Skip to main content

Қазақстан ГРЕКО-ға кірді

Қазақстан ГРЕКО-ға кірді

Иллюстрация: Pixabay

Бүгін Орталық коммникациялар қызметі алаңшасында Сыбайлас жемқорлыққа қарсы іс-қимыл агенттігі төрағасының бірінші орынбасары Олжас Бектенов Қазақстанның Еуропа Кеңесінің Сыбайлас жемқорлыққа қарсы елдер тобына (ГРЕКО) кіруінің қандай мүмкіндіктер ашатыны туралы айтып берді.

«Бірінші кезекте, Еуропа Кеңесінің сарапшылары әлемдік үздік тәжірибеге және халықаралық құқықтық-нормативтік актілерге сәйкестігін білу мақсатында, сыбайлас жемқорлыққа қарсы заңнамаға және жалпы, елмізде сыбайлас жемқорлыққа қарсы жүргізіліп отырған саясатқа тұрақты мониторинг жүргізетін болады», – деді Бектенов.

Мониторингтің әр раундының нәтижелері бойынша, еліміздегі заңнаманы өзгерту немесе сыбайлас жемқорлыққа қарсы іс-қимылдың тиімділігін көтеру мақсатында ұйымдастыру шараларын қолдану жөніндегі ұсыныстар беріліп отырады.

«Екіншіден, аса маңызды дүние, ГРЕКО-ға кіргеннен кейін, қазақстандық сарапшылар да ГРЕКО-ға қатысушы басқа елдерде мониторинг жасау үшін Еуропа Кеңесінің бағалау тобына кіруге мүмкіндік алады», – деп хабарлады Агенттік төрағасының бірінші орынбасары

Оның айтуынша, қазақстандық сарапшылар сыбайлас жемқорлыққа қарсы күрес жөніндегі өз тәжірибесімен ұйымға кіретін басқа елдермен бөлісе алады. Бұдан бөлек, біздің мамандар Еуропа Кеңесі алаңында талқыланатын және қабылданатын шешімдерді дайындауға қатысады.

«Үшіншіден, ГРЕКО-ға кіру Қазақстанға Еуропа Кеңесінің сыбайлас жемқорлық үшін қылмыстық (…) жауапкершілік Конвенциясын ратифициялауға, яғни бекітуге жол ашады. Бүгінгі күні Конвенцияны 48 мемлекет ратифициялаған. Оны бекіту болашақта қылмыскерлерді экстрадициялау, шетелдерге шығарылған активтерді елге қайтару бойынша шетелдік әріптестермен неғұрлым тиімді қызметтесуге мүмкіндік береді», – деді сөзін нақтылай түскен ол.

ГРЕКО 1999 жылы мүше елдердегі сыбайлас жемқролыққа қарсы саясатты жетілдіру мақсатында құрылған. Ол қатарына АҚШ, Ұлыбритания, Германия, Франция, Швеция, Норвегия және тағы басқалары кіретін 49 мемлекетті біріктіреді. Поскеңестік мемлекеттерден ГРЕКО-ға Ресей, Әзірбайжан, Грузия, Украина, Молдова, Беларусь мүше. Қазақстан ұйымның 50-ші мүшесі болды.

Өткен жылғы 15-қазанда Страсбургте Қазақстан Республикасы мен Еуропа Кеңесі арасындағы келісімге қол қойылды. Ал 2019 жылғы 30-желтоқсанда Қасым-Жомарт Тоқаев осы келісімді бекіту туралы заңға қол қойды. 


 

banner_wsj.gif

Елорданың үш мыңға жуық тұрғыны жәрдемақыға өтініш берген

Қызметкерлердің өтінішін арнайы штаб қарастырып жатыр

Фото: Аскар Ахметуллин

Қазіргі кезде төтенше жағдайға байланысты табысынан айырылып қалған 31 жұмыс берушінің 317 қызметкеріне  42500 теңге тағайындалған.  Сонымен қатар 2828 адамның өтінішін арнайы комиссия қарап жатыр. Бұл туралы орталық коммуникациялар қызметінде өткен брифингте Нұр-Сұлтан қаласы әкімінің орынбасары Бақтияр Мәкен мәлім етті. 

"Жұмыссыз қалған азаматтарға бүгіннен бастап тиісті  жұмыс орталықтарында  онлайн арқылы  төлем беру басталады. 300-ден аса өтініш түскен болатын. Солардың бәріне, жүмысынан айырылған азаматтарға, жұмыскерлерге  беріледі  Оның көлемі 42 500 теңге көлемінде бекітілген. Мемлекет дегеніміз сіз бен біз. Біз бір бірімізді қиын-қыстау кезеңде ешқашан ұмыт қалдырмаймыз. Әлеуметтік аз қамтылған отбасылар мен мұқтаж азаматтарға азық-түлік, дәрі-дәрмек уақтылы жеткізіліп жатыр",- деді әкімнің орынбасары. 

Оның айтуынша, Үкімет осы мәселеге қатысты арнайы ережелер қабылдады. Елордада ақысыз демалысқа жіберілген азаматтарға Мемлекеттік әлеуметтік сақтандыру қорынан төлем тағайындау басталды. Нүр-Сұлтанда  осы мәселемен тікелей айналысатын штаб құрылған, оның құрамына "Атамекен" өңірлік кәсіпкерлер палатасы, кәсіподақ комитеті, мемлекеттік органдар, жұмыспен қамту басқармасы және басқа да ұйымдардың өкілдері кірді.

Бақтияр Мәкеннің айтуынша, төлемдер бойынша барлық мәселелер бойынша штабқа хабарласуға болады. 

"Барлық өтініштер онлайн-режимде қабылданады. Онлайн-кеңес беру  55-14-87, 55-01-74 және 55-69-59 телефондары арқылы жүргізіледі, немесе жұмыстан босап қалған қызметкерлерді тіркеу мәселелеріне қатысты колл-орталыққа тәулік бойы хабарласа аласыз. Сонымен қатар қала әкімдігінің ресми сайтына да", - деді Мәкен.

23 наурыз күні  төтенше жағдай жөніндегі мемлекеттік комиссия отырысында Президент  төтенше жағдай кезінде табысынан айырылғандарға ең төменгі жалақы мөлшерінде, яғни 42500 теңге жәрдемақы төлеуді тапсырған болатын. 

COVID-19 коронавирус инфекциясы Қазақстанда 13 наурызда анықталды. 16 наурызда Президент Қасым-Жомарт Тоқаевтың Жарлығы бойынша  елімізде төтенше жағдай режимі енгізілді, ол 15 сәуірге дейін жалғасады және қажет болған жағдайда мерзімі ұзартылуы мүмкін. 19 наурыздан бастап Нұр-Сұлтан мен Алматы карантинге жабылды. 28 наурыздан бастап карантин шаралары күшейтіліп, қос қаладағы барлық ұйымдар мен кәсіпорындар 30 наурыз - 5 сәуір аралығында жұмысын уақытша тоқтатты. 

 

banner_wsj.gif

drweb_ESS_kursiv.gif