Diamond Princess лайнеріндегі қазақстандықтар жақын күндері елге оралады

Олар коронавирус инфекциясын жұқтырмаған

Фото: Shutterstock

Ақпанның басынан Жапонияның жағалауында тұрған Diamond Princess лайнеріндегі жолаушыларды сыртқа шығара бастады. Бұл туралы сыртқы істер министрі Мұхтар Тілеуберді мәжіліс кулуарында айтты. 

"Біздің азаматтар коронавирус жұқтырмаған. Оған лайнердегі өткізілген тест нәтижесі дәлел.  Бүгін 14 күнге созылған карантин бітті,  жолаушылар лайнерден шығарыла бастады. Жерде  жолаушылар тағы қосымша тексерістен өтеді. Оның нәтижесі дұрыс болса, оларды қайтарамыз", – деді ол. 

Бұл ретте министр қазастандықтар  жол шығынын өздері көтеретінін айтып өтті. Тілеуберді мырзаның айтуынша олар жақын уақытта отанына оралады. 

Diamond Princess лайнері 20 қаңтар күні Жапоннияның Иокогам қаласынан Кагосима – Гонконг – Окинава бағыты бойынша екі апталық круизге аттанады. Алайда Гонконгта жағаға шыққан жолаушылардың бірі коронавирус жұқтырғаны анықталды. 3 ақпанда круиз кемесіндегі барлық жолаушыларды тексеру үшін  ол Иокогама портында қалды.

 Жапонияның Денсаулық сақтау министрлігі лайнерді 14 күндік карантинге қалдыруды талап етті. Лайнердегі жолаушы инфекция жұқтырғаны анықталған сәтте бортта шамамен 3,7 мың жолаушы мен экипаж мүшесі болған. NHK телеарнасының мәліметтері бойынша круиз лайнерінде коронавирус жұқтырғандардың  жалпы саны 454 адамды құрайды.

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

Шетелде оқу үшін үйден шықпай-ақ құжат тапсыра аласыз. Ол қалай?

Конкурсқа қатысу онлайн жүзеге асады

Фото: Shutterstock

Жаз – талапкерлердің жаппай оқуға құжат тапсыратын, ғылым-білімге қатысты болашағына жоспар құратын белсенді мезгіл. Елімізде шет мемлекетке барып білім алғысы келетін жастар да көп. Олар үшін «электронды үкімет» порталында жақсы мүмкіндік қарастырылған. 

Бұдан былай шетелдегі оқу конкурстарына қатысу үшін білім беру саласындағы халықаралық шарттар аясында үйде отырып-ақ құжат тапсыруға болады. Пайдаланушы білім алғысы келетін ел мен мамандықты порталда көрсете отырып, «бакалавриат», «магистратура», резидентура» және «докторантура» дәрежелеріне құжат тапсыра алады.


Қызметті тұтыну үшін алдымен порталда авторизация жасайсыз. Содан кейін «Білім» қосымша бетіне кіріп, «Білім беру саласындағы халықаралық шарттар шеңберінде шетелде оқу конкурсына қатысу үшін құжаттарды қабылдау» дегенді таңдап, қызметке тапсырыс бересіз. 

Әрі қарай білімі, отбасылық жағдайы, еңбек қызметі туралы мәліметтерді енгізіп, барлық қажетті бағандарды толық толтырып, ЭЦҚ немесе смс-пароль арқылы қол қоясыз. Бұл қызмет жеке тұлғаларға бір жұмыс күні ішінде көрсетіледі. 

 Еске салайық, жақында білім және ғылым министрлігі «Болашақ» халықаралық бағдарламасына құжаттар қабылдау басталғанын жария етті. Бағдарлама арқылы азаматтар магистратура, докторантура, резидентура және тағылымдама бағдарламалары бойынша білім алады. Бұл конкурсқа қатысу үшін де құжаттарды eGov порталы арқылы онлайн жолдауға мүмкіндік бар. Құжат қабылдау 2020 жылдың 27 шілдесі мен 31 қазаны аралығында жүргізіледі. 

Министрлік дерегіне сүйенсек, биыл «Болашақ» бағдарламасы бойынша академиялық оқуға 85 және тағлымдамадан өтуге 95 басымдыққа ие мамандықтар ұсынылып отыр. Сондай-ақ бағдарлама аясында оқуға QS, ARWU, Times Higher Education, The U.S. News Best Global University халықаралық рейтінгтерінің кемінде екеуінің TOP-100 құрамына кіретін және Экономикалық ынтымақтастық және даму ұйымына мүше елдердегі университеттердің US News Global рейтингісінде кемінде 65 жаһандық балға ие 138 жоғары оқу орны бекітілген. 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

banner_wsj.gif

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер

qazexpocongresskz.jpg