Skip to main content

Қазақстан оралмандарды қабылдау квотасын қысқартты

Биыл 1378 квота бөлінбек

Фото: Shutterstock

ҚР Үкіметінің қаулысымен оралмандарды қабылдаудың өңірлік квотасы 2020 жылы 1 378 адам болып белгіленді, бұл 2019 жылмен салыстырғанда, 653 адамға аз, деп хабарлайды Еңбек және халықты әлеуметтік қорғау министрлігінің баспасөз-қызметі. 

«Аталған қаулыны қабылдаудың мақсаты – ҚР Үкіметі белгілеген өңірлерде оралмандарды оңтайлы орналастыру. 2020 жылы квота былайша бөлінді: Павлодар облысына – 500 адам, Қостанай облысына – 350, Ақмола облысы – 258, Шығыс Қазақстан облысына –150, Солтүстік Қазақстан облысына –120», –делінген хабарламада.

Оралмандарды қабылдаудың өңірлік квотасына енгізілген адамдарға Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасын іске асыру шеңберінде субсидия беру түрінде қолдау көрсетілетін болады: көшуге – отбасының әрбір мүшесіне 35 АЕК (84,2 мың теңге) біржолғы төлем; тұрғын үйді жалдау (жалға алу) және коммуналдық қызметтерді төлеу бойынша шығыстарды жабу үшін 12 ай ішінде отбасына 15-тен 30 АЕК (36,1-ден 72,2 мың теңге) беріледі.

Ал 2019 жылы 17,661 этникалық қазақ немесе 9993 отбасы тарихи отанына оралып, оралман мәртебесін алған.

Естеріңізге сала кетейік, 1991 жылдан 2020 жылғы 1 қаңтарға дейін 313 256 отбасы немесе 1 057 280 этникалық қазақ тарихи отанына оралып, оралман мәртебесін алған болатын.

Бұған дейін Президент Қасым-Жомарт Тоқаев тарихи отанына көшіп келген отандастарды «оралман» емес, «қандас» деп атауды ұсынған  еді. 

banner_wsj.gif

Түркиядан оралған қазақстандықтардан коронавирус анықталған жоқ

Бүгін олар арнайы автобуспен Нұр-Сұлтан қаласына жеткізілді

Фото: pavon. kz

Павлодар облысы әкімі баспасөз қызметінің хабарлауынша, Нұр-Сұлтан қаласының 34 тұрғыны арнайы ұйымдастырылған автобуспен елордаға кетті. Олар Павлодарға Түркиядан  4 сәуір күні эвакуациялық рейспен ұшып келген еді.

Павлодар облысы мен Нұр-Сұлтан қаласының әкімдіктері өзара келісімге келген: арнайы жасақталған автобус елордалық тұрғындарды карантиндік госпитальдан Нұр-Сұлтандағы бақылау-өткізу пунктіне дейін жеткізеді. Сол жерден оларды елорданың әкімдігі жіберген арнайы көлік күтіп алады. Барлық рәсімдер эпидемияға қарсы дезинфекциялық шаралар режимін қатаң сақтай отырып жүргізіледі.

Қалған жолаушылар, оның ішінде Павлодар облысының тұрғындары да бар, карантиндік госпитальде қалады. Олар сол жерде 14 күн бойы  медициналық бақылауда болады.

Айта кетейік, рейстегі 102 жолаушыдан алынған талдау нәтижелері бойынша, ешкімнен коронавирус инфекциясы анықталмады.
 

banner_wsj.gif

drweb_ESS_kursiv.gif