Skip to main content

Ресейде еңбек мигранттарының тұрмысын жеңілдету ұсынылды

Олардың ішінде өзбекстандықтар да бар

Фото: Shutterstock

Ресейде еңбек мигранттарын жұмысқа тартатын кәсіпорындарды жоспарлы тексерулерден босату ұсынылды. Бұл турасында РФ үкіметі заңының жобасына сілтеме жасаған «Известия» газеті хабарлайды.

Құжат ескірген және өзектілігін жоғалтқан құқықтық-нормативтік актілердің күшін жою жөніндегі «Регуляторная гильотина» заңнама реформасы шеңберінде дайындалған.

Басылым мәліметтері бойынша, ішкі істер министрлігі ағымдағы жылдың маусымында тиісті түзетілерді ұсынуға тиіс. Ал заң жобасының өзін 2020 жылғы қыркүйекте РФ Мемлекеттік Думасының қарауына ұсыну жоспарланған. Аталмыш шара бизнес пен еңбек мигранттарының тұрмысын жеңілдетеді, деп күтілуде. 

Өзбекстанның Сыртқы көші-қоң жөніндегі агенттігінің мәліметтері бойынша, шетелдерде жүрген еңбек мигранттарының жалпы саны 2,6-дан 3 млн-ға (2019 жылғы тамыздағы мәлімет) дейінгі адамдарды құрайды. Өзбекстандық еңбек мигранттарының негізгі бөлігі Ресейде (2,2 млн-ға жуық адам) жұмыс істейді. Олардың 360 мыңы ӨР Еңбекпен қамту және еңбек қатынастары министрлігі  желісімен ресми түрде кеткендер. Өзбекстан Орталық банкі мәліметтеріне сәйкес, 2018 жылдың қорытындылары бойынша РФ-дағы еңбек мигрантарынан республикаға жасалған ақша аударымдарының көлемі $3,9 млрд-тан асып кеткен. 

banner_wsj.gif

Қазақстанның кейбір облыстарында су тапшылығы сезілуі мүмкін

Оған трансшекаралық өзен суының азаюы себеп

Жаңа егіс науқанының алдында еліміздің бірқатар аймақтарында су тапшылығы сезілуі мүмкін. Бұл туралы геология, экология және табиғи ресурстар министрі Мағзұм Мырзағалиев суармалы жердің ирригациялық инфрақұрылымын жаңғырту мәселесі қаралған үкімет отырысында мәлімдеді. 

Министр гидрологиялық болжам бойынша, биыл оңтүстік және батыс облыстарда су тапшылығы сезілуі мүмкін дейді. Бұған дейін ел үкіметі елімізде төтенше жағдай жариялануына байланысты азық-түлік қауіпсіздігін қамтамасыз етуді басым бағыт деп белгілеген еді. Осы орайда Мырзағалиев ауыл шаруашылық саласында жүрген шаруаларды қажетті сумен қатамасыз ету – осы міндеттің бір бөлігі деп тұжырымдайды.

«Осыған орай біз тиісті шараларды қабылдадық. Су қоймаларының жұмыс кестесі қайта қаралып, әзірленді. Оны дайындау барысында суармалы жерлерді сумен қамтамасыз ету есепке алынды. Қазіргі таңда су қоймалары толтырылып жатыр",- деді ол Үкімет отырысында. 

Қазақстанның трансшекаралық өзендері бастау алатын көрші елдер – Қырғызстан, Тәжікстан мен Өзбекстанда да су тапшылығы сезілуі жағдайды одан әрі ушықтырып тұр. Бұл өзендердің суы елдің оңтүстігі мен батысында ауыл шаруашылық мақсаттағы жерді суаруға пайдаланылады.

«Біз өз тарапымыздан өзбек, қырғыз және тәжік әріптестерімізбен тиісті  келіссөз жүргізіп жатырмыз. Біздің басты назарда – Сырдария, Шу, Талас өзендері және мемлекетаралық каналдар бойынша Түркістан, Қызылорда және Жамбыл облыстарына қажетті су келуін қамтамасыз ету. Осыған орай, видеобайланыс арқылы 10 сәуірде су шаруашылық министрліктерінің арасында консультация өткізу жоспарланған»,– деп айтып өтті министр.

Минстрліктің мәліметі бойынша, Қазақстанда 1,5 млн гектар суармалы жер бар. Олардың басым бөлігі оңтүстік облыстарға тиесілі. Былтыр сол жерлерді суару үшін 12,3 млрд м3 су жұмсалды. Бұл еліміз бойынша тұтынатын судың 67% құрайды.

Бір гектар жерді суаруға кететін су көлемін орта есеппен 6 м3-ке дейін азайтса, ұнемделген сумен тағы да 2 млн гектар жерді суғаруға болады екен. Сондықтан министр суды үнемдеу технологиясын көбірек пайдалану керек деп тұжырымдайды. 

«Тамшылатып суару, жаңбырлату және егіс көлемін жоспарлаудың жаңа технологиялары пайдаланылатын суды бұрынғы тәсілдермен салыстырғанда, 33 пайызға үнемдеуге мүмкіндік береді. Ең бастысы - шығындалған судың өнімділігі артады, 1 шаршы мерт суды пайдалана отырып, 2,5 есе көп өнім алуға болады»,– деді ол. 

Бұдан бөлек, Қызылорда, Түркістан, Жамбыл және Алматы облыстарында 205 километр канал тазаланды және бұл жұмыс әрі қарай жалғасып жатыр.

Сондай-ақ, 335 гидротехникалық нысандар жөнделіп, 39 километр канал бетонмен қапталды.
 

banner_wsj.gif

drweb_ESS_kursiv.gif