Қорықшы Ерлан Нұрғалиевті өлтіргендерге қатысты сот үкімі шықты

Айыпталушылардың үшеуі өмір бойына бас бостандығынан айырылды

Фото: Shutterstock.com

Қарағанды облысының қылмыстық істер бойынша мамандандырылған ауданаралық соты қорықшы Ерлан Нұрғалиевті өлтіргендерге қатысты үкім шығарды. 

Ауданаралық сот баспасөз қызметінің хабарлауынша, заңсыз  аң аулау, кісі өлтіру баптары бойынша айып тағылған Серік Ахметов, Қайрат Ақшанов және Нұрлан Шүкілдеков өмір бойына бас бостандығынан айырылды. 

Ал осы іске қатысы бар Берден Базаров, Батырбек Қайырбеков, Жарасхан Мырзабаев және Айдос Әкімов табиғатқа үлкен шығын келтіріп, заңсыз аң аулағандары үшін кінәлі деп танылып, 6 жылға бас бостандығынан айырылды. Сонымен қатар, оларға аңшылықпен айналысуға 5 жылға тиым салынған. 

"Б. Ахметов, К.Ақшанов және Н. Шүкілдековтерден жәбірленуші П.Ницыктің пайдасына 500 000 теңге материалдық залал, 6 000 000 теңге моральдық зиян, ал жәбірленуші Н.Нұрғалиевтің пайдасына (қаза болған Е.Нұрғалиевтің інісі) - 500 000 теңге материалдық залал, 9 000 000 теңге моральдық зиян, жәбірленуші М.Нұргалиевтің пайдасына (қаза тапқан Е.Нұрғалиевтің баласы) - 1 890 000 теңге материалдық залал, 15 000 000 теңге моральдық зиян өндірілді», – делінген хабарламада. 

Сонымен қатар, киікті заңсыз ату салдарынан қоршаған ортаға келтірілген 89 763 750 теңге көлеміндегі залал барлық сотталушылардан мемлекет пайдасына өндіріледі, 

Айта кетейік, 2019 жылдың 19 қаңтар күні Қызылорда облысының тұрғындары заңсыз  ақбөкен аулаған. Қорғалатын аймақта қызметте жүрген «Охотзоопромның» қорықшысы Ерлан Нұрғалиев браконьерлердің қолынан қаза тауып, әріптесі Петр Ныцик ауыр жарақаттанған. 

banner_wsj.gif

Елорданың дәріханаларындағы дәрі бағасын арнайы топ қадағалайды

Дәрі-дәрмек адам басына 2-3 қаптамадан ғана беріледі

Фото:astana.gov.kz

Нұр-Сұлтан қаласы дәріханаларындағы дәрі-дәрмектің қолжетімділігін арнайы құрылған топ қадағалайды. Сонымен қатар дәрілік заттарды тарату адам басына 2-3 қаптамамен шектелген, деп хабарлайды әкімдіктің ресми сайты

Қаланың дәріханаларында пандемияға жағдайында қажетті дәрі-дәрмектердің болуын қадағалайтын мониторингтік топ елорданың бас мемлекеттік санитарлық дәрігерінің шешімімен құрылды. Топты Тауарлар мен қызметтердің сапасы мен қауіпсіздігін бақылау комитетінің департаменті кәсіпкерлік және инвестициялар басқармасы, «Қазақстан Республикасының фармацевтикалық қызметін қолдау және дамыту қауымдастығы» ЗТБ-мен бірлесіп құрды. 

Мамандар қаланың дәріханаларында дәрі-дәрмектердің қол жетімділігіне күнделікті мониторинг жүргізеді. 

Тізімде мынадай препараттар бар: «Тамифлю», «Кардиомагнил», «Аспирин», «Тромбо асс», «Аспирин-Кардио», «Ксарелто 15 мг», «Азитро 500 мг», «Азитрокс 500 мг», «Азитромицин 500 мг», «Азицин 500 мг», «Заха 500 мг», «Зитмак 500 мг», «Зитрокс 500 мг», «Сумамед 500 мг», «Амоксиклаб», «Аугментин», «Амоксиклав», «Клавам», «Флемоклав Солютаб», «Цефиксим», «Цефим», «Супракс солютаб», «Супракс 24», «Токсим-О», «Тамифлю», «Осельтамивир», «Инфлюцеин», «Флувир», «Номидес», «Ингавирин 90 мг», «Эргоферон», «Кагоцел», «Арпефлю», «Парацетамол», «Эффералган», «Панадол», «Нурафен», «Ибупрофен», «Новиган», «Миг 400», «Нимесулид». 

«Дәріхана ұйымдарының басшыларына Денсаулық сақтау министрлігінің бұйрығына сәйкес дәрі-дәрмектердің шекті бөлшек сауда бағаларын қатаң сақтау тапсырылды. Шешім дәріхана ұйымдары үшін міндетті болып табылады. Сонымен қатар бүгінгі күнге дейін әкімдік пен бөлшек сауда желісінің қауымдастықтары арасында дәрі-дәрмек жеткізілімін шектеу мақсатында әр сатып алушыға 2-3 қаптамадан асырмау туралы меморандум жасалды. «Емдеу кезінде препараттың дәл осындай мөлшері қажет, өйткені олардың жарамдылық мерзімі және сақтау шарттары бар», – деп хабарлады департаменттен.

9 шілдеге дейін бірқатар вирусқа қарсы, ыстық түсіретін дәрілер мен антибиотиктер елорда дәріханаларына жеткізіледі деп күтілуде. Сонымен қатар ыстық түсіретін дәрі-дәрмектердің тапшылығында олардың балама нұсқалары бар: «Панадол», «Эффералган», «Ибупрофен», «Ибуфен», «Миг», «Новиган», олар дәріханаларда бар. Коронавирус инфекциясының алдын алу үшін азаматтар санитарлық қауіпсіздік шараларын қатаң сақтау керек: маска, қолғап киіп, қолын сабынмен жуып, әлеуметтік қашықтық сақтау қажет.
 

banner_wsj.gif

#Коронавирус в Казахстане

Читайте нас в TELEGRAM | https://t.me/kursivkz

Читайте свежий номер

kursiv_uz_banner_240x400.jpg