұлға, яғни дивизия командирі, жедел кезекші және келісімшарт бойынша істейтін қатардағы қызметкерге қатысты қылмыстық іс қозғалған.  Оларға әскери қызмет ережесін бұзып, қызметіне салғырт қарады деген айып тағылған. 

Ақпанның 19-нан 20-на қараған түні Шымкент маңындағы әскери бөлімде келісім-шарт бойынша қызмет ететін сержант Абылай Балғымбай өзінің екі досымен бірге 29 автомат, 28 тапанша мен екі сүңгі пышақты қолды еткен. Ұлттық қауіпсіздік комитеті және Ішкі істер министрлігі қызметкерлерінің бірлескен жедел-тергеу тобы күдіктілерді ұстады, қару тәркіленген.

Қазіргі кезде Қорғаныс министрлігі осы әскери бөлімдегі қару-жарақты қайта түгендеп жатыр. 
 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg