1 view

Өзбекстанда еңбекақы өсті

Халықтың нақты табысын көтеру ісі 2020 жылы да жалғасын табатын болады

Фото: Shutterstock

2019 жылы Өзбекстанда еңбекақы өсуі орын алды. Мұндай мәліметтерді Қаржы министрлігі өзінің «Салық реформасы: 2019 жылдың алдын ала қорытындылары» шолуында келтіріп отыр.

Ведомствоның ақпараты бойынша, елде жұмыс істейтін азаматтардың көпшілігі өткен жылы 1 млн сумға ($105) дейін еңбекақы алған. 2019 жылдың басында елде осындай табыс табатын халықтың саны 50,7%-ды немесе 1,8 млн адамды құраған болатын. Қарашада олардың саны 43,6%-ға (1,7 млн адам) дейін қысқарды.

Өткен жылғы қаңтармен салыстырғанда, 2 млн сумға ($210) дейін табыс табатын адамдардың саны 0,2%-ға өскен. Қарашада мұндай азаматтардың саны 27,7%-ды (1,1 млн адам) құраған. Сонымен қатар, 2019 жылы 4 млн сумға ($420) дейін табыс табатындардың саны да елеулі өсті. Егер 2019 жылғы қаңтарда олардың саны 16,8%-ды құраса, қарашада ол  20%-ға (806 891 адам) жеткен.

5,5 млн сумға дейін ($578) еңбекақы алатындардың да саны артқан. Өткен жылдың басында бұл көрсеткіш 2,6%-ды (96 549 адам) құраса, қарашада ол 4,3%-ға (172 464 азамат) тең болған.

Еңбекақысы айына 5,5 млн сумнан ($578) астам соманы құрайтындардың саны екі есе дерлік ұлғайған: қаңтарда олардың саны 2,4% (87 388 адам) болса, жылдың аяғында ондай адам саны 4,3%-ға (175 483 азамат) жеткен.

Қаржы министрлігінің ақпараты бойынша, еңбекақының өсуімен қатар, жеке тұлғалардың  табысынан түсетін салықтар да екі есе дерлік артқан – 6,4 трлн сумнан ($673,1 млрд) 12,7 трлн сумға ($1,33 млрд) дейін.

Атап айтарлығы, ел президенті Шавкат Мирзияев 2020 жылы мемлекет алдында тұрған басты мақсаттардың бірі ретінде, халықтың нақты табысының өсуін белгіледі. 


 

«Курсивті» кез келген жерде оқыңыз. Бизнес әлеміндегі ең өзекті жаңалықтар Facebook, Telegram және Яндекс.Дзен-де.

kursiv_in_telegram.JPG


Материалы по теме


Читайте в этой рубрике

 

#Қазақстандағы коронавирус

Читайте нас в TELEGRAM | https://t.me/kursivkz

Читайте свежий номер