Skip to main content

Қазақстан қылмыскерлерді Бразилияға ұстап береді

Екі мемлекет арасында құқықтық көмек көрсетіледі

Фото: Shutterstock

ҚР Парламенті Мәжілісінің жалпы отырысында депутаттар «Қазақстан мен Бразилия арасында адамдарды ұстап беру туралы шартты ратификациялау туралы» заң жобасын мақұлдады.

«2016 жылдан бері екі ел арасында визасыз режим жұмыс істейді. Ал шарттың өзіне келсек, ол мемлекеттер арасында іздеуде жүрген адамдарды қылмыстық жауапқа тарту және сот үкімін орындау үшін экстрадициялау мәселелерін шешеді. Егер қылмысты Қазақстанда жасап, Бразилияда жасырынып жүрсе, ол бірден қамауға алынып, Қазақстанға беріледі. Керісінше, қылмыскер Қазақстанда жасырынып жүрсе, біз оны Бразилияға қайтаруға міндеттелеміз», – деді Бас прокурордың орынбасары Марат Ахметжанов. 

Бұл құжатқа екі тарап 2018 жылдың 20 маусымында қол қойған. 

Құжатта ұстап берумен қатар, одан бас тарту негіздері бекітілген. Ахметжанов қазіргі кезде қазақстандық соттан қашып, Бразилияда жасырынып жүргендер анықталмаған дейді. Сондай-ақ, Бразилия билігі іздеу салған қылымыскерлер де  Қазақстанда жоқ екен. 

«Құжаттың басты мақсаты – алдын алу. Қазірге дейін Қазақстан 21 мемлекетпен осындай келімсіге қол қойды. Алдағы уақытта Аргентина, Перу, Доминикан, Кипр, Малайзия және Грециямен келісімге қол қоюды жоспарлап отырмыз», – деді Бас прокурордың орынбасары.

banner_wsj.gif

Түркістан облысындағы алғашқы науқас вирусты қайдан жұқтырған?

Ол Нұр-Сұлтаннан Жетісайға жеткенше 16 адаммен қарым-қатынас жасаған

Фото: Facebook

Коронавирус жұқтырған науқас Түркістан облысы, Жетісай ауданының тұрғыны болып шықты, деп жазады Түркістан облысы әкімінің орынбасары Сәкен Қалқаманов өзінің  Facebook парақшасында. 

"Мәліметке сай, 27 наурыздан бері қызуы көтеріліп ауырған. Жетісай аудандық орталық ауруханасының жұқпалы аурулар бөліміне 30 наурыз күні қаралған.Науқас 21 наурыз күні Нұр-Сұлтан қаласынан Павлодар-Қызылорда бағытындағы поезбен Қарағандыға келіп, 6 сағаттай аялдап, Шымкентке Петропавл-Қызылорда бағытындағы поезбен келген. Ары қарай жеке көлікпен Жетісай қаласына жолға шыққан",- деп жазады Сәкен Қалқаманов. 

Әзірге анықталғаны науқаспен 16 адам қарым-қатынаста болған. 5 адам Нұр-Сұлтан қаласында байланыста болса,  11 адам Жетісай қаласының тұрғындары. 

"Өзге де байланыста болған адамдар анықталуда", -деді әкімнің орынбасары. 

Соңғы ресми мәлімет бойынша, Қазақстанда барлығы 348 адам кронавирус инфекциясын жұқтырған.   

banner_wsj.gif

drweb_ESS_kursiv.gif