Skip to main content

Павлодар облысының экс-әкіміне қатысты үкім өзгерді

Болат Бақауов үй қамақта отыратын болды

Фото: pavlodar.gov.kz

Қызметін асыра пайдаланды деген айып тағылған Болат Бақауов қатысты бұлтартпау шарасы үй қамаққа ауыстырылды деп хабарлайды Павлодар облыстық сотының баспасөз қызметі. 

«Павлодар қалалық мамандандырылған тергеу соты 2020 жылдың 18 ақпанында ҚР ҰҚК Тергеу-жедел тобының басшысы – ТД бас тергеушісінің өтінішін қанағаттандырды», – делінген хабарламада.


Онда тергеуші қамауда ұстау түріндегі бұлтартпау шарасын үй қамаққа өзгертуді ұсыныпты. 

Аталмыш өтініш ҚР Бас прокуратура Қылмыстық қудалау қызметінің бастығымен келісілген. 

Павлодар облысының экс-әкімі Болат Бақауовқа қатысты Қылмыстық кодекстің 362-бабы 4-бөлімі 3-тармағы (лауазымдық қызметін асыра пайдалану) бойынша қылмыстық іс қозғалған.

banner_wsj.gif

42500 теңге: миллионнан аса өтініш келіп түскен

Олардың арасында 500 мыңнан аса айлық алатындар да болған

Фото:кursiv.kz

Қазіргі кезде 938 мың адам 42500 теңге төлем алуға 1,2 млн өтініш берген. ҚР Еңбек және әлеуметтік қорғау министрі Біржан Нұрымбетов ОКҚ өткен брифингте әлеуметтік төлем жайын тағы да түсіндірді. 

«Біріншіден 42500 теңге – емлекеттік әлеуметтік сақтандыру қорынан төленетін әлеуметтік төлем. Ол жұмыс істеп, ресми, бейресми тіршілік жасап жүрген азаматтарға, бірақ төтенше жағдайға қатысты табысынан айырылған адамдарға қарастырылған», – деді министр. 

Нұрымбетов жүйе әр адамды автоматты түрде тексеретінін айтып өтті. Қазір кезде  egov.kz және 42500.enbek.kz сайттары тұрақты жұмыс істеп тұр, арнайы телеграм- бот іске қосылады. 

"Telegram-бот бүгін іске қосылды. Ол дайын. Бірақ оны кішкене кешіктірдік. Өкінішке қарай, кейбір "ақылды кісілер" көптеген фейк, жалған Telegram-боттарды жариялап, кішкене халықты жаңылыстырды", - деп қосып өтті Біржан Нұрымбетов.

Сонымен қатар министрдің айтуынша, бұл төлемге тек жағдайы қиындап кеткен кісілер ғана емес, 500 мыңдап айлық алып жүргендер де өтініш берген. 

"Алғашқы 4 мыңнан аса өтініш келіп түскен кезде, олардың 2 мыңға жуығы қаңтар, ақпан айларында 50 мыңнан аса айлық алып жүргенін анықтадық. Алайда 16 наурыздан кейін ақшасы қалмай қалыпты да, өтініш берген. Бұл енді дұрыс емес. Сондықтан сіздерден кешірім сұраймыз, бірақ сіздерге бұл ақша төленбейді",- деді министр. 

 

banner_wsj.gif

drweb_ESS_kursiv.gif