Skip to main content

Білім беру саласындағы тендерлер сыбайлас жемқорлыққа бейім

Бұл антирейтинг көшін «Азаматтарға арналған үкімет» мемлекеттік корпорациясы бастап тұр

Фото: Shutterstock.com

Сыбайлас жемқорлыққа қарсы іс-қимыл агенттігі Превенция департаментінің аса маңызды істер жөніндегі офицері Айнагүл Кәріпова  аранайы баспасөз жиынында мемлекеттік сатып алу саласындағы заң бұзушылықтар мен жемқорлық туралы айтып өтті.  

 «2019 жылдың соңына  қарай «Атамекен» кәсіпкерлер палатасымен бірлесе отырып, мемлекеттік сатып алудың бірыңғай жүйесін іске қосқан едік. Нәтижесінде 800 млн теңге ысырап болмай, үнемделді», – деді ол. 

Бұл портал мемлекеттік сатып алу саласындағы бүкіл өзгерісті онлайн режимде көруге мүмкіндік береді. Бағаны қымбаттатып қою немесе өте арзан баға белгілеу, жеткізілім уақытын қысқарту, үнемі нақты бір жеткізушіге тапсырыс беріп отыру – бәрі айқын көрінеді. 

«Мемлекеттік сатып алу бірыңғай жүйесінің деректеріне сүйене отырып, 2019 жыл қорытындысы бойынша, жемқорлыққа жол беруі ықтимал органдардың тізімі жасалды. Осы ондыққа білім беру саласындағы 7 мекеме кірді. Бұл – Шымкент, Нұр-Сұлтан, Ақтөбе, Тараз, Атырау, Орал және Алматы облысының білім басқармалары», – деді Кәріпова. 

Бұл антирейтинг көшін «Азаматтарға арналған үкімет» мемлекеттік корпорациясы бастап тұр. 

Мемлекеттік сатып алу ел қазынасының шығынының басым бөлігін құрайды. Мәселен, 2019 жылы мемлекеттік бюджет шығыны 12 трлн теңгеден асса, соның 70 пайызы мемлекеттік сатып алуларға жұмсалған. 

Былтыр агенттік осы саладағы сыбайлас жемқорлыққа қатысты 300 қылмысты  анықтаған. Оның 70 пайызы жергілікті атқарушы билік өкілдеріне қатысты болса, 20 пайызын орталық мемлекеттік органдар мен оларға қатысты ұйым қызметкерлері жасаған. Келген шығын көлемі – 2,5 млрд теңге. 

banner_wsj.gif

Елорданың үш мыңға жуық тұрғыны жәрдемақыға өтініш берген

Қызметкерлердің өтінішін арнайы штаб қарастырып жатыр

Фото: Аскар Ахметуллин

Қазіргі кезде төтенше жағдайға байланысты табысынан айырылып қалған 31 жұмыс берушінің 317 қызметкеріне  42500 теңге тағайындалған.  Сонымен қатар 2828 адамның өтінішін арнайы комиссия қарап жатыр. Бұл туралы орталық коммуникациялар қызметінде өткен брифингте Нұр-Сұлтан қаласы әкімінің орынбасары Бақтияр Мәкен мәлім етті. 

"Жұмыссыз қалған азаматтарға бүгіннен бастап тиісті  жұмыс орталықтарында  онлайн арқылы  төлем беру басталады. 300-ден аса өтініш түскен болатын. Солардың бәріне, жүмысынан айырылған азаматтарға, жұмыскерлерге  беріледі  Оның көлемі 42 500 теңге көлемінде бекітілген. Мемлекет дегеніміз сіз бен біз. Біз бір бірімізді қиын-қыстау кезеңде ешқашан ұмыт қалдырмаймыз. Әлеуметтік аз қамтылған отбасылар мен мұқтаж азаматтарға азық-түлік, дәрі-дәрмек уақтылы жеткізіліп жатыр",- деді әкімнің орынбасары. 

Оның айтуынша, Үкімет осы мәселеге қатысты арнайы ережелер қабылдады. Елордада ақысыз демалысқа жіберілген азаматтарға Мемлекеттік әлеуметтік сақтандыру қорынан төлем тағайындау басталды. Нүр-Сұлтанда  осы мәселемен тікелей айналысатын штаб құрылған, оның құрамына "Атамекен" өңірлік кәсіпкерлер палатасы, кәсіподақ комитеті, мемлекеттік органдар, жұмыспен қамту басқармасы және басқа да ұйымдардың өкілдері кірді.

Бақтияр Мәкеннің айтуынша, төлемдер бойынша барлық мәселелер бойынша штабқа хабарласуға болады. 

"Барлық өтініштер онлайн-режимде қабылданады. Онлайн-кеңес беру  55-14-87, 55-01-74 және 55-69-59 телефондары арқылы жүргізіледі, немесе жұмыстан босап қалған қызметкерлерді тіркеу мәселелеріне қатысты колл-орталыққа тәулік бойы хабарласа аласыз. Сонымен қатар қала әкімдігінің ресми сайтына да", - деді Мәкен.

23 наурыз күні  төтенше жағдай жөніндегі мемлекеттік комиссия отырысында Президент  төтенше жағдай кезінде табысынан айырылғандарға ең төменгі жалақы мөлшерінде, яғни 42500 теңге жәрдемақы төлеуді тапсырған болатын. 

COVID-19 коронавирус инфекциясы Қазақстанда 13 наурызда анықталды. 16 наурызда Президент Қасым-Жомарт Тоқаевтың Жарлығы бойынша  елімізде төтенше жағдай режимі енгізілді, ол 15 сәуірге дейін жалғасады және қажет болған жағдайда мерзімі ұзартылуы мүмкін. 19 наурыздан бастап Нұр-Сұлтан мен Алматы карантинге жабылды. 28 наурыздан бастап карантин шаралары күшейтіліп, қос қаладағы барлық ұйымдар мен кәсіпорындар 30 наурыз - 5 сәуір аралығында жұмысын уақытша тоқтатты. 

 

banner_wsj.gif

drweb_ESS_kursiv.gif