Skip to main content

Қоғам белсенділері митингке әлеуметтік желіде шығуды ұсынды

Ал ақпарат және қоғамдық даму министрінің ойынша, "бұл керемет идея"

Фото: Shutterstock

Алматының қоғам белсенділері Қазақстанда бейбіт митингілерді онлайн режимде өткізуді ұсынды, деп хабарлайды ҚазАқпарат агенттігі.

"Өздеріңіз білесіздер, бізде әлеуметтік желілер үлкен рөл атқарады. Сондықтан, осы заңда (ҚР бейбіт жиналыстарды ұйымдастыру және өткізу тәртібі туралы) әлеуметтік желілер тенденциясының жүзеге асқанын қалаймын. Мұнда онлайн-митингілер, онлайн-сауалнамалар өткізуге болады. Сөйтіп, кез келген адам онлайн-митингілер арқылы өз пікірлерін білдіре алады", - деді Болат Жұматаев.

Өз кезегінде ҚР Ақпарат және қоғамдық даму министрі Дәурен Абаев бұл ұсыныс назарға алынатынын жеткізді.

«Бұл керемет идея. Біз сіздің ұсынысыңызды мұқият зерттейміз. Мұнда шынымен логика бар. Мұны қарастыруға болады. Бірақ ғаламтордағы митингілер, сауалнамалар «Халық үніне құлақ асатын мемлекет» тұжырымдамасы аясында өткізіледі. Егер бәрі онлайн режимінде болса, онда неге болмасқа», - деді Дәурен Абаев.

Айта кетейік, Алматыда ҚР Ақпарат және қоғамдық даму министрі Дәурен Абаевтың азаматтық белсенділермен кездесуі өтіп жатыр. Онда бейбіт шерулерді өткізу және ұйымдастыру тәртібі жөніндегі ҚР заңын жетілдіру мәселесі қаралуда.

 

banner_wsj.gif

Түркістан облысындағы алғашқы науқас вирусты қайдан жұқтырған?

Ол Нұр-Сұлтаннан Жетісайға жеткенше 16 адаммен қарым-қатынас жасаған

Фото: Facebook

Коронавирус жұқтырған науқас Түркістан облысы, Жетісай ауданының тұрғыны болып шықты, деп жазады Түркістан облысы әкімінің орынбасары Сәкен Қалқаманов өзінің  Facebook парақшасында. 

"Мәліметке сай, 27 наурыздан бері қызуы көтеріліп ауырған. Жетісай аудандық орталық ауруханасының жұқпалы аурулар бөліміне 30 наурыз күні қаралған.Науқас 21 наурыз күні Нұр-Сұлтан қаласынан Павлодар-Қызылорда бағытындағы поезбен Қарағандыға келіп, 6 сағаттай аялдап, Шымкентке Петропавл-Қызылорда бағытындағы поезбен келген. Ары қарай жеке көлікпен Жетісай қаласына жолға шыққан",- деп жазады Сәкен Қалқаманов. 

Әзірге анықталғаны науқаспен 16 адам қарым-қатынаста болған. 5 адам Нұр-Сұлтан қаласында байланыста болса,  11 адам Жетісай қаласының тұрғындары. 

"Өзге де байланыста болған адамдар анықталуда", -деді әкімнің орынбасары. 

Соңғы ресми мәлімет бойынша, Қазақстанда барлығы 348 адам кронавирус инфекциясын жұқтырған.   

banner_wsj.gif

drweb_ESS_kursiv.gif